عرفتم ليه بره بيعتبرونا متخلفين؟؟؟؟؟؟؟؟؟؟؟؟؟؟؟؟؟؟ ؟؟؟

:dontudear:من كام يوم ثار موضوع الازاز الفيمه ومدى خضوع السياره اللى فيها فيمه لسحب الرخص والمخالفه وحصلت مشكله بين اصحاب السيارات واللجان
وفى النهايه تفضل احد الساده المسئولين وقال السياره اللى جايه من المصنع بازاز فيمه اصلى لا تعد سياره مخالفه لكن السياره اللى جايه من المصنع بازاز عادى وصاحبها حط فيمه فتعتبر مخالفه وهنخرب بيت صاحبها
شوفته الهنا
هو الاصل منع الفيمه كان لعدم حدوث شئ مخالف داخل السياره او استغلالها فى شئ سيئ
يبقى ايه الفرق بين الفيمه الاصلى والتركيب وليه التفرقه بين الناس
وباى منطق يصبح واحد حبيب لللجان وواحد يتبهدل فى اللجنه رغم تعرض الاتنين للاصل فى المنع
يعنى انا عندى سياره قديمه عاملها فيمه ابقى وحش ومخالف واضطر ابيعهامثلا واشترى واحده فيمه اصلى فاابقى انسان كويس ومش مخالف
شوفته المنطق
منتظر ردكم يمكن يفهمنى انا ابقى ليه مش اصلى ومخالف

الاصل فى المنع كما قلت حضرتك هو عدم حدوث شئ مخالف فى العربية..... هذا يسرى على الكل

لكن فى واحد حظه ان عربيته بتنزل كده من بلدها ومش هيعرف يعمل لها حاجة تخليها زى العربيات التانية..... اذن هذا استثناء ليس بيد احد

وانا بقول حظه لانى لا اعتقد ان فى حد بيخلى سبب شراءه للعربيه هو ان زجاجها فيميه فابريكة

اذن القاعدة موجودة والاستثناء بتاعها معروف...... لا خلاف على ذلك

و بما ان من يركب فيميه يخالف القاعدة بارادته بأن يضع بالسيارة ما يجعلها مخالفة اذن عليه ان يتحمل نتيجة ذلك من مخالفات و مضايقة فى اللجان

اعتقد انه هييجى يوم يبقى فيه الفيميه الفابريكة هو القاعدة و كل العربيات هتنزل من بلادها كده، وبالتالى الحظر هيبقى راحت عليه خلاص.....

اقتباس:

---

المشاركة الأصلية كتبت بواسطة mahora

الاصل فى المنع كما قلت حضرتك هو عدم حدوث شئ مخالف فى العربية..... هذا يسرى على الكل

لكن فى واحد حظه ان عربيته بتنزل كده من بلدها ومش هيعرف يعمل لها حاجة تخليها زى العربيات التانية..... اذن هذا استثناء ليس بيد احد

وانا بقول حظه لانى لا اعتقد ان فى حد بيخلى سبب شراءه للعربيه هو ان زجاجها فيميه فابريكة

اذن القاعدة موجودة والاستثناء بتاعها معروف...... لا خلاف على ذلك

و بما ان من يركب فيميه يخالف القاعدة بارادته بأن يضع بالسيارة ما يجعلها مخالفة اذن عليه ان يتحمل نتيجة ذلك من مخالفات و مضايقة فى اللجان

اعتقد انه هييجى يوم يبقى فيه الفيميه الفابريكة هو القاعدة و كل العربيات هتنزل من بلادها كده، وبالتالى الحظر هيبقى راحت عليه خلاص.....

