في العادة بيبقي جنب كل ميكانيكي واحد بتاع قطع غيار
ولما تكون هاتغير حاجة خفيفة كده بتكسل تروح للمحل اللي انت بتجيب منه عادة و تشتري من المحل اللي جنب الميكانيكي وخلاص ؟
و خصوصا بقي لو الميكانيكي حل حاجة زي السير ولابوجيهات ولا أويل سيل مش هاتعرف تتحرك بالعربية من غيره ...
أنا شخصيا بعمل كده .. سبب من الأسباب اني بكون مش عاوز اسيب العربية عند الميكانيكي لحسن يسيبها و يشتغل في عربية تانية .. او تتقلب منها حاجة أو كده ...
أنت بتعمل أيه ؟
السلام عليكم .. انا لما بحس بحاجه في العربيه بروح للميكانيكي يشخصها ويتاكد من غير ما يحل حاجه وتاني يوم اروحله وانا معايا قطع الغيار المطلوبه اللي بشتريها من المحل اللي بتعامل معاه بثقه - لان احيانا الميكانيكي بيبيع ضميره علشان ينفع المحل اللي جنبه وياخد منه عموله وخصوصا لو المحل ده بتاع الميكانيكي نفسه - انا لسه حالا مغير جوان كارتيره الزيت وجايب الجوان معايا ووقفت جنبي عربيه كروللا 96 عيون بتقطع في المشي انا توقعت انه اما بنزين ( نظافه كربراتير-بوجيهات) او ظبطه كهربا ( اسبراتير-ابلاتين - كوندنسر-شاكوش-سلانسيه) المهم لقيت الميكانيكي بيقوله هاتلي طقم بوجيهات جديد من المحل اللي جنبنا ده ( تبع الميكانيكي )من قبل مايفكهم حتي ولما فكهم طلعوا فل الفل والراجل غشيم فللامانه قولتله علي جنب ماتشتريش حاجه وخليه ينظف الكربراتير .. وفعلا العربيه ظبطت معاه - شفتوا النصب !! وتقوللي اشتري من جنب الميكانيكي . ازاي .
انا لما بروح للميكانيكي بيكشف على العربية الأول وبقول مثلا محتاجه رمان بلي أو تيل فرامل بروح اشتريها من محل مضمون بتعامل معاه وبعدين أرجعله يبدأ يشتغل في العربية
أو لو انا عارف انا عاوز اغير ايه في العربية بشتري قطع الغيار الأول وأروح للميكانيكي يغيره زي مثلا تغيير طقم السيور ( سير كاتينه - سير دينامو - سير باور)
وده بسبب ان قطع الغيار دلوقتي بقى المضروب منها كتير اوي ولازم الواحد يجيب من حد مضمون واتعامل معاه قبل كدة
قبل كده كنت باتصرف علشان ما اعطلش...
لكن بعد ما اكتسبت خبرة التعامل مع الميكانيكيه وقطع الغيار...
وكمان اتنصب عليا كتير.
بابقي عارف انا عاوز اغير أيه وبأخده معايا وانا رايح للميكانيكي واللي طبعآ بقي ثقه بعد كثير غيره معدومي الضمير.
[marq="3;right;3;scroll"]
لا من محل اعرفه طبعا
[/marq]
لا طبعا فيه محلات معينة بتعامل معها
لا طبعا بتعامل مع محل معين ولو عندة حاجة مش كويسة يقلي متااخدهاش
[marq="3;right;1;scroll"]
طب واللى بيصلح فى التوكيل ؟؟
[/marq]
اوقات لو عارف انا عاوز ايه بشتريه واخده معايا
لكن اوقات اخرى بكون مرغم انى اشترى من اقرب محل
للضروره طبعا لو العربيه مش هتمشى من غيرها
وكمان المحلات اللى بتعامل معاها بعيد
وببقى عارف انى بينضحك عليا
بس غصب عنى مافيش حل تانى
ممكن الناس تكسل وتشترى من اقرب محل
والله على حسب القطعة ذات نفسها
يعنى لو حاجة ليها تأثير مهم ع العربية يبقا طبعا ع االمحل اللى بتعامل
معاه وبجيبها اوريجنال انما لو حاجة بسيطة بيبقا من اى حد
جنبه وخلاص
حسب الحاجة اللى محتاجها لو بسيطة و مش غالية أوى و مش من الحاجات المعمرة ما بتفرقش معايا و كمان لما تبقى حاجة موقفة العربية يعنى مش هتتحرك من مكانها من غيرها برده بتأثر و ممكن تخلى الواحد يستعجل و يجيب من اللى يلاقيه قدامه