دبابابة ولا العربية بتاعت ابو الفتوح؟ افيدونى

سلام عليكم
انا يا جماعة ناوى انشاء الله انى اشتري نص نقل وكنت ناوى علي الديمكس او منصور شيفرولية
وكنت برجح منصور شيفرولية عن الديمكس عشان سمعت انها تايوانى مش ياباني
لحد ماسمعت عن العربية الجديدة بتاعة ابو الفتوح وبصراحة العربية انا روحت شفتها وعجبتني اوى بس
والي خلانى اعجب بيها اوى كده انها تقفيلها مش وحش خالص بالعكس شكلها زي الشيفرولية سوبربان الجديدة
ومن جوه جميلة وقاعدتها مريحة وواسعة والموتور 4jb1 الي اتقالي انو كان في الدبابة الشكل القديم والى لو احتاجت اي قطعة غيار هتبقي شيفرولية عادى جدا وكمان الشاسيه بتاعها بتاع الميتسوبيشي جالبور قطعة واحدة ومش عرف اخد قرار انى اشتريها عشان مندمش واقول ياريت كنت جيبت الدبابة.
ياجماعة افيدونى عشان انا بقارن يبنها وبين منصور شيفرولية مع العلم انها ب 79000 الكاملة والكاملة في الدبابة ب 106
واسف طولت عليكم وشكرا
مستني الردود

الرد الى اقدر اساعد حضرتك

والله الرد الى اقدر افيدك بية هو ان التعرفة احسن من الى متعرفوش

انا مبعرفش فى العربيات الربع نقل بس هو قاعدة عامة فى عربيات الشغل يعنى مش عربية فسح ومشاوير
يعنى من الناحية الأقتصادية العربية المنتشرة والمعروفة والى قطع غيارها متوفرة احسن من الحاجات الصينى
الهجين الى نازلة اليومين دول

ازاى تقدر تتاكد انها نفس قطع الغيار
ده السوال اللى يحكم المقارنة
مع انى مش بحب الماركات الصينى غير المعروفة

انا لو مكانك و معايا فلوس الدبابة ... اجيبها و اريح دماغي

دبابه طبعا
اوعي تجيب اي عربيه نص نقل صيني
ياباشا كفايه ان الديمكس تقدر تحمل عليها لحد 3 طن وعادي موتورها جبااااااااااااااااااااااا ااااار
توكل علي الله وهاتها
وياريت تجيب بتاعه منصور علشان الضمان لكن لو مش همك الضمان هات العاديه
وربنا يديلك خيرها ويكفيك شرها

ahmed2y شكرا للنصيحة ياباشا
ahmedsrs الي خلانى افكر في العربية دي ان موتورها كان نازل في الايسوزو يعني قطع غيار ايسوزو وحاجة ايسوزو كلها يعني المفروض انها بردو موفرة في قطع الغيار
The_Fox_Arab هي فلوسها مش جاهزة اوى بس الواحد كان بيدور علي حبة وفر حوالي 20 الف مش قليلين يعني يامان
HeMa_LanCeR يامعلم هيما اي عربية في الاتنين الاحسن الديمكس ولا منصور عشان انا سمعت ان الديمكس تايوانى مش ياباني وبالنسبة لموضوع الضمان مش فارق كتير معايا
ومعلش هتعبك معايا كنت عايز اعرف سعر الديمكس كام الكاملة والفاضية والدبابة الكاملة والفاضية ولو ترشحلي معرض اجيبها منه يبقي فل جدااااااااا
وشكرا لكل الاعضاء الافاضل الي ادونى رايهم

دور على راحة بالك دى عربية شغل واكل عيش مش ملاكى يوم متزهق منها تركنها

راى هات المضمون دبابة او ديمكس

دبابة طبعا

ابعد عن الصيني في النص نقل

ياعم صينى اية وبتاع اية والله العظيم انا كان معايا الديمكس وحملت فيها 3 طن ومفيش اى مشكله وزى مابيقولو الغالى تمنة فية