---

+111111111111111111111111111111111111111111111

بالظبط كدا لانه ميقدروش يمنعو ترخيص عربية جديدة نازلة بزجاج فيمية يعنى مينفعش يقولو لصاحب العربية شيل الزجاج و حط زجاج و هو دافع فيها دم قلبه و العربية لسه جديدة مينفعش
وبالتالى دا محدش هيكلمه لكن اللى مركب بمزاجه فيمية دا بمزاجه مخالف للقانون و بالتالى يعاقب

يا باشا في ملحق سيارات الأهرام الجمعة اللي فاتت واحد من "....." المرور بيقولك اي تعديل على السيارة خارج الكتالوج بتاعها يعتبر مخالفة .... !!!!!!!!!!!!
بالله عليك .. دا ينفع تتناقش معاه و لا تفهمه حاجة!؟؟
مش محتاجة نقاش .. دول ناس "....." متضيعش و قتك ولا مجهودك في التفوض معاهم و احسن حل طنشهم

اولا شكرا جزيلا على مشاركتكم
بس انا فعلا مش قصدت غير ليه التميز والتفرقه طالما ان المبدا واحد وهضرب ليكم مثل حصل معايا
كلكم تعرفوا ان فى بعض موديلات السيارات اكصطدامها الامامى يبقى بارز كتير عن وش السياره فى سيارتى بقى الاكصطدام اتكسر
ومش لاقى غيره اضطريت اركب واحد ولقيت واحد على قد عرض العربيه لكنه بارز شويه رحت ارخص العربيه رجعونى وقالوا لا هات الاصلى احلف 100 يامين انى مش لاقى والجديد بلاستيك يعنى زقه يتكسر ولا حد عبرنى واللى يجنن انه جبنى عربيات بترخص بالاكصطدامات البارزه
بس عرفتم ايه قصدى هو الفكر اللى بيدار بيه فى البلد

اما الاخ SuccessCre8or انت عندك حق ومش عارف لو فعلا بنغير فى العريبات من شكلها زى حتى البلاد اللى بنقول عليها متخلفه كانوا عملوا ايه فينا اكيد الاعدام على باب اداره المرور
تحياتى للجميع واسف على الاطاله

احب اتوقع لك مبدأيا سيناريو قادم بسبب هذا القانون ..... وكلاء السيارات في مصر سيجدوا فرصة كبيرة جدا لهم لكي يضعوا بند جديد في الكماليات الا و هو الزجاج الفيميه ... و خد عندك بقى زيادة في اسعار السيارات ... الفين و لا تلاتة زيادة مش مشكلة يا راجل .. دانتا بتشتري راحة بالك من غلاسة اللجان و المرور ... فعلا و الله " غباء قوم عند قوم فوائد "

بصراحة حاجة تنرفز جدا..موضوع الفامية دا يااما مخالف وممنوع تنزل اى عربية اساسا من غير فامية من اى حتة كانت ودة سهل جدا وهو قانون يقول ممنوع على الوكلاء استيراد اى سيارة بها زجاج فامية..يااما ندلع الشعب شوية ونخلى الفامية مسموح بية فى العربيات اللى جوة واللى بتيجى من برة...اما الهبل اللى حاصل دليل على التخلف فعلا لان ماهو سبب تحريم الفامية؟؟؟؟؟؟؟؟؟؟اكيد حجب الرؤية يبقى اكيد اى اسود اوبنى او اى حاجة غير الشفاف يبقى حاجب..طيب لية ..اكيد عشان تبقى واخد باللك من الدنيا حواليك وبكدة حنقلل اكيد من الحوادث الناتجة عن حجب الرؤية-كلام جميل-انا بفى عايز حد يجاوبنى على سؤال بغض النظر عن ان العربية نازلة كدة او لية الواحد يتحمل ان العربية نازلة بفامية..السؤال هو....ايية الفرق بين الفامية بتاع العربية اللى نازلة بية وبين الوحش اللى بيتركب جوة مصر بالنسبة لصاحب العربيةوبالنسبة لظابط المرور؟؟؟؟؟؟؟؟؟؟؟؟؟؟؟؟؟؟؟ ؟؟ولن يلفت للاجابات الزائدة

لو هما ناس بتفهم ... وده طبعا مثار شك
يبقى طالما فيه حاجة ممنوعة ... تتمنع بجد
يبقى يعملو مواصفات مصرية للسيارات المستوردة
من غير زينون
من غير فيميه
من غير ستائر
...
ويستحسن من غير سائق ... عشان نرتاح
...
تعرفو لو انا صاحب قرار في البلد دي كنت اعمل ايه ؟؟؟؟
كنت استوردت ناس بتعرف تخطط ...

