استفسار بخصوص الزيوت للموتور

**ahmad alshaaer** · 19-05-2009 05:50 AM

ياجماعه طبعا برحب بجميع الاعضاء وانا طبعا بحس دايما اني انا اللي بيتجرب فيه كل حاجه واجي اقولهالكم
وطبعا ده والله نابع من جوايا ليكم ولكل الناس المؤدبه والمحترمه لاني من اكتر الناس اللي نفسها البلد دي يبقى اساس التعامل بين اهلها الاحترام والاخلاق
وانت حر مالم تضر

المهم

انا عاوز اسال باه على حاجه
انا اول صيانه ال1000 كم غيرت زيت توتال في التوكيل 5000
وتاني صيانه غيرت زيت توتال 9000 اسمه كده على فكره واللي هو المفروض 10000 كم
وفي صيانة ال 20000 كم غيرت توتال 9000 بردو
وعند 28900 غيرت شيل هيليكس 10000 كم
وامبارح غيرت طبعا الزيت على 37000 كم يعني بعد 8000 كم تقريبا ودي عاده فيا اني بغير الزيت عند ال 8000 كم ولكن مالحقتش محطات شيل فغيرت زيت موبيل 1 ال 10000 كم
انا كده دخلت للموتور اكتر من نوع زيت
هل ده صح ام خطأ
وطبعا في كل مره كنت بغير الفلتر

ارجو الافاده ولكن عن ثقه وليس رد عشوائي لاننا كلنا عاوزين نستفيد
وولمعلومه انا دايما اتمنى ان اللي يرد على اي شخص بيستفسر يكون رده اكيد وياريت يكون جربه ياجماعه عشان مانخسرش المصداقيه بينا

واشكر الجميع
واستنوني في تقرير 40000 كم ولكن ليس له موعد
اذا شاء الله

**Ahmed_SpY** · 19-05-2009 08:01 AM

انت حتيط توتال و شل و موبيل طبعا الكلام ده مش صح المفروض تثبت على نوع واحد بس و ممكن اه لو عاوز تغير تغيرو و تغير الفلتر و تثبت على النوع التانى لكن انك كل فترة تحط نوع غير اللى فيها مش صح

شوف انهى احسن فيهم و ريحك و اثبت عليه

شكرااا

**ahmedsiyam** · 19-05-2009 10:33 AM

بص يا ابو حميد هو الموضوع موش كارثة بس يستحسن تثبت على نوع زيت واحد و خلاص و تغير الفلتر بس

انا باستعمل زيت visco 3000 من انتاج شركة bp و هو ثمنه 116 جـم و بيقعد 10000 كلم و انا باغيره على 5000 او 70000 بالكتير و بيبقى نازل متماسك جدا و قوامه زيى مايكون جديد
الزيت ده مستورد من الخارج و هو نص تخليقى و عن تجربة هو كويس جدا

**momenhamdy** · 19-05-2009 01:00 PM

يعني افهم من كلام حضرتك انك بتغير زيت خارج التوكيل يا استاذ احمد ؟؟
و بالنسبه لسؤال حضرتك يفضل تغير الزيت نفس النوع ( بمعني انك تسبت النوع )

المشاركة الأصلية كتبت بواسطة ahmedsiyam

بص يا ابو حميد هو الموضوع موش كارثة بس يستحسن تثبت على نوع زيت واحد و خلاص و تغير الفلتر بس

انا باستعمل زيت visco 3000 من انتاج شركة bp و هو ثمنه 116 جـم و بيقعد 10000 كلم و انا باغيره على 5000 او 70000 بالكتير و بيبقى نازل متماسك جدا و قوامه زيى مايكون جديد
الزيت ده مستورد من الخارج و هو نص تخليقى و عن تجربة هو كويس جدا

حبيبي يا استاذ احمد ....
هو حضرتك بتغير الزيت خارج التوكيل ولا لا ؟؟؟
و هل حضرتك الفلاتر الي موجوده في السوق ممكن تركب ( في حاله ان حضرتك بتغير الزيت بره ايه الفلاتر الي ممكن تركب علي البروتون و لو بتركب ايه الفلتر المناسب للعربيه و ممكن يركب معانا ؟؟؟ )

و تقبل تحياتي

**M.almaghraby** · 19-05-2009 01:26 PM

المشاركة الأصلية كتبت بواسطة ahmedsiyam

بص يا ابو حميد هو الموضوع موش كارثة بس يستحسن تثبت على نوع زيت واحد و خلاص و تغير الفلتر بس

انا باستعمل زيت visco 3000 من انتاج شركة bp و هو ثمنه 116 جـم و بيقعد 10000 كلم و انا باغيره على 5000 او 70000 بالكتير و بيبقى نازل متماسك جدا و قوامه زيى مايكون جديد
الزيت ده مستورد من الخارج و هو نص تخليقى و عن تجربة هو كويس جدا

