هشتري نيو أكسنت و محتاجة مساعدتكم ...

**creative** · 21-05-2009 09:58 PM

متفق تماما مع كلام الاستاذ عزت

**falcon191** · 22-05-2009 04:47 PM

المشاركة الأصلية كتبت بواسطة buzzy

طبعاً يا جماعة من ثقتي الكبيرة في الناس هنا فمحتاجة منكوا نصيحة

ورد على سؤالين يهمني جداً اعرف اجباتهم.

اولاً: ان شاء الله انا خلاص هشترى نيو اكسنت خلال شهر او بعد شهر بالكتير,

فكنت عايزة اعرف حاجتين عشان انا جديدة في موضوع العربيات دا:

1. اشتري من التوكيل (غبور) ولا من ابو غالي (ناس كتير شكرت فيه)
ولا من معرض سمعته كويسه؟

و هل دا هيفرق في حاجة بعد كدة زي الصيانه او العروض الى بيقدمها التوكيل كل فترة؟؟؟

2. المفروض ارخص الأول ولا اامن ,, ويا ريت حد يقولي عن تجربة انظف شركة تأمين

.انا مش عايزة حاجة اكتر من 2000 جنيه و يكون في سرعة في الاجراءات
(لو حصل حاجة لا قدر الله), وخدمة عملاء محترمة

----------------------------
شكراً مقدماً على اي مساعدة.. و ان شاء الله اطمنكوا اول ماشتريها

:oc_sun1[1]:

1- ربنا يوفقك في الشراء ويباركلك وعلى فكرة أول عربية الواحد بيكون محتار شوية في الاختيار لأن لسه مفيش خبرة ، بس أنا معايا النيو أكسنت والحمد لله العربيه زي الفل
2- أنا أفضل الشراء من التوكيل عن أي معرض عادي ،وأنا اشتريت من غبور بس معرفش ايه ظروف أبوغالي
3- أول ما تستلمي العربيه ان شاء الله تأمني الأول مباشرة وبعدين ترخصي
4- بالنسبة لشركات التأمين أنا لا أثق فيهم وأنا اضطررت للتأمين لأني اشتريت بالتقسيط

**falcon191** · 22-05-2009 04:48 PM

نسيت أقول يا ريت تبعدوا عن شركة الحرميه للسيارات

**ahmed_gouda** · 22-05-2009 04:57 PM

بالنسبة لشركات التأمين أنا لا أثق فيهم وأنا اضطررت للتأمين لأني اشتريت بالتقسيط

ممكن حضرتك تقول لينا انت قسطت من مين و ايه اخبارهم و الفايده و المقدم كاااام و معلش هل فيه حظر بيع او نسخه مفتاح و ممكن رقمهم معلش انا اسئلتي كتيره

**falcon191** · 22-05-2009 09:21 PM

المشاركة الأصلية كتبت بواسطة ahmedgouda20052005

ممكن حضرتك تقول لينا انت قسطت من مين و ايه اخبارهم و الفايده و المقدم كاااام و معلش هل فيه حظر بيع او نسخه مفتاح و ممكن رقمهم معلش انا اسئلتي كتيره

أنا قسط تبع بنك cib والبنك ده لسه جديد في موضوع تقسيط السيارات ودوخوني شويتين لغاية الموافقة أما الفايدة 8% وكانوا قالولي في الأول 7% بس ده هو أسلوب شياطين البنوك اللي بيسموهم مندوبين أما المقدم بيبتدي بـ 20% من تمن السيارة وكل متفع أكتر كل ما يقل القسط معاك
طبعا في حظر بيع ماهو البنك بيضمن حقه من الناحية دي
نسختين المفاتيح معايا والبنك مش بياخد نسخ
الرقم الساخن 19666 ويفضل تروح الفرع القريب ليك علشان تستفسر براحتك

لو فيه أي أسأله لا تتردد في مراسلتي
سلام يا باشا وربنا يوفقك

**buzzy** · 23-05-2009 12:53 AM

المشاركة الأصلية كتبت بواسطة falcon191

1- ربنا يوفقك في الشراء ويباركلك وعلى فكرة أول عربية الواحد بيكون محتار شوية في الاختيار لأن لسه مفيش خبرة ، بس أنا معايا النيو أكسنت والحمد لله العربيه زي الفل

المشاركة الأصلية كتبت بواسطة falcon191

2- أنا أفضل الشراء من التوكيل عن أي معرض عادي ،وأنا اشتريت من غبور بس معرفش ايه ظروف أبوغالي
3- أول ما تستلمي العربيه ان شاء الله تأمني الأول مباشرة وبعدين ترخصي
4- بالنسبة لشركات التأمين أنا لا أثق فيهم وأنا اضطررت للتأمين لأني اشتريت بالتقسيط

بجد بشكرك على ذوقك.. وربنا يخليك

انا برضه بقول اني لازم اامن الأول.. اصل الحاجات دي مش مضمونة ..و ربنا يكفيك ويكفينا شر الطريق.

**salem2004** · 23-05-2009 01:05 AM

السيارة ممتازة و أنا عندي موديل 2006 كنت شريها من التوكيل و أنا أفضل الشراء من التوكيل سواء فرع أبو رواش أو عمارات العبور- لا أنصح بالمصرية للسيارات إطلاقاً - و السيارة تمتاز بقلة إستهلاك البنزين حوالي 350 ك للصفيحة في الطوالي كما تمتاز بالثبات في السرعات أنا جربت حتى 140 ك/س ، إنما الكنبة إلى حد ما صغيرة مقارنة بالنوبيرا و دي السلبية الوحيدة من وجهة نظري في السيارة . بالنسبة لعروض الصيانة فهي تشمل جميع السيارات المباعة من أي شركة داخل مصر . بالنسبة للتأمين فيفضل التأمين قبل وضع لوحات الأرقام (الترخيص) و أفضل شركة بعد عدة تجارب مع شركات تأمين هي مصر للتأمين و بياخدوا 1.8% من قيمة السيارة طبعاً هما هيقولوا في الأول 2.5 % بس ممكن لو تعرفي حد أو تفاصلي معاهم ينزلوا لـ 1.8% زي مأنا عامل أو حتى 1.6% زي بعض أصدقائي عاملين و لا أنصح بشركات أخرى زي أليانز أو قناة السويس أو غيرهم لأن النسبة بتاعتهم عالية و مش كل مراكز الخدمة المعتمدة للصيانة بتتعامل معاهم ده غير إن مشاكلهم كتير

**kh_elwakel** · 23-05-2009 02:27 AM

المشاركة الأصلية كتبت بواسطة falcon191

نسيت أقول يا ريت تبعدوا عن شركة الحرميه للسيارات

ياريت تقولنا يا باشا ايه مشكله شركة المصريه لأني كنت ناوي اجيب من هناك؟؟

**heshaaam** · 23-05-2009 04:24 AM

الاكسنت حلوة وشيك جدا ومنتشرة وموتور

بس البنات بتجيب جيتز اريح ف الحجم وقطع الغيار

وكونتاكت تامينها كويس جدا

**salem2004** · 23-05-2009 10:31 PM

المشاركة الأصلية كتبت بواسطة kh_elwakel

ياريت تقولنا يا باشا ايه مشكله شركة المصريه لأني كنت ناوي اجيب من هناك؟؟

الشركة دي حسب ما سمعت من كذا واحد بتجيب السيارات الفرز الثاني أو اللي عملت حادثة قبل الترخيص أو أثناء النقل وتشتريها بسعر رخيص من التوكيل و بعدين تظبطها و تبيعها للزباين و أنت و نصيبك