....شمسون....سياره مصريه بالطاقه الشمسيه

**dasboot** · 21-05-2009 12:17 AM

هي صحيح شكلها معفن و كان اقل واجب يشوفوا حد يعملها تصميم محترم، لكن الصراحة هو انجاز محترم و يارب يهتموا بيه و يبقي حاجة

**sswalid** · 21-05-2009 01:40 AM

اختراع مصري جميل ..اخيرا الكارو المصري اتعدل ..
بس اهم حاجه الحمار الي حيجرها يكون شديد ..
ولو ان لغايه لما تكمل هيكون الحمار مات ..

**محمد فريد** · 21-05-2009 01:47 AM

المفروض الخلايا تبقى فوق السقف مش على الكبوت
كده اى حادثه هتقطم الخلايا ودى مكلفة جدا

**kloda** · 21-05-2009 02:14 AM

عقبال ما نعمل شمشون 4*4 تكسر الدنيا

**Ahmed Samy** · 21-05-2009 02:44 AM

انتو متخيلين ان صاحب الاختراع (ان كان عايش)

يقدر يعمله ؟؟

انتوا شفتو الحرب على اللوجان المغربي و الضغوط اللي كانت ضد استيرادها و اللي هددت معاهدة أغادير كلها بسبب ضغط منصور و غبور على الحكومة ..و ايه !!! دي كانت هاتنزل أرخص منهم يادوب بعشرة الاف جنيه

وماعداهاش الا نصير تاجر السلاح العتيد و عداها من بق الأسد و اضطر لصفقة برفع تمن العربية علشان تعدي و يخسر ميزة الانتشار الكاسح امام اللانوس و الفيرنا و الأفيو

انتو متخيلين انهم ممكن يسمحو "لمواطن" زيه زينا كده ...انه يطور أو ينتج عربية حتى لو كلبة و شكلها يقرف و يكون تمنها 20 الف ؟؟؟

ماهي ممكن تلعب معاه و الشركة تكبر و تبقى عربية مصرية موفرة و تساعد ناس كتير (حلم وطنى) و لكن الحلم الوطنى ده هو (كابوس لأصحاب المصالح) اللي هما أصحاب البلد ...

اللي زمانهم روقو الدكتور و نسوه العربية و كله تمام ..المهم ان العربية دي تتدفن ....للأبد

و مش هايفضل منه الا الموضوع ده اللي بيحكي عن عربية سبعاوي شافها من 6 سنين .....

حسرة عليكي يابلدي

**MohaMed_Refaat** · 21-05-2009 03:04 AM

اول الخير قطرة ولا اية ...

**Bossy_Fadl** · 21-05-2009 04:25 AM

المشاركة الأصلية كتبت بواسطة Ahmed Samy

انتو متخيلين ان صاحب الاختراع (ان كان عايش)

يقدر يعمله ؟؟

انتوا شفتو الحرب على اللوجان المغربي و الضغوط اللي كانت ضد استيرادها و اللي هددت معاهدة أغادير كلها بسبب ضغط منصور و غبور على الحكومة ..و ايه !!! دي كانت هاتنزل أرخص منهم يادوب بعشرة الاف جنيه

وماعداهاش الا نصير تاجر السلاح العتيد و عداها من بق الأسد و اضطر لصفقة برفع تمن العربية علشان تعدي و يخسر ميزة الانتشار الكاسح امام اللانوس و الفيرنا و الأفيو

انتو متخيلين انهم ممكن يسمحو "لمواطن" زيه زينا كده ...انه يطور أو ينتج عربية حتى لو كلبة و شكلها يقرف و يكون تمنها 20 الف ؟؟؟

ماهي ممكن تلعب معاه و الشركة تكبر و تبقى عربية مصرية موفرة و تساعد ناس كتير (حلم وطنى) و لكن الحلم الوطنى ده هو (كابوس لأصحاب المصالح) اللي هما أصحاب البلد ...

