حجزت التيجو واى سؤال عنها ابقى اسالوا

:_Alshmokh22[1]:السلام عليكم ورحمة الله وبركاته
اعضاء المنتدى الكرام ---استفدت كتير جدا وكونت راى من خلال منتداكم الكريم وعشان كده اول مجربها هتوصل
معاكم ديما واقولكم ايه الاخبار

روحت ابو الفتوح قاللى بعد شهر ع الاقل ------؟؟؟؟؟؟ كتيييييييير

روحت المصريه قالولى موجوده 2*4 اوتوماتيك فتحة سقف بس دخلونى فمتهة وديعه ب 10000 الاف قلت مش مشكله هبقى اكسرها بس استلم بدرى وهستلم ان شاء الله بعد 4 ايام

دعواتكم بقا وربنا يستر ولازم امسك ايدى شويه عشان البنزييييييييين وربنا معانا كلنا واى سؤال لما اركبها هبقى افيدكوا زى مفيدتونى :_Alshmokh22[1]: :_Alshmokh22[1]: :_Alshmokh22[1]: (بدعى هههههه واقول ربنا يستر )

البنزين حيغلى خلى بالك"

نتمنى فعلا تفيدنا اول باول
هنكون شاكرين فضلك جدا

اقتباس:

---

المشاركة الأصلية كتبت بواسطة pharonicking

البنزين حيغلى خلى بالك"

---

ربنا يطمنك يا دكتور محمد بجد وربنا معانا يالا بجملت يعنى

اقتباس:

---

المشاركة الأصلية كتبت بواسطة mohamedtayel

نتمنى فعلا تفيدنا اول باول
هنكون شاكرين فضلك جدا

---

ان شاء الله اول باول طبعا انا تقريبا هستلمها فخلال 5 ايام ونشوف الاخبار ايه بس ان شاء الله خير

ربنا يباركلك وتستلم على خير .......
بص على العربية كويس قبل ما تاخدها (((((كووووويس))))))

وفي انتظار تقييمك

و ماتشغلش بالك بالبنزبن و الترخيص و الحاجات دي ........مادام العربية عاجباك ...هيا جت على دول

قرار صائب قولنا لما تستلمها علشان نباركلك ويكون عندنا مصدر حقيقي ويتقي الله فينا برأيه ربنا يباركلك

اقتباس:

---

المشاركة الأصلية كتبت بواسطة ahmed samy

ربنا يباركلك وتستلم على خير .......
بص على العربية كويس قبل ما تاخدها (((((كووووويس))))))

وفي انتظار تقييمك

و ماتشغلش بالك بالبنزبن و الترخيص و الحاجات دي ........مادام العربية عاجباك ...هيا جت على دول

---

ابص كويس؟ هههههههههههههههه انا مش هقولك انا هعمل ايه بس ما يقع الا الشاطر --- هو انا كل يوم هشترى واحده

بس شاغل بالى من البنزين لان كنت راكب شاهين تخيل بقه؟ يعنى فرق رهيب بس زى منت قلت هيا جت على دول وشكرا جداااا لنصيحتك الغاليه

اقتباس:

---

المشاركة الأصلية كتبت بواسطة alkhawga

قرار صائب قولنا لما تستلمها علشان نباركلك ويكون عندنا مصدر حقيقي ويتقي الله فينا برأيه ربنا يباركلك

---

ربنا يكرمك يارب وان شاء الله مجرد مستلم وامشى شويه مش هبخل بالنصيحه وهسيب تلفونى لاى استفسار
ولو حد كمان من اسكندريه وعاوز يقابلنى ويشوفها انا تحت امرة بس اركبها بس واشوف الاخبار ايه لان برضو مخى بيودى ويجيب هههههههه

النهارده اتصلوا بيا قالولى فى اللون الاسود لو تحب قلتلهم لاء الفضى وكان هاين عليا اقولهم خلاص مش لازم هههههههه ودعواااتكم

يا باشا ربنا يكرمك و تستلمها علي خير ويعطيك خيرها علي فكره انا اسكندراني فمتبخلش علينا بالنصيحه
بالتوفيق

ربنا يباركلك وتستلم على خير

اقتباس:

---

المشاركة الأصلية كتبت بواسطة alkhawga

يا باشا ربنا يكرمك و تستلمها علي خير ويعطيك خيرها علي فكره انا اسكندراني فمتبخلش علينا بالنصيحه
بالتوفيق

---

ربنا يكرمك يارب واهلا بيك يا بن بلدى منور والله --- ولما استلم وامشى تحت امرك والله فاى حاجه

اقتباس:

---

المشاركة الأصلية كتبت بواسطة meshmesh78

ربنا يباركلك وتستلم على خير

---

ربنا يخليكى يارب ويرزقك باحسن منها

اخبارك يا باشا عملت ايه

اية الاخبار يانجم
وربنا يوفقك
وفرحنا
بقا
اصل انا كمان حاجز بقالى شهر
ودافع 30000 الف حجز
فى ابو غالى
والنبى متتاخر علينا

وانت هتجبها اية 4فى4 ولا عادية

انت فين يابرنسسسسسسسس

اية اخبارك طمناااااااااااا

السلام عليكم جميعااااااااااااااااااااا ورحمة الله وبركاته

بطمنكوا والله استلمت العربيه من اسبوع وعملت بيها 1200 كيلو ولسه مروحتش الصيانه

مستنى اروح صيانة الالف واكتب موضوع اشرحلكوا كل حاجه بالتفصيل لانى عاوز افيدكوا بجد

بس اطمنواااااااااااااااااااا اااااا الحمد لله والله العربيه لحد وقتنا هذا زى الفل واهم ميزة فيها ليا شخصياااااااااااااا ثباتها فوق الممتاااااااااااااااااااا ااااااز وبالنسبه للسحب انا كنت هشترى تريوس glx وكانت فى مقارنه بس فعلا التريوس ياخد صفررررررررررررررررررررررر ررررررررررررررررررررررررر رررررررر كبير بالنسبه لسحب العربيه فى مقارنتها بالتيجو

عموما هروح التوكيل يوم الخميس لو حد يحب يشرفنى ويبص عليها فاسكندريه انا تحت امرة انا كنت بدور على اى حد معاه تيجو عشان اساله وربنا كرمنى وعاوز انا كمان افيكوا

طبعا العربيه مبهرة فمنظرها واحد قاللى ايه ده يا باشا قطر هههههههه والحمد لله عنيا غفلت وانا سايق وجت سليمه صحيت على صوت دشدشه فالعربيه قلت هنزل الاقى الجنب الشمال مدمر بس ربنا ستر بجد وجت فالجنوط والعربيه اثبتت كفائه لان فعلا خبط جامد جدا فالمانع الاسمنتى ع الصحراوى وكويس انها جت على قد كده وسهله نبقى نغير مكانها دعواتكمممممم

هروح صيانة الالف كيلو وهكتب موضوع وصور عن العربيه ومميزاتها وشوية عيوب ساهلين ويتعدلوا

اقتباس:

---

المشاركة الأصلية كتبت بواسطة ali2008

اية الاخبار يانجم
وربنا يوفقك
وفرحنا
بقا
اصل انا كمان حاجز بقالى شهر
ودافع 30000 الف حجز
فى ابو غالى
والنبى متتاخر علينا

وانت هتجبها اية 4فى4 ولا عادية

---

ربنا يكرمك يااارب بص هقولك انت دافع فين ؟ ابو غالى ولا ابو الفتوح؟

انا كنت دافع عند ابو الفتوح 30 الف بس سحبتها لان لقيت العربيه فمعرض اغلى 500 جنيه قلت اشترى دماغى
هيا 2*4 اوتوماتيك فتحة سقف بس هتعمل ايه بالفور باى فور صدقنى مش مستاهله لو تحركك جوة البلد
ثم التريوس عقدتنى فالفور باى فور فعلا لما ركبتها اتعقدت

لو انت هنا فاسكندريه قابلنى واتفرج براحتك وانا تحت امرك

ربنايخليك ويكرمك و يديلك خيرها ويبعد عنك كل شرها انا من القاهرة واخويا هو اللى عايز العربية 4ف4 علشان هو بيطلع سفارى ورحلات فى الصحرة كتير ارجوك قوالى بامانة الله العربية ماشية مية مية ول لا

