السلام عليكم
يا جماعه انا العربيه عندى مبقتش تجرى خالص انا الاول كنت بجيب بيها 190 وانا مستريح يعنى متهيقلى كانت تجيب اكتر من كده بس دلوقتى بقيت اجيب بيها 160 بالعافيه مش عارف ده من ايه وايه الحل وانا رايح بكرة اعمل صيانه ال10000
عرض للطباعة
السلام عليكم
يا جماعه انا العربيه عندى مبقتش تجرى خالص انا الاول كنت بجيب بيها 190 وانا مستريح يعنى متهيقلى كانت تجيب اكتر من كده بس دلوقتى بقيت اجيب بيها 160 بالعافيه مش عارف ده من ايه وايه الحل وانا رايح بكرة اعمل صيانه ال10000
ممكن يكون تاثير الرياح او الطريق مكنش مسعدك تجرى
عموما قلهم على المشكلة دى فى الصيانة
وخليهم يكشفوا على الموتور بالكمبيوتر
وابقى طمنا عليك
أسامة
لاء مظنش علشان الطريق ده هوة نفسه اللى انا بجرى عليه كل يوم
ممكن يكون طقم دبرياج
ابتدى بالكشف على البوجيهات والفلاتر هواء وبنزين
انا عربيتى اوتو وكمان مبقلهاش شهرين و عامله 10000 كيلو
ربنا يستر طريقك ............. 190 كم - س .........
دي بتجيب السرعة دي فين ؟؟؟؟؟؟؟؟؟؟؟؟؟ أي حلبة سباق أقصد ؟؟
ربنا يهديك و يهدينا .
بُص يا سيدي
أنت أكيد عندك مشكلة في فلاتر الهواء و فلاتر البنزين
لأنها حصلت مع أخ فاضل معانا في المنتدى و لما راح التوكيل ....... تم تنظيف الفلاتر ....... و طلعوا جربوه و العربية جابت 200 كم - س ......... و أتقفشوا رادار .
فما تقلقش على الموتور .........
بس أنا لي ليك نصيحة لوجه الله تعالى .
190 كتير جدا ............................ و سرعة مميتة حتى لو راكب رولز رويس .
خليك في السرعات المعقولة علشان تروح للناس اللي بتحبك سليم و معافى إن شاء الله تعالى .......... و 190 زي 100
كدا هاتوصل .............. و كدا هاتوصل .
بس السرعة الأولى عيوبها الآتي :
نسبة حدوث حادثة ................ 100 % موجودة .
إستهلاك بنزين عالي جدا جدا جدا بدون أي داعي لأنك كدا أو كدا هاتوصل .
إستهلاك المحرك و الالات الجر و الكاوتش بسرعة أعلى من المعدلات الطبيعية .
تعرضك للغرامات ....... و الرادار ...... بنسبة كبيرة جدا .
و الأهم ......... أن فيه ناس برئية تانية بتستخدم الطريق معاك ....... يعني أنت مش لوحدك ....... و لذلك ........ يجب الأنتباه أن أنت ممكن تأخد ناس في سكتك لو لا قدر الله حصل حادثة ....... و في الحالة دي هاتتحاسب عليهم ....... و على نفسك .
أوعى تزعل مني علشان قلت الكلمتين دول ........ بس من كتر الحوادث اللي أنا بشوفها يوميا ....... تخيل يوميا ......... بأزعل على الناس اللي مش بتتعلم من أخطاء غيرها .
أعتبرني أخوك و متزعلش مني .
لو الكلام مش عاجبك ............ أنا بأعتذرلك مقدما ............... و أعتبرني ما قلتش و لا كلمة .
احكيلهم على المشكلة و فى الغالب هايعملولك تنظيف للفلاتر و البوجيهات و ضبط الموتور و كله هايبقى كويس ان شاء الله
مادام العربية من الاول جابت سرعة عالية يبقى المشكلة عندك ضبط و نظافة فلاتر فقط ان شاء الله
خد بالك يا زعيم ان الرادار فوق 170 كم فيها سجن مش 150 جنيه وخلاص ,, بس مش متاكد 100%
شكرا ليك يا استاذ توت وانا طبعا مش زعلان من كلام حضرتك خالص بس كمان انا كنت بجيب السرعه دى علشان كنت عايز اجرب العربيه بس ولما حسيت ان اداء العربيه قل فقولت اجرب تانى ولما جربت مجبتش نفس السرعه وانا على فكرة لسه مروحتش الصيانه رايح ان شاء الله بكرة
يا رب يا استاذ احمد يكون الموضوع خفيف وشكرا على اهتمامك
وربنا يستر يا جيفارا هيا كانت تجربه وان شاء الله ميكونش فيها سجن