مساعدة فى تكييف و النور لانوس

**Eslam.Adly** · 19-05-2009 11:37 AM

انا اول مابشغل التكييف عندى بحس ان فى صوت كركره كده (كان فى حاجة مش مربوطة كويس وهى غالبا بتكون من عند درح الى فى الطبلوه بس مش عارف ايه هى) ولما بكون واقف فى اشارة او واقف عادى وانا مشغل التكيف بلاقى طارة الدريكسيون بتتهز (هزه خفيفة) ولما امشى تروح الهزه ده وفى حاجة كمان وانا واقف سعات الاقى ان العربية بتعمل هزه جامد كانها هاتبطل لكن هى مابتبطلش.

حاجة اخيره وانا ماشى بالعربية سواء مع التكيف او من غيره واجى ارعش بالنور الاقى برد ان العربية بتعمل هزه جامد كانها هاتبطل لكن هى مابتبطلش.

ملحوظة كدة: انا لسة شاحن فريون التكييف و مغير البطارية 65 امبير.

**Eslam.Adly** · 19-05-2009 05:11 PM

11 واحد يارجاله دخل ومحدش قال اى حاجة طب حتى نصيحة

**Eslam.Adly** · 19-05-2009 05:12 PM

رجاء من م.محمد ممدوح انه يفدنى فى المشكلة ديه

**samirayad** · 19-05-2009 05:16 PM

كنصيحه عامه ( نظف بلف الأيدل ) والبوابه ......وأكشف على شحن الدينامو ..........................وجرب

**ahmedfra** · 19-05-2009 09:15 PM

انا برضة عندى نفس مشكلة الصوت الى بيجى من ناحية درج التابلوه لما بشغل التكييف كأنه صوت صامولة مش مربوطة كويس

**Badrawy** · 19-05-2009 09:35 PM

65 امبير. مش كتير؟

**Akram** · 19-05-2009 09:41 PM

بالنسبة للصوت فده من مروحة التكييف الداخلية مش معدولة كويس , لازم تراجع فني تكييف و يتاكد من تثبيت المروحة ,
بالنسبة للرعشة و هزة الدركسيون فدي من السلانسيه مش مضبوط مع حمل التكييف , نضف الإديل كنترول و راجع البوجيهات و سلوك البوجيهات يمكن محتاجة تتغير ,

**Akram** · 19-05-2009 09:43 PM

على فكرة كان مهندس سمير قال على طريقة لضبط السلانسيه سواء بدون حمل التكييف أو مع التكييف في موضوع قبل كده ,
ابحث عنه و جربه انا مش فاكره بالتفصيل ,

**samirayad** · 19-05-2009 09:45 PM

المشاركة الأصلية كتبت بواسطة Akram

بالنسبة للصوت فده من مروحة التكييف الداخلية مش معدولة كويس , لازم تراجع فني تكييف و يتاكد من تثبيت المروحة ,
بالنسبة للرعشة و هزة الدركسيون فدي من السلانسيه مش مضبوط مع حمل التكييف , نضف الإديل كنترول و راجع البوجيهات و سلوك البوجيهات يمكن محتاجة تتغير ,

+1

**samirayad** · 19-05-2009 09:52 PM

المشاركة الأصلية كتبت بواسطة badrawy

65 امبير. مش كتير؟

البطاريه عامة .....ماهى الا مخزن للقدره (أمبير + فولت )......والمفروض بيتم أختيار حملها على حسب أحمال السياره .......وعامة كونها 65 مش 55 أمبير مثلا ....مش حيعمل مشكله .......على أساس اللى حينسحب منها وقت الدواره ......حيتم تعويضه مره تانيه بعد الدواره ( بواسطة الدينامو )................بس طبعا يجب أن يكون خرج الدينامو فى أى حال من الأحوال أكبر من حمل البطاريه......حفاظا على الدينامو ( من حدوث تفريغ عكسى اليه من البطاريه )......وبكده كل ماكانت البطاريه أأقل فى القدره وشايله الأحمال فده أفضل طبعا.....

الموضوع: مساعدة فى تكييف و النور لانوس

LinkBack

أدوات الموضوع

عرض

مساعدة فى تكييف و النور لانوس - انشر الموضوع فى :

مافيش حد رد -

-

-

-

-

المواضيع المتشابهه

احتاج مساعدة فى موضوع النور

مطلوب طريقه لتعديل النور العالى والواطى فى لانوس 1

تكييف لانوس

لمبات النور في لانوس s موديل 2008

الكلمات الدلالية لهذا الموضوع

المفضلات

المفضلات

ضوابط المشاركة