اقتباس:

---

تعرفو لو انا صاحب قرار في البلد دي كنت اعمل ايه ؟؟؟؟
كنت استوردت ناس بتعرف تخطط ...

---

هو دا الكلام :)

اقتباس:

---

المشاركة الأصلية كتبت بواسطة mahora

الاصل فى المنع كما قلت حضرتك هو عدم حدوث شئ مخالف فى العربية..... هذا يسرى على الكل

لكن فى واحد حظه ان عربيته بتنزل كده من بلدها ومش هيعرف يعمل لها حاجة تخليها زى العربيات التانية..... اذن هذا استثناء ليس بيد احد

وانا بقول حظه لانى لا اعتقد ان فى حد بيخلى سبب شراءه للعربيه هو ان زجاجها فيميه فابريكة

اذن القاعدة موجودة والاستثناء بتاعها معروف...... لا خلاف على ذلك

و بما ان من يركب فيميه يخالف القاعدة بارادته بأن يضع بالسيارة ما يجعلها مخالفة اذن عليه ان يتحمل نتيجة ذلك من مخالفات و مضايقة فى اللجان

اعتقد انه هييجى يوم يبقى فيه الفيميه الفابريكة هو القاعدة و كل العربيات هتنزل من بلادها كده، وبالتالى الحظر هيبقى راحت عليه خلاص.....

---

:S_thum1[1]:

عامة كل بلاد العالم فيها درجات مسموحة من الفيميه .
لأن اللي بيعملوا القانون و اللي بينفذوه .. فاهمين مش حافظين .

و الصيف داخل أهوه و كلمني عن الإزاز الفابريكة الشفاف و السيارات و الفرش الأسود !

و اما أبقي انا عالطريق العربيات النقل ماشية قدامي فوق المية و بيدلقوا عليا طوب و الملاكي مقضيها غرز و كل واحد ماشي بمزاجه
و أقف في لجنة يقولي ستيكر مانشيستر يونايتد اللي إنت حاطه ممنوع ! يبقي إنت أكيد أكيد في مصر .

الفيميه الأصلى عادة نوعين
نوع عسلى (غامق شوية و لكن برضه شفاف) و ده معظم العربيات الحديثة نازلة بيه ، و ده علشان يخفف شوية تأثير الشمس على فعالية التكييف ، و ده مش ممنوع
نوع اسود تماما او مراية بيمنع تشوف اللى جوه ، و ده بينزل عادة فى العربيات الفان زى الفوياجر و بيكون على النصف الخلفى فقط ، اما السائق و اللى جنبه و الزجاج الأمامى فبيكون عادى ، و ده برضه مش ممنوع لأن اصل العربية كده

فاللى هايموت على الفيميه يغير زجاجه بعسلى شفاف (كنت عاملها زمان فى ال 128 و ماكانش فيه مشاكل لأن كان فيه ريتمو بتتنزل كده)
او انه يقلبها فان و يركب الفيميه الأسود على النص الورانى فقط :b4_592:

اقتباس:

---

المشاركة الأصلية كتبت بواسطة the_fox_arab

احب اتوقع لك مبدأيا سيناريو قادم بسبب هذا القانون ..... وكلاء السيارات في مصر سيجدوا فرصة كبيرة جدا لهم لكي يضعوا بند جديد في الكماليات الا و هو الزجاج الفيميه ... و خد عندك بقى زيادة في اسعار السيارات ... الفين و لا تلاتة زيادة مش مشكلة يا راجل .. دانتا بتشتري راحة بالك من غلاسة اللجان و المرور ... فعلا و الله " غباء قوم عند قوم فوائد "

---

+1000000000000

اقتباس:

