بسم الله ماشاء الله
ربنا يباركلك فيها
وهو ده اللي بامله في الفتيس وعجبني جدا علشان جدا
ربنا يباركلك فيها
وفعلا هو ده هدفه اللي اتعمل عشانه
اراحة السائق من النقلات وفي نفس الوقت الأستمرار على نفس استهلاك البنزين للمانيوال والعمر الأفتراضي الأطول له
يا ابو عبدالله هو لما اقول انى عايز أغيرها بمازدا يبقى وحش
انا بفكر اغيرها بفئة اعلى
ثم دا حال معظم اليابانى الى سوقته انه لازم يتربط عفشة كل 10 الاف و الا بيتبهدل بسرعة
ثم السيارة تبقى باكدج ما فيش سيارة كلها مميزات و كل واحد بيحسب المميزات و العيوب يشوف فى الأخر مقبولة له و لا لأ
يا ابو عبدالله انا لم جبت الياريس فى 2007 كانت فى رأى أفضل فئتها و كانت بالنسبة لى أفضل من لانسر و الإلنترا و أوبترا و سيراتو إللى كانوا فى نفس سعرها
لكن مثلا دلوقتى لو معايا الـ 100 الف ش حاجيب ياريس حاروح أجيب نيو سيراتو مثلا لإن شايف إنها أفضل فى هذا السعر
مش عايز تصدق دى مش مشكلتى دى مشكاتك انت :)
هو الواحد يا فاروق لو معترض على حاجات فى موديل فى شركة و دا من تجربة و من رأى ملاكها هنا و رأى الملاك فى الخارج
يبقى لازم يكون كاره لجميع موديلات الشركة !!!
يا جماعة لازم نفرق بين الرأى الشخصى لواحد المبنى على تكهنات غير حقيقية
و رأى شخص مبنى على تجربة و رأى معظم الأفراد
انا واحد من الناس بقول أن أداء فتيس الـ mmt مش عاجبنى من تجربتى له و الكورلا لو نزلت فتيس اتوماتيك عادى بنفس كماليات إللى نازلة فى الـ mmt حتعمل مبيعات كبيرة جدا فى مصر
يا سيدى الفاضل دى مسألة أذواق و تعود
الكرولا الجديدة أول مانزلت مصر معظم الناس ماكنتش طايقة شكلها
ربنا يبارك لك فيها و هى دى فعلا ميزة فتيس الـ mmt
لكن فيه غيرك لا يقبل التضحية براحة النقلات فى سبيل توفير البنزين
شكرا يا ابو عبد اللة واتمنى انها تفضل كدة
مشكلة الطاقة والبنزين اللوقتى مشكلة فى العالم كلة ما عدا دول الخليج
انا هقوللك على حاجة غريبة لسة عارفها امبارح بس
انا لى صديق فلبينى قالى انهم عندهم فى الفلبين عملوا جهاز يوفر30 % فى البنزين
والفلبين معندهمش مشاكل فى الجمارك زى عندنا بس عندهم البنزين غالى حوالى 5 جنية اللتر
والجهاز فكرتة انة بيبخر البنزين قبل دخولة على الماتور وبكدة يكون الاستفادة من البنزين كبيرة
وبكل بساطة بيتوصل فى سكة مية الردياتير وياخد الحرارة من المية السخنة
مكدبش عليك انا كنت متنح وهو بيقولى على الموضوع دة بس الراجل بيكلم عن تجربة
بصراحة لما بسمع الحاجات اللى فى الفلبين او الهند بزعل اقوى على اللى احنا فية
يا شاركى الراجل عايش فى النمسا وبيقولك ان الفتيس نزال فى الموديلات الجديدة وباعت لينك لتويوتا أوروبا اللى بيأيد كلامه ,وانت بتقول تويوتا غيرت الفتيس فى الخارج بفتيس أخر :shyy:
طب ما أحنا ملاكها يا شاركى واللى بنقوله بناء على تجربة مش تكهنات
رايك احترمه بس زى ما اقولنا أكثر من مرة العربية عايزة اسبوع او اثنين علشان تتعود على الفتيس وطريقة سواقته ودا اللى بيأكدوا ملاك العربية صعب تحكم على الفتيس من مرة او اثنين سواقة
وبعدين ما أحنا بقالنا فترة فى المنتدى مش سامعين حد بيشتكى منها وفين الناس اللى كانت فتحة مواضيع وبيشكوا من الفتيس ومشاكله ؟
وخلى بالك مش دايماً كلام الملاك بيكون صحيح وأكبر مثال على كده الميجان ان بلاقى فيها شعر فى المنتدى وانت نفسك كاتب عنها كلام يخلى الواحد يفكر يجيبها بس بسمع كلام عنها ثانى ومختلف وعكسى من معظم ملاكها فى الشارع
