الموضوع: فرنا جديدة وملاحظاتى ( مفيش مبروك ؟ )

الفين مبروك يا فندم

ربنا يباركلك فيها

و يديك خيرها و يكفيك شرها

بس انا ملاحظة ان حضرتك كل اللي ذكرته عيوب

ما في شي عجبك ابدا؟

انا سمعت ان الفيرنا عيوبها كتير بس اول مرة اسمع اعتراف صريح هيك من احد مالكيها

عموما ربنا يحليها في عينك يارب

و ان شاء الله نباركلك قريب علي المرسيدس

الف مبروك ياباشا وربنا يكفيك شرها ويديك خيرها
بصراحة انا عن نفسي شايف انها عربية محترمة جدا بالنسبة لسعرها

شكرا جزيلاا اخوتى الكرام وانا واللهى اشتريت العربية دية علشانكوا انتو لان مليون واحد هنا هيساعدنى ويدينى نصيحته فى هذا المنتدى الى الواحد فعلا بجد بيحس فية انه مع اخواته وقعدين على القهوة بشربوا شاى ويدردشو . ربنا يدوم المحبة
الحمد لله انا رجعت من الاسكندرية اليوم وطبعا انا خت فرصة كويسة انى اتعرف على العربية اكتر .. بس برضة خلينى اقول العيوب الى انا شيفها الاول

1- المرش فية ونه جمدة عند الرحوع للخلف ( مش عارف دة عندى بس ولا هى الفيرنا كدة ) غريبة على عربية لسة زيرو ....

2- الشكمان ( العلبة الى ورا والماسور الى قدام ) طبعا بيحكو منى فى المطبات ( انا ومراتى قدام و عيالى (2 & 5 سنوات ورا) ودة اكتر شيئ مش عاجبنى فى العربية الشكمان واطى جدا وتصميمة فعلا غبى .... بس انا شفت عربيتين وانا فى الطريق الشكمان مش باين فى العربية من ورا 0 يا ترى ممكن اقصر العليات بتاعة الشكمان شوية وبكدة يبقى مرفوع ولا اية ؟؟ ياترى فى خد عمل الموضوع دة قيل كدة ؟؟

3- مازالت نقلة المرش فعلا تقيلة جدا وطبعا انا مش هسيبهم فى التوكيل غير لما اعملة ..

4- لاحظت ان الrpm مش مظبوط بمعنى انى عندى فى الاكسنت ال 1500 الشكل القديم كانت بجيب 40 على 2.5 rpm فى الغيار التانى و التالت 60 على 2.5 rpm فى الفيرنا 40 على التانى 2.7 rpm وقياسا على كدة كل النقلات فى حوالى 0.2 rpm زيادة مع ان على حسي علمى ان الموتور ال 1600 بيجيب السرعات دية اقل من 2.5 rpm قياسا على موتور 1500 بتاع الاكسنت القديمة بتاعتى ؟؟

نيجى بقى للميزات علشان اكيد انتوا ختوا انطباع انى لما العربية فيها العيوب دية كلها اشتريتها ليه ؟؟؟
1- مين قال انها مش مريحة فى السفر ؟؟ دة كفاية المسند بتاع اليد الى فى الكرسى مخلى الواحد قاعد ومرحرح على الاخر والفتيس تحت ادية . كمان الكراسى بتعاتها مريحة جدا والقعدة كاشفة الطريق كويس ..

2- الموتور طبعا دة قتل بحثا من الاخوة ومش محتاج اكلم علية تانى دة ماتور فعلا حرام على العربية دية . موتور فعلا يغرى اى حد انه يجرى بية ..

3- العربية كانت موفرة جدا فى البنزين مع العلم انه لسة بدرى على الحكم على الاستهلاك لانى لسة فى التلين . عملت معايا 100 كم / 6.5 لتر . طبعا ممتاز على موتور 1600 وانا كنت ماشى اغلب الوقت 80 / 90 كم

4- العربية فعلا ارخص عربية فى فئتها وفعلا يعتمد عليها ومش وحشة خالص بس عيبها الوحيد انها التقفيل المصرى .

وهتابع معاكم قول بأول اى ملاحظات تانى على العربية
وياريت حد يجاوبنى على العيوب الى انا قلتها هل هى فى كل الفيرنا ولا اروح انا بقى اتعامل مع التوكيل وكل واحد منا ياخد حقة ويبقى الدم للركب

يا رجالة حد يقلى الونة الى فى الفتيس عند الرجوع للخلف دة عندى بس ولا كل الفيرنا كدة ؟؟
لان دة لو عندى بس معنى كدة ان الفتيس نفسة مش تمام ومش هينفع فية صيانة ودة على حد علمى ...
وشكرا

المشاركة الأصلية كتبت بواسطة moudy2002

يا رجالة حد يقلى الونة الى فى الفتيس عند الرجوع للخلف دة عندى بس ولا كل الفيرنا كدة ؟؟
لان دة لو عندى بس معنى كدة ان الفتيس نفسة مش تمام ومش هينفع فية صيانة ودة على حد علمى ...
وشكرا

طب بما ان الصوت دا مضايقك كدة

ممكن تشرحلنا الصوت بالظبط عشان محدش يقولك حاجة غلط

وازاى حضرتك تاكدت انو من الفتيس ؟؟

جرب كدة وانت بترجع بسرعتك مور العربية شوف الصوت حيروح ولا حيفضل موجود

مستنين الاجابة.