---

المشاركة الأصلية كتبت بواسطة adel1414

بصراحة حاجة تنرفز جدا..موضوع الفامية دا يااما مخالف وممنوع تنزل اى عربية اساسا من غير فامية من اى حتة كانت ودة سهل جدا وهو قانون يقول ممنوع على الوكلاء استيراد اى سيارة بها زجاج فامية..يااما ندلع الشعب شوية ونخلى الفامية مسموح بية فى العربيات اللى جوة واللى بتيجى من برة...اما الهبل اللى حاصل دليل على التخلف فعلا لان ماهو سبب تحريم الفامية؟؟؟؟؟؟؟؟؟؟اكيد حجب الرؤية يبقى اكيد اى اسود اوبنى او اى حاجة غير الشفاف يبقى حاجب..طيب لية ..اكيد عشان تبقى واخد باللك من الدنيا حواليك وبكدة حنقلل اكيد من الحوادث الناتجة عن حجب الرؤية-كلام جميل-انا بفى عايز حد يجاوبنى على سؤال بغض النظر عن ان العربية نازلة كدة او لية الواحد يتحمل ان العربية نازلة بفامية..السؤال هو....ايية الفرق بين الفامية بتاع العربية اللى نازلة بية وبين الوحش اللى بيتركب جوة مصر بالنسبة لصاحب العربيةوبالنسبة لظابط المرور؟؟؟؟؟؟؟؟؟؟؟؟؟؟؟؟؟؟؟ ؟؟ولن يلفت للاجابات الزائدة

---

اقول لحضرتك ايه الفرق
الفيميه الفابريكة محدش منهم يقدر يفتح بقه لان ده من مواصفات العربية

انما الفيميه اللزق اللى بنركبه مخالف علشان تدفع غرامة بمبلغ محترم ويشيلوه علشان لو انت غاوى هتروح تركبه تانى وبالتالى مبيعات الفيميه هتزيد, الاستيراد بتاعه يزيد وده كمان مصلحة للدولة علشان الضرايب اللى بتاخدها على استيراده.

دايرة مقفولة على نفسها كلها فوائد للدولة

انما الفابريكة هيقولك ايه غيرلى الزجاج دى لو حصلت ممكن تلاقى الواحد خبط الظابط اللى قدامه بالكوريك

والكلام على الزينون كمان ده بلد معقدة

والله أنا محتار أنا أكتر منك ايه الفرق بين الفابريقه والعادى ما الإتنين بيمنعوا الرؤيه طيب ولما احنا بنسمح بالزجاج الفابريقه ليه حتى مش بنسمح الزجاج اللايت اللى هو افتح درجات الفاميه
الموضوع معقد بيقولوا الزجاج الفابريقه صعب ان المصنع يغير زجاج العربيه لأن دى فى مواصفاتها وبصراحه الكلام ده أنا مش مقتنع بيه واقولكم الدليل
اللانسر شارك المصرى السبورت فيها فاميه والخليجى لأ
الفورد الجيا فقط
البريليانس جالينا اعلى موديل فقط هوه اللى فيه فاميه
الشيركى أنا شفت موديلات منها بره مصر مش فيها فاميه وكذلك الجراند شيروكى والكرايسلر فويجر والتاون اند كانترى
البى ام دبليو ال X series فى موديلات منها مش فيها فاميه
الدايهاتسو العربيات المصرى هى اللى فيها فاميه والخليجى انا شفتها فى السعوديه مافيهاش
الهمر فى موديلات فيها فالميه وموديلات لأ
يعنى القانون المصرى ممكن يوضع بمنتهى السهوله مواصفات مصريه قيايه ومن ضمنها خلو السياره من الزجاج الملون طالما انها موجوده يعنى مش هتتصنع مخصوص زى الوكلاء ما بيقولوا
الموضوع فى حاجه مش واضحه بس اللى اعرفه حاجه واحده المسواه فى الظلم عدل
ليه ماسمحوش بفاميه بنفس درجه الفابريقه ويكون خلفى فقط زى الفابريقه ويكون ترخيصه بفلوس حاجه زى ضريبه رفاهيه مثلا على فكره السعوديه مانعه الفاميه برضه بس فيه حاجه لو عربيه دوريه وقفتك ولقت معاك عيلتك مايقولكش حاجه خالص اما لو شباب شيل الاميه على طول
الأمارات سامحه بالفاميه
معظم دول الخليج سامح بزجاج فاميه خلفى فقط لضمان الخصوصيه للعائلات ولحمايه الأطفال من حراره الشمس
انجلترا سامحه بزجاج ملون خلفى يسمحه بمرور 60 % من الضوء وامامى يسمح بمرور 65% من الضوء