أنا هأكلمكم عن تجربتى الشخصية مع ال sg
فضلت معايا واحده لمده اربع شهور كانت دوبل كابين غرز 4 فى 4
دخلت بيها الصحراء فى 90% من الاربع شهور دول
كنت باحمل عليها 2 طن وساعات 2.5 طن وكانت صاروخ وزى الفل
نسيت اقولكم انها كانت فول اوبشن بالديفدى والتليفزيون كمان ايوه تليفزيون بيجيب القنوات الارضية
عمرها ما كلت ولا حصل فيها حاجة
بأمنه الله عربية زى الفل وموتورها شديد جدا وخاصة فى الغرز فى الغرود والجبال
لو عايز تجيبها اتكل على الله عن تجربة وهتدعى لى ان شاء الله
اما بالنسبة لقطع الغيار والصيانه انا جبت لها فعلا فلتر الزيت بتاع الدبابه 3 مرات هوه هوه ما فيش فرق حتى الراجل اللى غيرت عنده الزيت قالى ده نفس موتر الدبابة
وعندك مراكز الخدمه بتاعتهم وكمان ضمان 100 الف كيلو يعنى زى الفل
صدقونى العربية دى هتعمل شغل حلو او وهتاكل ناس كتير عيش

بما أنى متخصص فى الربع نقل فأرشح لك إيسوزو دى ماكس مستوردة
1- أرخص من الدبابة ب 89 ألف
2- قطع غيارها متوفرة أكثر من الدبابة
3- مكوناتها مستوردة كلها
4- الدبابة بها بعض المشاكل الفنية
5- ضمان الدبابة ملوش أى لازمة

وأحذر كل الحذر من الصينى هتندم على اليوم إللى فكرت فيه
وتقفيلها الحلو دة من وجهة نظرك أنت لو عاوز تعرف أكثر من 30 عيب ممكن اقولة لك

هذه نصيحة لله

اقتباس:

---

المشاركة الأصلية كتبت بواسطة startag

بما أنى متخصص فى الربع نقل فأرشح لك إيسوزو دى ماكس مستوردة
1- أرخص من الدبابة ب 89 ألف
2- قطع غيارها متوفرة أكثر من الدبابة
3- مكوناتها مستوردة كلها
4- الدبابة بها بعض المشاكل الفنية
5- ضمان الدبابة ملوش أى لازمة

وأحذر كل الحذر من الصينى هتندم على اليوم إللى فكرت فيه
وتقفيلها الحلو دة من وجهة نظرك أنت لو عاوز تعرف أكثر من 30 عيب ممكن اقولة لك

هذه نصيحة لله

---

ياريت حضرتك لو تعلمنا مشاركة بأسعار قطع الغيار لو أمكن والمشاكل الفنية الموجودة فى الدبابة علشان لو حد فكر يشتريها يقدر يتجنبها وإيه الميزات اللى فى الدى ماكس أحسن من الدبابة

طبعنا اذا حضر الماء بطل التيمم

وفى حالة وجود خبير زى الاخ startag

فالكلام النهائى لة

لان حمادة فاستر معروف فى عالم الربع نقل
وطبعا دى فرصة كويسة لانى انا كمان من الدقهلية وشغالين فى الربع نقل

توكل على الله واشترى من ابو الفتوح فرق السعر كبير يدفعك للشراء بدون تفكير ولا تنسى انك بتشترى من ابو الفتوح فقطع الغيار متوفرة والسياسة التى يتبعها فى بيع السيارات ناجحة و انسى خالص كلمة صينى

في رأيي الديمكس
احنا لسه جايبيين واحده من شهر نص كماليات عامله 101.5 والفاضيه كانت عامله 92
الدبابه كانت ارخص من كده
الدبابه تقفيل محلي انما الديمكس لا علي حد علمي
وبصراحه تقفيلها احسن بكتير من الدبابه

العربيتين تقريبا واحد الشيفورليه والاسوزو الديماكس الفرق طبعا ان الاسوزو انضف شوية عشان كلها مستوردة مع انى مبحبش اقول الكلمة دى ونفسى اشجع صناعة
(تقفيل) بلدى لما الناس يقبى عندها ذمة :ask:, الاسوزو بالمناسبة تقفيل تايلندى مش تيوانى و لو مكانك هختارها او اختها الدبابة .