طب يا استاذ احمد حضرتك ليه مش بتخليه يعد لحد 10,000 كم؟؟

و هل في اي نوع نصف تخليقي في اسوق يعد لحد 5000 عشان يكون مع الصيانات الدورية للعربية؟؟

**Ahmed_SpY** · 19-05-2009 02:30 PM

الفلتر بتاع ميتسوبيشى

**momenhamdy** · 19-05-2009 02:48 PM

المشاركة الأصلية كتبت بواسطة ahmed_spy

الفلتر بتاع ميتسوبيشى

الفلتر بتاع الميتسوبيشي الانسر البومه بيركب علي الجين 2 يا استاذ احمد ؟؟
و هل حضرتك جربته قبل كدا ؟؟؟

و تقبل تحياتي

**wisambasha** · 19-05-2009 04:12 PM

انا باستعمل زيت امارات مصر ال ( التخليقي 10000) من فترة كبيرة وعمري ما اشتكيت منه ابدا
ده حتي انا ماشي علي الزيت اللي في العربية لحد دلوقتى 9000 كيلو واشتريت جركن جديد وخليته في الشنطة علشان هغير الزيت اليومين دول وعاوز اقول كمان ان الزيت اللي في العربية انا كنت مغيرة في شهر اغسطس 2008 يعني ماشي بيه بقالي 9 شهور لغاية النهاردة واللون طبعا اتغير لكن اللزوجة ما فيهاش مشكلة

ودي مواصفة الزيت كما وردت في موقع الشركة

باور سينث 5W40. زيت صناعي بالكامل (Fully Synthetic) لمحركات البنزين عالية الأداء. يتوافق مع مواصفات API SJ/CF, VW 502.00 و505.00, MB Sheet 229.1، كما يتوافق مع متطلبات الزيوت طويلة الأجل الخاصة بشركة بي أم دبليو.

http://www.arabic.emarat.ae/prod_des/powersynth.php

**ahmad alshaaer** · 20-05-2009 02:28 AM

طبعا بشكر الجميع على الردرد
واما الاستفسارات
اولا انا فعلا بقيت اغير الزيت خارج التوكيل لاسباب منها اني مش متواجد في القاهره دائما وميعاد الصيانات مش متوافق مع معاد تغيير الزيت دايما
واما الفلتر انا بجيبه من اولاد منصور ب 15 جنيه مكتوب عليه كوري والله اعلم واعتقد ان حد قاللي انه هو هو بتاع اللانسر البوما
وبالنسبه لتغيير الزيت خارج التوكيل طبعا ممكن يتلككوا لو لاقدر الله حصل حاجه في الموتور ولكن انا بغيره في محطات نضيفه جدا وكبيره ومعايا فاتوره بالكلام ده
ثانيا ان التوكيل بياخد مصنعية تغيير زيت فقط بدون الفلتر اللي بيحسبه 65 جنيه
120 جنيه كمان
فطبعا ده اعتقد انه مش حلال ابدا ومش فيه افتكاسه انه يغير الزيت
ثالثا وده الاهم ان اليوم كله بيضيع وغير مشوار التوكيل الجميل اللي مستحيل اروحه عشان اغير الزيت

بالمناسبه قبل مااغير الزيت في محطة موبيل سألت الراجل اللي هناك وقلتله بصلي على الزيت اللي في الموتور كده اخباره ايه لاني عاوز اتاكد انه خلاص عمل اللي عليه
قاللي الزيت زي الفل ولسه قدامه بدري ومع ذللك قلتله غيرو وطبعا كان نوعه شل هيليكس 10000 وانا كنت ماشي عليه 8000 فقط وكل مشاويري سفر واغلبها مع التكييف وعلى سرعات عاليه
واخيرا اشكر كل من شارك في هذا الموضوع

تحياااتي

**momenhamdy** · 20-05-2009 09:55 PM

طب يا جماعة انا عايز اغير الزيت خارج التوكيل

ايه افضل نوع اغير عليه و هل الافضل ال 9000 كم او لا 5000 كم
و الفلتر اشتريه من بره و لا من البنزينه الي حغير فيها ؟؟؟؟؟

و تقبلوا تحياتي

الموضوع: استفسار بخصوص الزيوت للموتور

LinkBack

أدوات الموضوع

عرض

-

-

-

-

-

-

-

المواضيع المتشابهه

استفسار عن الزيوت

تحذير بخصوص الزيوت

بخصوص الزيوت

بخصوص النقلات المانيوال - أيهما أفضل للموتور و الاسطوانة ؟

استفسار عن الزيوت ووقت تغييرها

الكلمات الدلالية لهذا الموضوع

المفضلات

المفضلات

ضوابط المشاركة