قراءة عداد الحرارة الخارجية...أمس!

**ramylanos** · 19-05-2009 10:24 PM

مكتوب عندي في كتالوج الاوكتافيا درجه الحراره ما بتكونش مظبوطه بدقه علي اساس حراره المحرك بتأثر عليه
ده كلام الكتالوج والله اعلم

**lancerevolution** · 19-05-2009 10:35 PM

إمبارح روحت كان معايا زجاجة مياه ساقعة و طبعا التكيف عندى بايظ و العربية كانت فى الشمس فزجاجة المية الساقعة المشبرة تحولت لمياه ساخنة لا تصلح للشرب فى 15 دقيقة
فضيت إزازة مياه مش ساقعة على الإزاز عشان أغسله و روحت لحد الشنطة رجعت لقيت المية نشفت

**EslaM_NagY** · 19-05-2009 10:46 PM

ياااااااا لهوى اخيرا اكتشفت ان مش انا بس الى جالى احساس ان التكيف بايظ

كنت امبارح فى التحرير وعلى حظى المنييييييييييييييييييييي ييييييييييييييييييييييل راكن فى الشمس وبعد ساعتين اخدت طريق العودة عمال اقول يا سبحان الله هو انا رحت الكويت وانا مش واخد بالى !!!!!!!!!!!!!!!!!! يمكن !

وفاتح الاربع شبابيك وبحاول اتخطى حاجز ال20 كيلو سرعة عشان الهواء المولع يخش مفييييييييش الطريق واقف.

شوية الموبايل رن وانا كنت مشغل الكار كت قولت بدل ما اتفضح فى الاشارة رحت فاقل الشبابيك ومشغل التكييف وفضلت لحد ما وصلت وانا متأكد ومصمم ان التكيف حصل فيه حاجة غلط.

طلع الله يكون فى عونه كان كاسر الحر الحمد لله.

كدة الحمد لله اطمنت ان التكيف سليم والعيب مش من عندنا :k46:

ربنا يستر على اصحاب ال128 امثالى وارحمهم يا رب والعربيات الى مفيهاش تكيف

**M.Osama** · 20-05-2009 12:32 AM

اول امبارح فعلا قريت علي عداد الاوبل عندي الحراره الخارجيه 46 ومكنتش مصدق !!

بس الصراحه التكييف والفاميه قايمين بالواجب وزياده

**gade2** · 20-05-2009 01:23 AM

نخيل بقى فى جو زى ده رايح امتحان متأخر وعمال تجرى علشان تلحق ....هو ده يومى امبارح

**SeiffoZ** · 20-05-2009 01:34 AM

لمعلوماتكم ..
درجات الحرارة اللى بتتقال فى النشرة ببتقاس فى الظل ...
مش فى الشمس !!

**MoToRiZeR** · 20-05-2009 01:49 AM

معروف يا باشا بس هي فكرة إن تلاقي قدامك علي عداد العربية إنك هتطلع في درجة حرارة 52 و إنت أصلاَ لسة في شهر 5 !
يعني انا إمبارح كنت سايب دوسيهات اللي هي فيها مسطرة من الجنب بلاستيك دي .. سبتها و ركنت تحت مكتب و طلعت 10 دقائق و نزلت لقيت الدوسيهات ساحت ! و كل مسطرة عاملة شكل علامة إستفهام