اقتباس:

---

المشاركة الأصلية كتبت بواسطة startag

بما أنى متخصص فى الربع نقل فأرشح لك إيسوزو دى ماكس مستوردة
1- أرخص من الدبابة ب 89 ألف
2- قطع غيارها متوفرة أكثر من الدبابة
3- مكوناتها مستوردة كلها
4- الدبابة بها بعض المشاكل الفنية
5- ضمان الدبابة ملوش أى لازمة

وأحذر كل الحذر من الصينى هتندم على اليوم إللى فكرت فيه
وتقفيلها الحلو دة من وجهة نظرك أنت لو عاوز تعرف أكثر من 30 عيب ممكن اقولة لك

هذه نصيحة لله

---

ايسوزو المستورده دي بلد المنشأ بتاعها ايه لو سمحت

وايه كملياتها

اقتباس:

---

المشاركة الأصلية كتبت بواسطة Qmax

ايسوزو المستورده دي بلد المنشأ بتاعها ايه لو سمحت

وايه كملياتها

---

بلد المنشأ تايلاند

الصيني وهم و حركات و كماليات بس لو انت اكيد ان الشاسيه و العفشة جالوبر و الموتور ياباني 100/100 مش صيني تكنولوجيا ياباني اتوكل على الله و هات بتاعت ابو الفتوح و انت مغمض انما لو شاكك و مش متأكد يبقى هات الدبابة و كفاية ان كل الناس بتشكر فيها و بتحافظ على سعرها لما تحب تبيعها.

اقتباس:

---

المشاركة الأصلية كتبت بواسطة startag

بما أنى متخصص فى الربع نقل فأرشح لك إيسوزو دى ماكس مستوردة
1- أرخص من الدبابة ب 89 ألف
2- قطع غيارها متوفرة أكثر من الدبابة
3- مكوناتها مستوردة كلها
4- الدبابة بها بعض المشاكل الفنية
5- ضمان الدبابة ملوش أى لازمة

وأحذر كل الحذر من الصينى هتندم على اليوم إللى فكرت فيه
وتقفيلها الحلو دة من وجهة نظرك أنت لو عاوز تعرف أكثر من 30 عيب ممكن اقولة لك

هذه نصيحة لله

---

و الايسوزو الدى ماكس ب 89 الف نصف كماليات و لا فاضيه
لو حد يعرف مكان بيقسط نصف نقل بضمانات ياريت يقولى و سعر الفايده كمان

اقتباس:

---

المشاركة الأصلية كتبت بواسطة saif3s

و الايسوزو الدى ماكس ب 89 الف نصف كماليات و لا فاضيه
لو حد يعرف مكان بيقسط نصف نقل بضمانات ياريت يقولى و سعر الفايده كمان

---

علي فكره سعرها ذاد كتير -
تقريبا اكتر من 8 الأف

انا جربت اغلب العربيات النصف نقل وفى رايى الدبابه الشيفروليه هى رقم واحد واوعى تفكرى فى الصينى وبالنسبه للفرق بين الديمكس والشيفروليه .
الديماكس والشيفروليه عربيه واحده تقريبا بس الديماكس تقفيل يبانى 100% وده على فكرى عيب وش ميزه لان اليابنين مصممين العربيه ان هى حملتها واحد طن . اما الشيفروليه تقفيل مصرى فى منصور وفى منصور عرفين ان المصرين بيحملوها 2 طن واكتر وده عن تجربه انا كنت بحملها حوالى 2 طن والعربيه تمام تمام نصيحه فى النصف نقل الشيفروليه الدبابه رقم واحد

الدبااااااااااااااااااااب ة

sg الكوماندا حلوة جدا انا مجربتهاش بس ابو الفتوح عربياتوة كويسه اتاكل علي الله و هاته

اية هية عيوب النيسان؟؟؟ ولية مش منتشرة زي الدبابة

النيسان عيبها الموتور سحبه ضعيف مع التحميل
يعني لو العربية محملة لازم تسايس الموتور علشان تسحب
مش تدوس بنزين تقوم العربية تطير

طيب والمتشوبيسي عيبها اية؟ وماذا عن عفشة النيسان مقارنة بالدبابة

يعني مقارنة سريعة بين الشيفرولية واايسوزو وتويوتا ومتشوبيسي ونيسان وترتيبهم ؟

انا كان معاياعربيه نيسان تبع شرطة مقاولات كانت برقبة الف دبابه من ناحية النعومه والسحب وصوت الماتورالهادى والاعتماديه العاليه جدا جدا جدا يكفى ان عمرها ماعطلت منى فى السكه وكنت بشوف كل شويه دبابه راكنه على الصحراوى
بس للامانه هى مش بتاعت تحميل يعنى لوجايبه لشغل سوق وتحميل يبفى هات الدبابه اما لوجايبها لشركه وغاالبا حتشيل حاجات خفيفه يبقى هات نيسان او تويوتا