احب اعرف رأيكم في حاجة و ياريت يشارك بالذات الباشمهمندس سبعاوي

بصوا يا جماعة انا معايا نيسان صني 2009 اتوماتيك : و اللي هاقولوا حاجه يمكن تكون غريبة

انا حاسس ان مبقاش في فرق كبير بين الاتوماتيك و المانيوال زي زمان . يعني كام تجربة عملتها من يوم ماشتريت العربية من يناير اللي فات . حاسس ان تكنولوجيا الموتور بتاع العربية الاتوماتيك بقي متطور بطريقة ملحوظة قوي
يعني زمان كان الناس تقول الاتوماتيك تجميعه ضعيف مش زي المانيوال و كمان بيبقي صعب ان تعدي عربية قدامك علي الطريق السريع
بس بتجربتي للعربية بتاعتي . حاسس انها افضل من العربية المانيوال القديمة بتاعتي كورولا 96 و بتجمع سريع لأن لو انت قرست شوية علي دواسة البنزين هتلاقي ان العربية بترجع نقلة و لة قرست شوية كمان هتلاقي انها بتأخر نقلة كمان
فالنتيجة ان احنا هنلاقي العربية بتجمع سريع زي ما بتتعامل مع المانيوال بالظبط يبقي هنا الاوتوماتيك زي المانيول نظرا للتطور الموتور الاوتوماتيك عن زمان و يمكن احسن كمان و يمكن من غير OverDrive
هل في حد بيشاركني نفس الرأي ؟؟؟؟

سؤال للباشمهندس سبعاوي .... هل كثرة تعريف كمبيوتر العربية هل بيأثر في حاجه في العربية في المستقبل ؟

بص يا سيدى، من واقع تجربتى الشخصية فان انعدام الفرق بين الاوتوماتيك والمانيوال مش هتحس بيه غير فى عربيات قليلة ، اللى انا جربته منها هو الصنى والفيرنا 1600 واللانسر بومة 1600 والهوندا سيفيك وسيتى، لكن جرب تركب لانوس او نوبيرا اوكيا ريو الجديدة او بروتون ويرا مثلا اوتوماتيك ، هتلاقى ان الجيربوكس متوفى تقريبا ومافيش سحب خالص، وبالتالى الأمر بيفرق من جيربوكس لآخر

كثره تعريف الكومبيوتر مبتفرقش فى اى حاجة، لا تقلق

انا معايا صنى اوتوماتيك 2009 و فعلا حاسس انها متفرقش كتير عن المانيوال بس لازم الواحد يكون حريص عن المانيوال عشان الجير عمره يبقى اقصى ما يمكن
لانك لو قرصت على البنزين الجير هيستجيب معاك كويس بس اعتقد عمره هيبقى اقصر
و الله اعلم