@ ّ كلمة نفسي اقولها بصوت عالي من زمان .. والله ما هيا دي ّ @
من زمان وانا نفسي اتكلم في الموضوع ده
ونفسي اقف اقوله لكل الناس بجد
والله ما هيا دي الخوذة اللي عاوزينها
لأن بصراحه بيوضح مدى جهل شعبنا ولو في اتفه الأمور .... للأسف
خوذة الموتوسيكلات
بجد انا بستغرب ان الناس مش قادرة تعرف الفرق بين خوذة الهندسة واعمال المقاولة اللي هيا دي
وبين الخوذة بتاعت الموتوسيكلات الحقيقية اللي هيا دي
الناس راكبه الموتوسيكلات ولابسين الخوذة بتاعت الهندسة اكنها هتقضي الغرض مش مهم فكرة التصنيع او فكرة كل واحده ايه
المهم انها خوذة وخلاص والدنيا سهلة قوي معانا ده لو اساس حد عارف ان في فرق وان دي غير دي اساساً
ده غير ان خوذة الهندسة دي مع اقل ميل له على الموتوسيكل فضلا عن انه يقع من عله مش هتكون على راسه ولو فضلت على راسه مش هتحمي اي حاجه اساسا لأنها بلاستيك بدون اي حشو او فيبر داخل
المشكلة ان خوذة الهندسة علشان تحمي راس الأنسان من اي سقوط اي شئ على راسه وبتكون محمله على راس الشخص عن طريق دعامات بلاستيكية رافعاها عن راس الأنسان علشان لو اي حاجه اتخبطت او سقطت على الرأس تكون الخوذة حامي لها وتكون الخبطة غير مباشرة على الجمجمه
اما خوذة الموتوسيكل فبتكون ملامسة للراس مباشرة وبتكون بلاستيك وبداخله فيبر
وتحمي راس السائق عند سقوطه من على الموتوسيكل على الأرض في ان تصطدم راسه بالأرض مباشرة او يتم زحفها على الأسفلت وتكون مربوطة بحزام على الرأس لكي لا تسقط من على راس السائق واحيانا تكون مزوده بزجاج بلاستيك شفاف امام الأعين لكي تحمي من الهواء او التراب معاً
فشتان بين هذه وهذه
وبين فكرة هذه وفكره هذه
طيب المقصود من القانون ان راكب الموتوسيكل يكون لابسس الخوذة المخصصه للموتوسيكل كنوع من انواع الحماية له
طيب لما يبقى لابس خوذة المقاولات الهندسية دي هل هتفي بنفس الغرض برضه
الغريب ان الناس لابساها وبتعدي على رجال المرور وكمان بيدخلوا بها المرور ويرخصوا بها والمرور يعتمد انها خوذة ايضا .... يعني مش جهل شعب فقط وانما تطبيق خاطئ من رجال القانون وجهل بمعنى الخوذة او لماذا تم تطبيقها او ما هيا فائدتها اصلا ........
والله ما هيا دي الخوذة اللي عاوزينها
