خاللى بالكوا يا لانسراوية من السرقة!!!!

الى جميع اللانسراوية خاللى بالكوا من عربياتكم كويس لان فى حالة عامة منتشرة الايام السودة اللى احنا بنعيشها دى
وهى سرقة المتعلقات الخفيفة وفى نفس الوقت مربحة لان اليوم انا اتسرقت منى المرايا اللى على شمالى بتاعت اللانسر 2008 ودى لوحدها المرايا الزجاج فقط لانها كبس ثمنها حوالى 400 جنية كنت راكن فى البارك الخاص بكارفور القاهرة اسكندرية او داندى مول ونزلت لاقيت المرايا مخلوعة من غير اى اثر للعنف او الخبط
ومن الاشياء اللى بتتسرق برضة اليومين دول طاسات الجنوط لان ثمن الواحدة حوالى 250 جنية يعنى الحرامى بيسرق وهو عارف هيعمل اية بيهم وكمان العلامة المشهورة للانسر بتتسرق برضة وكمان الجريدة اللى موجودة حوالين جميع زجاج العربية
ولو شوفتوا مثلا نص اجمالى الحاجات دى هتلاقوا ان الحرامى معاة ثروة وانا قلت اقلكم واحذركم لانها فعلا حاجة حرقت دمى مووووووووووووت :dontudear:وربنا يعوض عليا خير ان شاء اللة.

يعنى اخلى بالى من عربيتى؟؟

فعلا والله حكاية السرقة انتشرت اوي ... والله يا اخي الواحد خايف الحرامية يحترفو ويبدأو يسرقوها كلها على بعضها مش مراية ولا جريدة .. ربنا يستر وانزل الاقي عربيتي تحت

حسبي الله و نعم الوكيل .
الواحد مش عارف الناس اللي بيحصلها .........

ربنا ياخدهم ويريحنا منهم دى اخرة البطالة والفقر وزيادة السكان اللى ملهومش لازمة فى الحياه"

فعلايا باشا هما بيسرقو زجاج المرايا وانا شخصيا اتسرقت من فى جراج بوسط البلد - القاهرة وسألت عليها ولقيت المصرى 35 جندى وفى بيقولوا انها اصلى 75 جندى بس شفتها لقيتها مزغلله فى الروئية المهم طلعت على الرواس واشتريتها 100 جندى بضريبة المبيعات وزى الفل مش لقيت فيها فرق خالص هى هى الرؤية الفرق الوحيد انى مرايات الخليجى عليها كتابة احترس ابعاد المراه غير حقيقية والى عند الرواس مش مكتوب عليها

ربنا يستر علينا جميعا
السرقة وصلت لمستوى فظيع و غريب
طب ايه رأيكم فى واحد سرق عدسة من صندوق العدسات فى العيادة
نفسى اعرف ليه عمل كده ؟؟ و ايه الفايدة اللى هاترجع عليه من كده ؟؟ و ايه قيمتها بالنسبة له ؟؟
ربنا يرحمنا و يستر علينا و يحفظنا جميعا:_Alshmokh22[1]:

تصحيحا للمعلومة المراية ثمنها 115 جنية بالتركيب من عند الرواس لان انا روحت النهاردة وركبتها من عندة لكن فعلا مش مكتوب عليها حكاية الابعاد دية, والعوض على اللة

عندك حق الدنيا ملهاش امان...انا السنة اللي فاتت داخل البنزين أفول روحت لأيت الlogo الخلفي اتسرق مع العلم ان اليوم ده موقفتش في حتة غير البنزينة دي....حسبي الله و نعم الوكيل

سرقة المرايا حصلت لواحد صحبى برده معاه لانسر

على فكرة وربنا يسامحنى الحاجات المسشروقة دى كلها بتروح سوق الحرفيين عشان تتباع مستعمل بسعر رخيص وفى ناس مخصوص وعصابات وهتلاقى مصدرها فى الاخر هى اصحاب محلات المستعمل بيروضوا الناس العواطلجية واللى قاعدين تحت الكبارى ويستغلوهم فى سرقة اى شيى خاص بالعربية وكلة بثمنة
والكلام دة سمعتة من الرواس نفسة قالى واحد اشترى جنوط جديدة لعربيتة اللانسر وكانت جنوط مميزة وغالية وراح الحرفيين تانى يوم بعد السرقة لاقاهم فعلا هناك ودفع ثمنهم تانى واخدهم وقبل مايمشى قال لصاحب المحل على فكرة الجنوط دى بتاعتى وعارف انهم مسروقين وانا دفعت ثمنهم تانى لانهم مميزين وبس وحسبى اللة ونعم الوكيل فيكم كلكم

