إيـه اللـى بيحصـــل؟ (عن إغلاق شركة النصر للسيارات)

**dasboot** · 21-05-2009 12:09 AM

لا تعليق، حسبنا الله و نعم الوكيل

**homme49** · 21-05-2009 12:27 AM

المشاركة الأصلية كتبت بواسطة dode2002

مصلحه رجال الاعمال اولا

لقد وضعت يدك على مربط الفرس

**Abo_Lina** · 21-05-2009 12:50 AM

المشاركة الأصلية كتبت بواسطة relentless_mayhem

ليه ... بالعكس كلام حضرتك خاطئ ..
إزاى يخلونا نتطور!!
إنت نسيت إن بالنسبة ليهم الخطر الرئيسى عليهم الإسلام؟؟

كارهين حاقدين على الإسلام ...

انت شايف كده ?
خلاص الي تشوفه سعادتك

مع إن أنت لو كنت فكرت شوية كنت إكتشفت إن ماليزيا مثلا دولة إسلامية

**akram2010** · 21-05-2009 12:55 AM

شركات وطنيه يعنى مال سايب وملهوش صاحب وسرقات بالملايين وباحتراف ومنظم وكله مضبط الدفتر والورق وكله مخبى لكله لآن الفساد منفعه للفرقه كلها وكله واكل ..... الخ

النقطه التانيه ماذا قدمت الينا هذة الشركات الا سيارات موديلات سبعينيات القرن الماضى بموديلات 2009 هل هذا ينفع يا اخى فى عالم تجد موديلات السيارات كل اربع سنوات بالاكثر يتغير لمواكبه التكنولوجيا وكل ماهو جديد فى العلوم والامان والرفاهيه؟؟؟

تحزن قوى لما تلاقى 128 وشاهين ولادا بموديلاتها القديمه بموديلات 2009 وهذا مسؤليه وزارة الصناعه بغلق اى شركه لاتتطور فى عصرنا هذا

**amr mokhtar** · 21-05-2009 01:19 AM

المشاركة الأصلية كتبت بواسطة emsadeck

الشيء اللي انا مش فاهمه ليه الشركة تحقق خسائر بالرغم من انه سياراتها كانت مطلوبة وتباع رغم وجود كل الموديلات الحديثة ورغم الأسعار المرتفعة جداً للشاهين، والحاجة الأغرب ليه مانزلتش الشاهين ضمن مشروع تكهين التاكسيات القديمة؟؟؟ أعتقد أنها كانت هاتبقى اختيار لكثير من اصحاب السيارات القديمة لأنها معروفة ومتجربة وقطع غيارها متوفرة وأي حد ممكن يصلحها والمشروع ده لوحده كان ممكن يعيد أحياء الشركة مش كده ولا أيه؟

لإن ببساطة شركة توفاس التركية قفلت خط الإنتاج بتاع الشاهين
و بالتالى خلاص مفيش حاجة بتتبعت عشان تتجمع
بالتالى مفيش شاهين

**hogo_9i** · 21-05-2009 01:25 AM

لا حول ولا قوة الا بالله . انا حزين جدا عشان اولان انا ساكن فى حلوان وى كل يوم بعدى من عليها و بفكر انها فى يوم من الايام هينصلح حالها و يطوروها بس متوقعتش انهم يقفلوها انا والله مش مصدق يعنى خلاص مش هيبقى فى شى اسمة شركه النصر والله انا ما مصدق .

سبحانك اللهم وبحمدك ، أشهد أن لا إله إلا أنت أستغفرك وأتوب إليك

**amr mokhtar** · 21-05-2009 01:26 AM

انا أتفق مع أستاذ Tyler_Durden فى كل الكلام

يا جماعة كفاااااية نظرية المؤامرة اللى جايبانا لورا

الموضوع هو ان مش ممكن شركة بتتسرق بقالها خمسين سنة و مفيش إدارة عندها نية او قدرة على التطوير و ماسكين فى عربيات من الثمانينات بيجمعوها - يا ريت بيصنعوها - إنها تتقدم و يبقى ليها تواجد

و بعدين هناك مثل واضح و هو ماليزيا و عربيات البروتون اللى بتتباع فى اوروبا و إنجلترا لو الناس دى كانوا حاطينا فى دماغهم بالطريقة دى مكانوش دخلوا بروتون عندهم لكن ببساطة لإن ماليزيا أثبتت نفسها و قدرت تفرض منتجاتها عليهم
انا بتمنى لهذه الشركة و لهذه الدولة التقدم و الإستمرار

**akmal_hamdi** · 21-05-2009 03:17 AM

ريحت و استريحت هو فى حد بيجيب 128 دلوقتى

**Terrible_DaRsH** · 21-05-2009 03:33 AM

للاسف العيب فى اشخاص معينيين و ليس الشعب المصرى ..

اللى بيعرفوا يعملوه يلموا فلوس من الناس فقط علشان يصلحوا ما اخربوه . حسبي الله و نعم و الوكيل ..

يعنى لما الشباب يتخرج و يلاقى شغل و يلاقى اقتصاد و يلاقى اسعار رخيصة و يلاقى كل الخدمات اللى مواطنين العالم كله بتستمتع بيها من دون تدخل !!

يبقي العيب منين بس ..!!

اللى بياخد القرارات هى الحكومة مش الشعب .. اللى بيطور و يصرف هى الحكومة مش الشعب .. كفاية بقي ربنا هينتقم منكم .

**akram2010** · 21-05-2009 08:39 AM

السؤال الى متى نعيش نظريه المؤامرة؟؟؟ ونجعلها شماعه لعدم التطوير....
القطاع العام يحتاج الى ابادة للتخلص من الفساد المنظم وادارات تعمل بشكل روتينى باسلوب حكومى متخلف لم يعد له وجود فى عالمنا اليوم ... لازم نغيير انفسنا بسرعه لنواكب العصر فالعالم اصبح اليوم بقريه صغيرة .... ياريت الكشف عن حسابات مدراء هذة الشركات وعائلاتهم كلها وفضحهم ومصادرتها اتمنى من كل قلبى لضرب الفساد من جذورة