وجزاك الله كل خير وربنا يباركلك فى عربيتك يانجم


وشكرا

باشا اية اخبار العفشة علشان انا سمعت ان فى مشاكل كتيرة فيها... بالمناسبة دة كلام واحد معاة التيجو برضة؟؟؟
المشكلة ان العربية عجبانى جدا وعايز اشتريها بس خايف لانها حتكون اول عربية صينى اتعامل معها وخاصة ان 1600 نزلت ومش عارف حتكون زى 200 ولا اسوأ

m m,

اقتباس:

---

المشاركة الأصلية كتبت بواسطة attiahf

باشا اية اخبار العفشة علشان انا سمعت ان فى مشاكل كتيرة فيها... بالمناسبة دة كلام واحد معاة التيجو برضة؟؟؟
المشكلة ان العربية عجبانى جدا وعايز اشتريها بس خايف لانها حتكون اول عربية صينى اتعامل معها وخاصة ان 1600 نزلت ومش عارف حتكون زى 200 ولا اسوأ

---

السلام عليكم
بص خبرتى فميكانيكا العربيات قليله شويه فمش شايف عيب فالعفشه ويمكن فى حاجه وانا مش حاسسها طيب؟ فهمنى وقولى مثلا بسمع كذا او بيبان كذا عشان اعرف افيدك لكن عموما 9مش سامع اى اصوات غريبه خالص

على فكرة استهلاك البنزين تقريبا 200 كيلو فالصفيحه على الطرق السريعه بمتوسط سرعه حوالى 130 كيلو
وغالبا سرعتى مش بتزيد على 100 فالعادى

بالنسبه ل 1600 مش عارف متهيالى حجم العربيه كبير عليها وممكن يضعف الموتور اسال برضو وشوف ولو لاقيت الفرق مش كبير هات 1600 احسنلك واوفرلك

الف مبروك مقدما والسيارة دي معي من اربعة شهور وزي الفل وتحت امرك في اي استفسار

اقتباس:

---

المشاركة الأصلية كتبت بواسطة aboomarr

m m,

السلام عليكم
بص خبرتى فميكانيكا العربيات قليله شويه فمش شايف عيب فالعفشه ويمكن فى حاجه وانا مش حاسسها طيب؟ فهمنى وقولى مثلا بسمع كذا او بيبان كذا عشان اعرف افيدك لكن عموما 9مش سامع اى اصوات غريبه خالص

على فكرة استهلاك البنزين تقريبا 200 كيلو فالصفيحه على الطرق السريعه بمتوسط سرعه حوالى 130 كيلو
وغالبا سرعتى مش بتزيد على 100 فالعادى

بالنسبه ل 1600 مش عارف متهيالى حجم العربيه كبير عليها وممكن يضعف الموتور اسال برضو وشوف ولو لاقيت الفرق مش كبير هات 1600 احسنلك واوفرلك

---

متشكرين جدا على معونتك، بيقال ان فى مشاكل فى العفشة ناحية الكاوتش الخلفى يمين وفى صوت دائم بيظهر فيها وبالنسبة لموضوع كبر حجم العربية فدى حاجة تقلق، بس على العموم انا عارف ان شركة شيرى منزلى العربية 1600 من فترة طويلة فى دول اخرى وارجو ان مصنع اسبيرانزا مايكونش غير فى مواصفات الموتور وعمل افتكاسات................ بالمناسبة حد عرف سعر 1600 كام

اقتباس:

---

المشاركة الأصلية كتبت بواسطة saloumi

الف مبروك مقدما والسيارة دي معي من اربعة شهور وزي الفل وتحت امرك في اي استفسار

---

الف مبروك على العربية وربنا يكفيك شرها
لو ما فيهاش تعب ممكن تعنلى تقرير عن العربية.........انا عارف ان العربية لسة جديدة بس ملاحظاتك تفرق جدا
وشكرا جزيلا:rfds:

اقتباس:

---

المشاركة الأصلية كتبت بواسطة attiahf

الف مبروك على العربية وربنا يكفيك شرها
لو ما فيهاش تعب ممكن تعنلى تقرير عن العربية.........انا عارف ان العربية لسة جديدة بس ملاحظاتك تفرق جدا
وشكرا جزيلا:rfds:

---

السلام عليكم --- اسف لطول الوقت بس عشان ظروف الشغل
بص انا عامل بالعربيه لحد دلوقتى 4000 كيلو --------- اهم ملاحظه الى الان البنزييييييييييييييييييين ------ حاجه يعنى عاوز اروح بيها التوكيل

العربيه مثلا فمسافات طويله بملاها بنزين وتاخد مثلا 500 كيلو بس --متهيالى كده قليل جدا المفروض على الاقل 700 كيلو ---

تانى حاجه سامع صوت بجوار الكوتش الشمال اللى ورايا يعنى وعاوز اشوف ايه الصوت ده -- هوا زى تزييقه يعنى كده بس بيبان اكتر وهيا على سرعه منخفضه جدا

ووانا طالع بيها فالاول صوت صغير فنفس المكان --عموما هروح التوكيل فصيانة ال 5000 وابقى اقول ايه الاخبار


بس نصيحهه --- خليك بقه فا 1600 عشان متهيالى بقه الفرق مش هيبقى كبير فالسحب خصوصا التانيه مانيوال

وكمان هتفرق فالترخيص جداا والبنزين كمان هيبقى اوفر كتير متهيالى -- والله لو كانت ظهرت قدامى ال 1600 لكنت واخدها بس قدر الله وماشاء فعل ممكن تكون خير برضو

وربنا يوفق ان شاء الله

وعاوز اعرف ال 1600 سعرها 80000 الف جنيه --- فرق بينها فالمانيوال ال 2000 حوالى 15 االف ---- ال 15 دول بقه فرق السى سى ولا ايه يعنى"؟ مع ان اللى شوفته من استهلاك البنزين وكمان الترخيص يشجعنى ع ال 1600 ده اولا ثم فرق السعر ده ليه عاوز افهم؟

انا عايز اعرف تشطيب ال1600 التيجو حالته عامله ايه والموتور تصنيع اي دوله هل هو صيني

اقتباس:

---

المشاركة الأصلية كتبت بواسطة yusuf2312

انا عايز اعرف تشطيب ال1600 التيجو حالته عامله ايه والموتور تصنيع اي دوله هل هو صيني

---

الماتور هو هو بتاع العربية 516 والكل عارف انة تصميم سويدى وتجميع صينى

عاوز اعرف يعنى الفرامل مكملتش 5000 كيلو بتصفر ليه بقه؟ انا الحكايه دى بكرهها اوى يعنى وبحس انى راكب ترماى لما الفرامل بتزيق --- ياريت اللى معاها تيجو يقولى هيا طبيعتها كده ولا عندى بس لانى شوفتها فال 516 بس قالولى فالتوكيل مش هتظهر فالتيجو بس ظهرت ياريت حد يفدنى ---

اقتباس:

---

المشاركة الأصلية كتبت بواسطة aboomarr

عاوز اعرف يعنى الفرامل مكملتش 5000 كيلو بتصفر ليه بقه؟ انا الحكايه دى بكرهها اوى يعنى وبحس انى راكب ترماى لما الفرامل بتزيق --- ياريت اللى معاها تيجو يقولى هيا طبيعتها كده ولا عندى بس لانى شوفتها فال 516 بس قالولى فالتوكيل مش هتظهر فالتيجو بس ظهرت ياريت حد يفدنى ---

---

ممكن يكون التيل عايز يتصنفر او التيل جيه عليه مية او رمل و دى اسباب تخلى التيل يصفر يا اما التيل نوعه مش حلو

هل عيب التصفير فى التيل واللا فى العفشة؟؟

هيا غالبا ممكن يبقى زى ماقال هاكر شوية ميه ع التيل لان التصفير قل شويه ------ لالا التصفير من الفرامل مش من العفشه انا كده كده قفلت 5000 وهروح التوكيل وابقى اقلكوا الاخبار

منتظرين ردك بعد زيارتك للتوكيل ؟؟؟؟؟؟؟؟؟

ويا ريت يا باشا تقرير مفصل عن الصيانة واللى حصل فيها