اقتباس:

---

المشاركة الأصلية كتبت بواسطة aif

لو هما ناس بتفهم ... وده طبعا مثار شك
يبقى طالما فيه حاجة ممنوعة ... تتمنع بجد
يبقى يعملو مواصفات مصرية للسيارات المستوردة
من غير زينون
من غير فيميه
من غير ستائر
...
ويستحسن من غير سائق ... عشان نرتاح
...
تعرفو لو انا صاحب قرار في البلد دي كنت اعمل ايه ؟؟؟؟
كنت استوردت ناس بتعرف تخطط ...

---

:khd:
تسلم دماغك ايه الفكر ده :36_1_40[1]: الحل من الاخر

أنا ليا وجهة نظر تانية مش من مصدر معين لكنها نابعة من تفكير الحكومة نفسها ..
الفامية ممنوع لحجب الرؤية .. تمام
الفاميه أنواع فيها من يحجب الرؤية بشكل ما وفيها من يعتم الرؤية ويسبب الخطورة .. تمام
الحكومة مش هتهرش دماغها علشان تفرق بين النوعين .. تمام
يبقى الحل إيه .. امنع الفاميه كله
طيب والعربيات اللي نازلة بفاميه أصلاً نعمل فيها إيه ؟؟
لأ طالما نازلة بفاميه يبقى نازلة بفاميه حلو مش متركب ولا فيه أنواع ..
يبقى نسمح بالأورجينال ومنسمحش بالتركيب ..
وهذا ينطبق على تفكير الحكومة في كل شيء للأسف
القاعدة الأصلية هي المنع وبلا وجع دماغ .. لأن الأصل هو الحفظ وليس الفهم
أما لو الممنوع ده خواجاتي يبقى احنا اللي مبنفهمش وحاجته تمشي زي ما هيه بدل ما الناس يقولوا علينا متخلفين ..
بس يا سادة يا كرام
تقبلوا خالص مودتي

مدام في خيار وفاقووس........... يبقى صباحيين وحته !!!!!!
تخش على اللجنة وانت ملتزم وتلاقي اللي قدامك مافيش نمر وازازه متفييم زي الفحم وتلاقي شباكه اتفتح وايد طلعت منه وبعدين يتقفل تاني ويطلع امريكاني من اللجنة ولما تخش انت وراه يخشوا معاك في س و ج!!!!!!!!!!!!
لله الامر ولنا الله

الحمد لله أن عربيتي جاية متفيمه فابريكة ... كده أنا شايف ان معاهم حق يمنعو تركيب فيميه مدام عربيتي فاميه فابريكة .. :C_laugh[1]:
لأ بجد يا جماعة أنا مش شايف أي منطق لمنع تركيب فاميه خالص .. الا اللي بيكون دارك ومش مبين حاجة وده فعلا يستاهل يتمنع .. لكن درجات الفيميه اللي مش غامقة وبتكون متوسطة أو خفيفة ولا تحجب الرؤيه ( وتقريبا اصلا كل الفبريكة كدة ) ، أنا شايف ان مفيش اي مبرر للمنع غير تطبيق اعمى وبدون منطق وكأن اللي بينفذو القانون الات صماء لا تعقل ما تطبق

و بعدين اللى خلى التجار و الوكلاء فى مصر عندهم المرونة إنهم ينزلوا عربيات من غير ايرباج أو ايه بى إس أو أى اوبشن يعتبر ستاندارد برة و ينزل العربية زلبطة, يقدروا يجيبوا كمان عربيات بزجاج عادى حتى لو هية برة نازلة فيميه

طبعا أنا مش عاوز ده يحصل, لكن بارد على منطق الحكومة

يا جماعة حرارة الجو بقت تفرض إن الفيميه (المعقول) يكون إجبارى

ياسيدى هى جت على الفمية
المرور كلة سلبيات

ياعم اكسر اللجان وعيش وبلا صداع خليك زييى انا لو اتمسكت هتعدم ههههههههه