مفصلات الابواب زي بتاعت الامبورجيني

**عاشق الفولفو** · 29-09-2007 06:31 AM

انا شفت لانوس و فيكترا عاملين البابين اللي قدام بيفتحوا لفوق زي الامبورجيني بالظبط والاتنين اللي ورا بيفتحوا لفوق زي الصورة دي

حد يعرف المفصلات دي بتتجاب منين؟ وبكام تقريباً؟ وهل لها عيوب ولا لا؟
وياريت لو حد يعرف كمان الواحد ممكن يعمل فتحة سقف كهربا ولا لا؟ ولو ينفع منين وبكام؟
واخر حاجة الجنوط ال15 نيكل او عادي اية احسن الانواع (المعقولة) و بتعملها كام؟
معلش تقلت عليكوا

**PAYOO** · 29-09-2007 08:28 AM

في ورشه بجوار معرض أوتو سمير ريان متخصصه في هذا الموضوع

ولو ماتعرفش عنوان المعرض تروح عند نادي المقاولين العرب هاتلاقي لا فتات كثيره تدلك على الشارع الموجود به المعرض وهو أمام بابا ناي المقاولين العرب

**عاشق الفولفو** · 29-09-2007 01:45 PM

في ورشه بجوار معرض أوتو سمير ريان متخصصه في هذا الموضوع

الورشة دي متخصصة في المفصلات وفتحة السقف والجنوط ولا في المفصلات بس؟

**Abdallah** · 29-09-2007 10:19 PM

LSD
Lamborgini Style Doors
نوع من المفصلات صعب انتشاره نظرا لغلو سعره وصعوبة صيانته .
الباكيت بتبقى مفصلتين وموجود فى السوق نوعين واحد بيفتح 90 درجة ودة بـ 3500 جنيه والتانى بيفتح 120 درجة ودة بـ 5000 جنيه وطبعا هما شكلهم جميل وبيدوا منظر ولكن مش عمليين فى اغلب الاحيان, يعنى لو واحد طويل القامة شوية هيبقى الدخول والخروج من العربية صعب شوية, دة غير انهم بيبوظوا بسرعة وبيتخرملهم فى قوايم الابواب.

بالنسبة للسقف ممكن يتعمل وهيتكلف ما بين 3500 الى 5000 جنيه وحسب اذا كنت عايزه كهرباء ولا مانوال ومنصحكش بيه لانه هيبوظ السقف وهيلملك بارومة فيما بعد مهما اتعمل بنظافة.

الجنوط النيكل لما تتجرحبيبقى شكلها بايخ جدا دة غير انهم لما بيتوسخوا برضة بيبقى شكلهم مش حلو ومعظم الى موجود نيكل صناعة صينية .
انصحك بجنوط 15 مومو ودى هتعمل حوالى 5000 ولو مفيش كاش كفاية يبقى طقم جنوط 15 تايلندى او تايوان او اندونيسى , صناعتهم معقولة وسعرهم بيتراوح ما بين 1800 الى 2200 جنيه واياك والصينى.

**HNaga** · 29-09-2007 10:37 PM

مومو كمان بقى صينى على ماأعتقد

**Adham** · 29-09-2007 11:14 PM

انا شايف ان الابواب دي عملية في الخروج و الدخول من السيارة لو راكن في ركنة ضيقة و بالذات لو باب العربية كبير (باب عربية كوبية)

غير ان شكلها حلو قوي و بيبقى واااااو و انت فاتح الباب و نازل تلاقي البشرية بتبحلق و انت بقى محدش عارف يكلمك ولا نجوم السيما

كان نفسي في اتنين لعربيتي الهوندا السبور لان بابها ضلفة ( كبير قويييي) و لو ركنت ركنة مزنوقة بين عربيتين بابقى محتاج لبيسة جزم للدخول و الخروج :lol:
بس ياخسارة بعتها النهاردة الصبح خلاص بقى

**Adham** · 29-09-2007 11:17 PM

صحيح بخصوص موضوع الجنوط النيكل و للا الالومونيوم, فدة يرجع حسب لون العربية و اللي يليق عليها

**عاشق الفولفو** · 29-09-2007 11:43 PM

الف شكر يا استاذ عبدالله علي الاهتمام والافادة الجامدة دي (دة طلع تمنهم ضارب فوق قوي )

صحيح بخصوص موضوع الجنوط النيكل و للا الالومونيوم, فدة يرجع حسب لون العربية و اللي يليق عليها

انا احترت في الشكل واللون بتاع الجنط هي لون العربية دهبي و طبعا فولفو فكبيرة وياريت لو تساعدوني في اختيار جنط حلو لها (علي الاقل سعره معقول واعتقد حيغير شكل العربية)

دة لون العربية