رايكم اعمل ايه

**bahgatfouda** · 29-09-2007 04:54 AM

السلام عليكم وكل عام وانتم بخير وصحة وسعادة
عندى واجا 2007 استلمتها فى شهر 6 حصل معاى انى صدمت كلب على الطريق السريع فسبب شرخ فى الاكصدام الامامى بجوار فانوس الشبورة فاصبح الفانوس غير ثابت كويس
بعد فترة صدم احدى الديناصورات المراة فكسر زجاجها
ثم حدث بعض الخدوش بالجانب الايسر للسيارة
انا شايف انها حاجات بسيطة علشان اطالب التامين بعملها هتتكلف كتيير يعنى لازم الاكصدام يتغير بالكامل مع ان الشرخ بسيط وهو ماثر على ثبات الفانوس بس مش واضح شايف ان حرام يتغير اكصدام عشان شرخ
عايز اعرف رايكم استنى شوية ام اطالبهم بالاصلاح
وما هى الاجراءات
ولكم جزيل الشكر

**memo_hefnawy** · 29-09-2007 11:05 AM

التأمين مهمته يغير و يصلح أى حاجة باظط يعنى إللى باظ حقك يتصلح

و قدر الله و ما شاء فعل

بس خلى بالك ممكن الجانب المخربش ده يقولك هايترش كله !!! فشوف حالته إبه الأول

**aboalm** · 29-09-2007 11:28 PM

صلح الفانوس و سيب الخدوش شويه لو ينغع

**bahgatfouda** · 30-09-2007 02:57 AM

اشكرم على الاستجابة لاستفسارى
بس عشان اثبت الفانوس لازم الاكصدام يتغير لان قاعدة تشبيت الفانوس اتكسرت فرايكم اغير الاكصدام وايه الاجراءات لانى اول مرة اتعامل مع شركات التامين
وشكرا

**wlng76** · 02-10-2007 10:24 AM

أنا اعرف ان التعامل مع شركات التأمين سئ ومش سهل.
بس لو الأمور مشيت كويس أحسن شئ انك تصلح كل حاجة على حسابهم ما تدخلش موضوع الخدوش دى فى المعاينة علشان ممكن العربية تتخدش تانى وبعدين بوية الفابريقة مختلفة عن بوية تانى وش, وعموما مندوب التأمين مش بيوافق على اصلاح أى حاجة كدة بسهولة وممكن يعتمدلك مبلغ بسيط نظير تثبيت الفانوس وخلاص.
فى معلومة مهمة خلى بالك التأمين لا يعتمد شراء الأجزاء المفقودة يعنى لو وقع منك اى جزى فى العربية أثناء الحادث لازم تحتفظ بيه علشان مندوب التأمين.