يا ناس يا هوووووووووو انا محتار ؟؟؟

الاخوة الافاضل اعضاء و ضيوف هذا المنتدي ..
السلام عليكم و رحمة الله و بركاته ..

بصراحة و باختصار شديد .. انا محتار ..
اشتري كيا سيراتو الشكل الجديد و لا لانسر 1600 اتوماتيك الشكل القديم ؟؟؟؟

انا سالت على سعر العربيتين :
كيا سيراتو الجديدة اعلى فئة (hi line) عاملة حوالي 126 الف جنيه
لانسر الشكل القديم 1600 اتوماتيك (sport) عاملة 123 الف من غير الفرش الجلد
و 126 الف بالفرش الجلد ..!!

انا قلبي مع الكيا سيراتو الجديدة بس عقلي مع اللانسر ..
يا تري اسمع كلام مين فيهم ..؟؟؟؟؟؟

المهم .. انا كرهت كل العربيات من كتر حيرتي ..
ممكن حد ابن حلال ينصحني لوجه الله ..؟ و يريح قلبي و عقلي
ربنا يريح قلبكم و يسعدكم و ما تحتاروش حيرتي يا رب ..

يا باشا اى حد بيشترى عربية جديدة لازم يكون محتار زيك كدة ويقارن بين كذا حاجة وممكن فى الأخر تجيب حاجة ثانية خالص

انا أفضل الكيا سيراتو مع احترامى للانسر
وسيبك من أى سبب انا أخترت الكيا لوكيلها المحترم ضمان فعلى 5 سنوات أو 100 ألف كيلو

وأكثر من صلام الاستخارة وربنا يوقفك الى ما فيه الخير

اللانسر عربيه محترمه مفيش عليها كلام بس فيها كذا عيب يخلى السيراتو تتفوق عليها
شكلها متغيرش من موديل 2004 لحد دلوقتى والسيراتو احلى منها بكتير
كماليتها اقل من السيراتو ( السيراتو ازيد بسنسور بارك وطاره ملتى وسمارت كى وتكييف تتش مش عادى )
موتورها 105 حصان السيراتو 124 حصان

اكيد بدون تفكير السيراتو
اولا تصميم جديد فارق 6 سنين عن الانسر
ماتور وفتيس بتكنولوجى جديد
شكل مميز و جميل
اوبشنز كتير اوى
اللى ركب العربيه قال انها تحفه من جوه و العربيه ثابته على السرعات العاليه

لوعاوز عربيه تتحمل معاك الطرق المصريه وموتور وعفشه محترمه جدا يبقى الانسر معمره و كويسه ولو عاوز عربيه جديده شكلها جديد و تشعر بالفرحه عندما تمتلكها وكماليات والاوبشن تحفه بسعر معقول يبقى السيراتو .