اللي زمانهم روقو الدكتور و نسوه العربية و كله تمام ..المهم ان العربية دي تتدفن ....للأبد

و مش هايفضل منه الا الموضوع ده اللي بيحكي عن عربية سبعاوي شافها من 6 سنين .....

حسرة عليكي يابلدي

الف شكر دكتور احمد علي اعادتنا لأرض الواقع

هيدا الكلام الواقعي

نحنا كمصريين مش من حقنا نحلم

الكبار في بلدنا مستكترين علينا الحلم

ما بعرف امتي الغمه اللي في البلد دي راح تنزاح

ربنا يجازي كان السبب

**Eslam.Adly** · 21-05-2009 10:19 AM

المشاركة الأصلية كتبت بواسطة Bossy_Fadl

هيدا الكلام الواقعي

نحنا كمصريين مش من حقنا نحلم

هو لو انت مصرى ليه بنقول هيدا=هو ده.
حالك كه ما بيكون من مصر يا خى.
اوى تزعل انا بصحك معاك.

**الطنطاوي** · 21-05-2009 10:27 AM

نفسي حد يعمل لمصلحة البلد العامة

مصر ابتدأت في الطاقة النووية قبل ايران وباكستان والهند ومع ذلك إلى الأن واحنا لسه في مرحلة البداية
وهم في مرحلة القنبلة النووية

مصر عملت العربية الرمسيس قبل دول كتير ودلوقت الدول دي بتصنع سيارات لها اسم خاصة بها وعلى مستوى ممتاز

من مصلحية مين ان احنا ندفن كل الانجازات اللي ابتدنها

ليه ماعندناش استمرار ودعم للافكار المضيئة

بعد الحرب العالمية وتدمير اليابان
اليابانيون كانت بديتهم في تصنيع الصناعات التقليد لدرجة إن في أروبا كانت المحلات بتكتب نحن لا نبيع المنتجات اليابانية لسؤ سمعتها في ذلك الوقت

الأن اليابان أصبح لها المنتجات الخاصة بها والتي أصبحت رقم 1 في العالم

ياريت نبقى زي اليابان ويكون عندنا ناس تتبنى تنمية الشعب المصري العريق مش كل واحد همه نفسه وبس

الطفل أول ما يتولد بيسحف لحد ما يتعلم المشي والجري

مش عيب ان احنا نسحف في الأول لكن العيب ان حنا نفضل طول عمرنا بنسحف

**Demirell** · 21-05-2009 10:56 AM

يا جماعة الموضوع ده كان من زمان جداً.....العربية دي إتعملت تقريباً في سنة 2002 وإتكتب عنها في الجرايد وقتها

بس أحب أطمنكم إن في أثناء زيارة لجامعة جنوب الوادي سنة 2005 لقيت العربية دي مرمية عند كلية العلوم رمية الكلاب ومردومة تراب هي وعربية تانية كانوا عاملينها برضه بس مش فاكر إسمها!

أنا في الأول ما صدقتش وقلت مش معقول مشروع زي ده يترمي كده زيه زي أي مشروع أقل منه....خصوصاً إنه كان مشهور نسبياً في الوقت ده

بس طبعاً الواحد بعد ما فاق من الصدمة قال لنفسه : وأنت كنت متوقع إيه غير كده؟؟

هي دي مصر يا عبلة!!

وما نجيلكوش في حاجة وحشة

الموضوع: ....شمسون....سياره مصريه بالطاقه الشمسيه

LinkBack

أدوات الموضوع

عرض

-

-

-

-

-

-

كلام ملوش علاقة بالموضوع -

-

-

المواضيع المتشابهه

سياره مصريه بنسبة تصنيع كبيره

سياره مصريه بنسبع تصنيع كبيره

الواح توليد الكهرباء بالطاقه الشمسيه

لو مستثمر عمل سياره مصريه 100% هنجبر الحكومه عليها ولالأ زى النصابين!؟ برجاء المناقشه

سياره تسير بالطاقه النوويه (نووى)!!!

الكلمات الدلالية لهذا الموضوع

المفضلات

المفضلات

ضوابط المشاركة