انا رأى الشخصى ممكن تكون المشكلة هو جهل من ملاكها بالتكنولوجيا اللى فيها وهديك مثال على كده فى الميجان وممكن انت تاكد المعلومة ديه
العربية على سرعة عالية ولفترة طويلة من السواقة بتطلع Error على الشاشة واما تبطل العربية 10 دقائق وتشغلها تانى ال Error بيتخفى
بعض ملاكها بيقولك دا عربية بايظة والكمبيوتر بيسخن ولازم تطفى العربية شوية
والتفسير اللى اتقال ان error هو رسالة تحذيرية ان درجة حرارة زيت الفتيس أعلى من الدرجة الطبيعية مش العربية بايظة والكمبيوتر بيسخن
وصدقنى ان لو عندى الفتيس فيه مشكلة هاقول ومش هأنصح حد انه يجب العربية
وعلشان نتكلم كلام علمى
ممكن نحسب عدد الناس اللى عندها مشاكل مع الفتيس مع عدد الناس اللى بدون مشاكل على الاقل داخل المنتدى
الفتيس ال mmt كده باى باى
لسة حالا كنت مع مسئول بيع تويوتا مصر اللى فى الداون تاون وقايل لى الفتيس العادى وصل خلاص وبالحجز
لكن قالى إن الفتيس ال mmt حيفضل يتباع عندهم لكن سعره حيبقى أقل من الفتيس العادى
يا فاروق باشا ركز فى كلام الراجل و الموقع
حتلاقى الفتيس إتغير بواحد تانى و بإسم تانى و بقى 6 نقلات
يعنى مش زى إللى بيتباع فى مصر :verygood:
الغريب بقى ان موقع تويوتا أيجيب كمان مش حاطط أصلا الـ MMT فى الموقع !!
http://www.toyotaegypt.com.eg/cars/n.../fullspecs.asp
الغريب بقى ان موقع تويوتا أيجيب كمان مش حاطط أصلا الـ MMT فى الموقع !!
http://www.toyotaegypt.com.eg/cars/n.../fullspecs.asp
__________________
شكرا للاخ شاركي علي اهتمامة ولكن انا شوفت الان بالداخل mmt موجود الاخ شاركي بعيدا عن mmt المفروض ان الكورولا في القريب سوف تتحول الي Auris هنا موجودة www.toyota.at سوف تجد نفس الشكل من الداخل ولكنها بدون شنطة واعتقد اذا نزلت مصر ستكون بشنطة وعلي فكرةلايعني انخفاض سعر mmt عن الاوتوماتيك العادي انة سيء او بة مشاكل ولكن يعني سياسة بيع (اذا حدث ذلك) وشكرا للاخ faroukahafeez وعلي فكرة نحن ملاك mmt نحاول الدفاع عنها ونحاول اثبات ان لايوجد بيها مشاكل من لم يملك السيارة كيف ذلكككككككككككككككككككك وشكراااااااااااا
سيدى الفاضل
أولا الإيريوس ليس بديلا للكرولا
ثانيا أنخفاض سعر الـmmt عن سعر الاتومايك العادى لا يعنى الا شيئا واحدة هو قلة الطلب عليه و زيادة الطلب عن الاتوماتيك العادى
لإن لو عليه طلب ماكنوش فكروا أصلا فى الاتوماتيك العادى و كانوا زودا سعرها مش قلولوه
ثالثا معظم كلامى على إن أداء الفتيس غير مرضى بالنسبة لى و لمعظم المصريين بدليل تغييره فى التوكيل
رابعا ربنا يبارك لكم فى الكورلا
انت يا باشا بتنفخ فى قربة مخرومة خرم كبير
بس دة سلوك جيد جدا وطبيعى
لانك لو لقيت العكس ان الناس بتتناقش عشان تعرف معلومة والكل يستفيد وتحاول تفهمك ويبقى الهدف المصلحة العامة
يبقى انت اكيد مش فى مصر
تقول الفتيس ليس بة عيب فى الصناعة ولكن لة طريقة سواقة -- تلاقى الناس تقولك اية اية قول تانى كدة اصل احنا مسمعناش
تقول تيل الفرامل بيصفر-- تلاقى الناس تقولك ازاى الكلام دة -دة تهريج وعيب صناعة ولازم تخرب بيتهم
تقول الفتيس بيوفر بنزين وبتاخد ميزة الاوتوماتيك بس مع وجود اسطوانة وديسك-تلاقى الناس تقولك مش مشكلة التوفير المهم الراحة ولما تطلع اشاعة ان البنزين هيغلى تلاقى الناس تقولك حسبى اللة ونعم الوكيل
ودة مش فى مجال السيارت وبس
دة فى كل المجالات
انا رايى ان احنا نسيب الايام هى الى تحكم على العربية والفتيس والاعتمادية
غير كدة معلش احنا بنضيع وقت فى كلام ومهاترات