شكرا استاذ انسى على التنبيه ومتزعلش ربنا يعوضك عنها خير
بس اشمعنى عربيات اللانسر بالذااااااااااااااااااااا اااااااات هى الى مستهدفه؟؟؟
كارثه لو كانت عصابه متخصصه فى اللانسر ربنا يكفينا شرهم
خلاص هضطر أركب الانذار واخلى استشعار او الحساسيه بتاعه لأقصى درجه والأمر لله وحده

لسة حاصلة مع واحد صاحبى كمان بس عربيتة النترا مش لانسر نزل لقى العربية الاربع فرد على الارض وكمان لقى العجلة الخلفية فيها مسمار 10سم والاكثر شفقة انة قالى انة لسة شارى اربع فرد جداد من يومين.

لا حول ولا قوة الا باللة العلى العظيم

الحمد لله إنها جت على كده ؟
وربنا يعوض عليك .
أنا حصل معي موقف آخر الحرامي كسر الزجاج الأمامي شمال ولما معرفش يشغل السيارة راح سايب السيارة بدون أن يأخذ أي شئ آخر لا كاسيت ولا استبن ولا أي حاجة الحمد لله الزجاج فقط .

اقتباس:

---

المشاركة الأصلية كتبت بواسطة nasr-eldeen

الحمد لله إنها جت على كده ؟
وربنا يعوض عليك .
أنا حصل معي موقف آخر الحرامي كسر الزجاج الأمامي شمال ولما معرفش يشغل السيارة راح سايب السيارة بدون أن يأخذ أي شئ آخر لا كاسيت ولا استبن ولا أي حاجة الحمد لله الزجاج فقط .

---

نفس الموقف حصل معايا فى البطة بس الزجاج الشمال الخلفى و حاول يخلع الكاسيت و ماعرفش او الوقت ما سعفهوش فكسر وش الكاسيت و سابه واقع من الكاسيت (يعنى جاب اجله برضه) و الحمد لله على كده
ربنا ستر
ربنا هو الحافظ و يحفظنا جميعا و ينتقم من كل الحرامية

نفس السيناريو بتاع المراية ده حصل معايا
كنت راكن عند ميدان الجامع مصر الجديدة ورجعت لاقيت كف المراية الشمال مخلوع رحت اشتريته من الرواس كان ب 82 جنيه ونص بالظبط وبعدها ب فترة كنت راكن فى الرحاب رجعت لاقيت المرايتين الكف بتاعهم مسروقين قمت مركب مرايتين بتوع دايو الاتنين ب 50 جنيه طبعا منظر العربية وحش جدا وباخد تريقة وتعليقات كتير من اى حد يركب معايا بس بصراحة كده اريح ويمكن الحرامى لما يشوف المنظر ده اصعب عليه ولا حاجة ويرجعلى المرايا الاصلية

وربنا يحفظنا جميعا من شر الحرامية واصحاب النفوس الضعيفة وينتقم منهم يارب

اقتباس:

---

المشاركة الأصلية كتبت بواسطة dr.sherif mansy

نفس الموقف حصل معايا فى البطة بس الزجاج الشمال الخلفى و حاول يخلع الكاسيت و ماعرفش او الوقت ما سعفهوش فكسر وش الكاسيت و سابه واقع من الكاسيت (يعنى جاب اجله برضه) و الحمد لله على كده
ربنا ستر
ربنا هو الحافظ و يحفظنا جميعا و ينتقم من كل الحرامية

---

أنا بردو حصل معايا كدة بس كسر الهواية اليمين اللي ورا و فتح العربية (مع العلم ان فيها جهاز انذار) و كسر الحتة البلاستيك اللي فيها الاسلاك و طلع مصارينها عشان يدور العربية بالاسلاك بس الظاهر البطارية نامت و حاول يزؤها كمان عشان يدورها بس ال تارة قفلت منه فا سابها مرمية من غير ما ياخد منها حاجة....علموم الحمد لله و ربنا يستر...