صوت العربية عالي

**hamada_no3man** · 18-05-2009 02:57 AM

السلام عليكم اخواني
الملاحظ في الفترة الاخيرة ان صوت العربية بقي عالي ولما ازود بنزين احس بنعرة في صوت الموتور وفيه مية بتنزل من الشكمان لو قرصت علي العربية

**MMamdouh** · 18-05-2009 10:25 AM

المية اللى من الشكمان عادى

اكشف على الشكمان... ممكن تكون فيه علبة من العلب مخرومة

MMamdouh

**samirayad** · 18-05-2009 03:10 PM

وفيه مية بتنزل من الشكمان لو قرصت علي العربية

طيب ماهو أحتمال برضه يا أبويوسف يكون فيه مشكله فى رباط رأس السلندر أو الجوان بتاع الرأس برضه ( وده ممكن يتأكد منه لو الميه بتنقص مثلا )....أما الميه لو تمام ....يبقى مفيش أدنى مشكله

**MMamdouh** · 18-05-2009 03:30 PM

لو ميه متكثفة يبقى عادى... انما لو بخار مع نقص مية التبريد يبقى جوان وش او رباط الوش مهمى

MMamdouh

**samirayad** · 18-05-2009 03:34 PM

تمام ياباشا .......هو ده اللى أقصده بالضبط.......... بس أيه مهمى دى ....قصدك منهى .....أو عاوز يتربط تانى

**abouzaid555** · 18-05-2009 06:54 PM

طيب لو الشكمان جديد كله و الماية فى القربة مش بتنقص و صوت النعرة دى موجودة يبقى ممكن يكون ايه

**samirayad** · 18-05-2009 08:37 PM

المشاركة الأصلية كتبت بواسطة abouzaid555

طيب لو الشكمان جديد كله و الماية فى القربة مش بتنقص و صوت النعرة دى موجودة يبقى ممكن يكون ايه

ده ممكن يكون سببه فلانشه من ضمن فلانشات منظومة الشكمان مش قاطعه كويس (يعنى مشكلة جوان بين فلنشتين ) .......أو المانيوفولد (الفرن ) عاوز يتاعد عليه رباط برضه أو جوانه عاوز يتغير

**samirayad** · 18-05-2009 08:53 PM

وده تاثيره ايه لان انا لاحظت ان صوت العربيه عالى شويه ولما سئلت فهمت ان ممكن يكون ف خرم او ماشابه

تأثير (خرم _ جوان تالف بين فلنشتين _ فرن عاوز يتربط وهكذا ) بيولد صوت النعره اللى بنقول عليها ....لأن ده بيكون خنق مفاجىء لسريان العادم ( بعد مكان العادم ماشىء فى مقطع كبير ......جينا خنقناه بصوره فجائيه ) بالضبط زى نظام صفارة الأطفال وحكام الكوره............ونفس الظاهره أستفاد منها العلماء الأجانب فى هندسة الطيران (زى الطائرات النفاثه ) turbo jet airoplane .....بحيث لما يكون عندنا مائع زى الغازات جينا خنقنا سريانه بصوره فجائيه (بيقل ضغطه وتزيد سرعته بصوره كبيره جدا ) وبالتالى بيحدث الصوت ده................والعلاج طبعا معروف (أما لحام الخرم ....أو رباط اللى عاوز يتربط ....أو تغيير الجوان التالف ) لأرجاع الصوت الى وضعه الطبيعى.............