بفكر أجيب كليو مستعملة فى حدود 40 - 42 ألف .. بس المشكلة انى مش عارف أجيب أنه موديل أفضل ..
أنا شايف الرينج ده يجيب موديل من 2001 - 2003 باختلاف الحالة .. بس مش عارف أنه أحسن وبالذات من ناحية الموتور .. 1200 ولا 1400 ؟؟ 8 ولا 16 Valve ؟؟
اللى قريته هنا فى المنتدى قبل كده ان الموتور الـ 1400 أفضل طبعا بس صيانته وقطع غياره أغلى ..
يا ريت حد من وحوش الرينو يفيدنى فى الموضوع ده بالتفصيل .. :k47:
الموتور ال 1400 نزل مرة فى سنة 2004 على ما أتذكر من كلامى وحوش الكليو و العربية كانت أوتوماتيك...
الناس بتشكر فيه و هو على ما أعتقد موتور ال Symbol الحالية...
لكن هتبقى عربيات قليلة جدا إللى معروضة 1400 أوتوماتيك لندرة انتشاره و لإمه نزل فى سنة واحدة بس
و على كل وحوش الكليو أول ما هيشوفوا موضوعك هتلاقيهم باعتين الردود الأكيدة
بص يا باشا الشكل الأخير نزل عليه تلت مواتير
1200cc - 16V - 75Hp
1400cc - 16V - 90Hp "وديه في منها اتوماتيك"
1400cc - 8V - 75hp
بالترتيب من ٢٠٠٣ إلى ٢٠٠٩
بتوفيق
طيب هل فى فرق فى قطع الغيار والصيانة بين الـ 1400 والـ 1200 .. ؟؟
وهل الـ 1200 - 16 valve أفضل ولا الـ 1400 - 8 Valve ؟؟
وعامة قطع الغيار والصيانة أخبارها ايه فى الكليو ؟
السلام عليكم،،،
أحمد باشا أنصحك أن تفكر في الــ1400 سي سي 16 valve وبعد ذلك 1200 سي سي 16 valve
لكن في حالة 1400 أعتقد أن السعر هيزيد شوية، والله الموفق
زي ما أخويا محمد باشا قال......خاليك أحسن في الـ1400 16 صباب وإن شاء الله تلاقيها متوفرة في المانيوال موديل 2005
معتقدش هايبقى في فرق في أسعار قطع غيار بين الـ1200 والـ1400 وهتلاقي قطع غيار إستيراد كتير للـ1400 16v
أنا عن نفسي أُفضل موتور الـ1200 16v عن الـ1400 8v عشان أحدث في وأوفر في البنزين
شكرا يا أستاذ عمرو .. بس أعتقد موديل 2005 حيكون غالى شوية عن الرينج اللى معايا ..اقتباس:
المشاركة الأصلية كتبت بواسطة عمرو عمارة
أنا من كام يوم شفت عربية موديل 2003 - 1200 - 16 valve .. ماشية 66000 .. تكييف وباور بس ..حالتها العامة جيدة جدا بس الاكصدام الأمامى فيه حتة مقطوعة من تحت .. طالب 43000 ..
بس أنا كان نفسى فى واحدة كاملة .. مش هاف أوبشن ..
أنا مش عارف هو فى كاملة وفى فيها أيرباج وتحكم بالطارة ولا هى دى الكاملة ؟؟
كمان بشوف 1400 موديل 2001 بس مش عارف دى 8 ولا 16 Valve ..
الصراحة أنا معايا 1200 16 valve باو ر تكييف فقط لكن من جمال وروعة مزاية الأوبشنز بتاع الكليو الفول أوبشن نفسي أغير لفول أوبشن.
خليك في الفول أوبشن علي طول بدلاً من الهاف وبعد كدة تبحث عن تعديل (زجاج كهرباء- سنتر لوك- تحكم كاسيت بالطارة......) وربنا معاك
بص يا باشا الكليو اليومين دول في النازل ومالهاش مقايس......ممكن تلاقي واحد عارض موديل 2003 بـ45ألف وواحد تاني عارض 2005 بـ44ألف وأوتوماتيك كمان !!......في أخ معانا هنا في المنتدى ما شاء الله شاري واحدة 2005 أوتوماتيك بـ45ألف
الفكرة إن فرق القوة يستاهل إنك تدفع فيه فلوس زيادة ( من 75حصان الى 100 حصان ) والفرق ممكن ميعديش 4-5 الاف جم زائد موديلات 2005 معظمها بتكون بحالة ممتازة وعاملة كم قليل
الـ2005 الي بموتور الـ1400 16v كلها بتنزل كاملة سواء أوتوماتيك أو مانيوال
نعم.....الي فيها تحكم كاسيت من الطارة بتكون كاملة
موتور الـ1400 الي موجود في موديلات 2001 بيكون 16v
اقتباس:
المشاركة الأصلية كتبت بواسطة عمرو عمارة
شكرا يا أستاذ عمرو على المعلومات القيمة ..