منه لله اللى عمل الفايرس الصينى ..

**tutankhamoun** · 19-05-2009 11:14 AM

اللينوكس نظام تشغيل زي الماك و زي الويندوز .
اللينوكس هو مشغل أكثر من 50 % من سيرفرات العالم .
اللينوكس هو مُشغل 94 % من السوبر كمبيوتر حول العالم .
اللينوكس له برامجه الخاصة به .
اللينوكس برامجه مجانية و يوجد منها الالاف .
اللينوكس بيشغل ألعاب عادي جدا بس الألعاب بتاعته هو مش بتاعة ويندوز .
زي ألعاب ويندوز مينفعش نشغلها على الماك !!!!! صح .

اللينوكس مبني على نظام تشغيل أسمه يونكس و ده تم إنتاجه سنة 1969 و كان بالأساس معني بالأمان و الأستقرار .
اللينوكس هو النظام المتبع في بعض الدوائر الحكومية في أوروبا نظرا لأمانه الشديد .
اللينوكس .............. كلام كتييييييييييير ممكن يتقال .
ممكن يا جماعة تدخلوا على المدونة بتاعتي تقرأوا بعض المواضيع و أنا حاطط هناك موضوع عن طريقة تحميل النظام على الجهاز .
بس قبل ما تعمل أي خطوة لازم ترجع لواحد يكون فاهم علشان ما تبوظش الدنيا .
و أحنا هنا معاكوا على المنتدى و أيضا اللي عايز أي معلومة أنا تحت أمره .
هاحط شوية صور توضيحية للنظام من جهازي علشان الناس تشوف الحاجة بعينها .
ياريت برضه اللي عايز ينزل النظام على جهازه يعرفنا مكونات الجهاز بالتفصيل زي الأخ الباشا ما قال في مداخلته السابقة .

**Terrible_DaRsH** · 19-05-2009 11:17 AM

شكرا جدا استاذ توت ..

و لكن سؤال عبيط شوية معلش ..

هل الفوتو شوب و بقية البرامج المعتادة و الالعاب مش هتشتغل فى اللينوكس ده و لا ايه ؟؟

**tutankhamoun** · 19-05-2009 11:29 AM

**lancerevolution** · 19-05-2009 11:34 AM

mac for design
lunix for servers
windows for solitaire

**tutankhamoun** · 19-05-2009 11:39 AM

شكرا جدا استاذ توت ..

و لكن سؤال عبيط شوية معلش ..

هل الفوتو شوب و بقية البرامج المعتادة و الالعاب مش هتشتغل فى اللينوكس ده و لا ايه ؟؟

العفو يا أخي الكريم .
اللينوكس زي ما قلت قبل كدا نزام تشغيل مختلف .
يعني أيه مختلف
يعني له قواعد مختلفة في التعامل مع الهارد وير بتاع الجهاز .
يعني زي سير كاتينة بتاع 128 ........ مينفعش يركب على مرسيدس ... صح .
كل حاجة لها نظامها .

بالنسبة للفوتو شوب .
الشركة عاملة نسخة لنظام تشغيل لينوكس .
و فيه برامج محاكاه ممكن تشغل بعض برامج ويندوز على لينوكس .و منهم نسخة الفوتو شوب بتاعة ويندوز
و لكن الشركات الكبيرة دلوقتي بتعمل نسخ ليوندوز و لينوكس مع بعض .
زي قواعد البيانات أوراكل ......... و الفوتوشوب .......

بالنسبة للألعاب ........ لينوكس عنده الألعاب بتاعته المخصوصة له .
و فيه منها ألعاب قوية زي بتاعة ويندوز بالظبط علشان برضه الشركات المنتجة بتكون عاملة نسخة للينوكس مع نسخة ويندوز .
و لكنها غير مجانية .......... و يجب دفع ثمنها قبل التحميل .

بالنسبة لألعاب لينوكس ........ فيه كام لعبة فيهم مؤثرات ثلاثية الأبعاد ... و قويين و لكن ليس بنفس العدد المتاح على ويندوز .و ده سبب من أسباب أنتشار ويندوز و هو الألعاب .

إنما فيه كل اللي تتمناه
برامج أنترنت زي اللي أنا بستخدمها .
برامج حزم مكتبية زي الوورد و الأكسل و الباوربوينت و أسم البرنامج الأشهر على لينوكس هو ....... أوبن أوفيس ........ و أوبن أوفيس له نسخة بتشتغل على ويندوز و هي نسخة شرعية مجانية من شركة صن .

**MTAK** · 19-05-2009 12:09 PM

انا من شهرين بالضبط قولت اجرب
و مستمتع بالتجربه الى الان
طبعا رجالة المنتدى كانوا اكبر دعم لى للتجربه مع انى كنت باسمع عنه ومن سنة 99

و اخص بالذكر
توت
itsonlyme
و بانصح كل الناس تجربه
بالتوازى مع الويندوز
اذا لم تنتقل اليه فيما بعد
اديها اتعلمت حاجه جديده و شافت دنيا تانيه
----
ملحوظات مبتدئ
- لازم لازم تقرأ -نصيحه سمعتها من كل من حثنى على اللينوكس
- التغيير لا يكون مرة واحده
-الاول اقعد مع نفسك و شوف ما تفعله بجهازك و برامجك ايه بالضبط
و بعدين شوف المكافئ لها فى اللينوكس
و هتشوف ان الانتقال اليه مش مرعب
"الانسان عدو ما يجهل"
http://badeel.coeia.edu.sa/
اللينك ده فى البرامج العاديه و مكافئها على اللينوكس
و على فكرة فى منهم برامج افضل من بتاعة الويندوز
-ملحوظه اخيرة
حاول يكون انتقالك عن طريق التعلم و القراءة
و انسى بقه next-->next--->finishhhhhhhhhhhh