الموضوع: سؤال هام عن i30

1- هل يوجد وحدات رفع زجاج مع السنتر او لا في اول فئه اللي هي ب 102

نعم يوجد

2- ما هو نسبة استهلاك الوقود لهذه السيارة

نسبتها زى الألنترا بالظبط بس انا عن نفسى محسبتهاش قبل كدة بس الى بلاحظة ان مع القيادة الهادئة العداد بيتحرك ببطئ و مع القيادة العنيفة بتستهلك بنزين عالى ( و دة شيئ طبيعى )

3- هل قطع الغيار سعرها اعلى من الالنترا

هية هية الألنترا تقريبا

4- هل ظهرت اي عيوب او مشاكل للسيارة

معايا لم يظهر اى شيئ و لكن العيب الوحيد و قولتة قبل كدة انها واطية شوية و بتحك فى المطبات العالية و بالزات لو محمل

5- هل خدمات الصيانة في التوكيل جيده فيما يخص هذه السيارة

مثل باقى السيارات عادى جدا

مشكور يا فهد بجد على اجاباتك وياريت يا شباب اللي عنده معلومات تاني يقول لو في اي مشكلة ظهرت في العربية ولو انت بتستبم العربية زيرو بالذات العربية دي هتبص على ايه وتتاكد منة وياريت يا فهد تقولنا التكييف عامل ايه

يا باشا انا تحت امرك

بالنسبة للتكييف ما شاء الله ممتاز و بيسقع حلو اوى و بيأثر على السحب بتاع العربية و اى حد يقولك انه معاة عربية 1300 ولا 1600 و التكييف بتاعها مش بياثر على السحب اعرف كدة حاجة من الأتنين يا اما بيفشر يا اما مبيحسش بالعربية ! بس مش بيأثر الى هوة بيموتها يعنى لأ بس بيأثر

اةةةةةة و افتكرت حاجة كمان

بالنسبة للكاوتش بتاعها هوة صغير عليها فى رأى و مبيخليش فية Traction كويس فى الفرامل لأن عرضة 185 و فى رأى دة صغير اوى على عربية وزنها 1300 كجم و حتى و انت ماشى كدة بص على اى عربية I30 الفئات الأولى الى مفيهاش جنوط و حتلاقى كدة الكاوتش مش ماشى معاها تحس انه رفيع عليها
المشكلة بقى فى الموضوع دة ان مع الفرامل الجامدة ( الى هية مش اخر الدواسة يعنى بس جامدة شوية ) العجل بيصرخ و دة ممكن يعمل مشكلة و ممكن يخلى العربية تلف لا قدر الله لأن الموضوع دة كان حصل معايا و عرفت الم العربية الحمد لله و لو كانت عربية تانية كان زمانى عامل حادثة دلوقتى

الحل انك تركب جنوط و كاوتش عريض ( نفس المقاسات الى موصى بيها و تظبط الضغط زى ما مكتوب و سيبك من الفتى بتاع 28 و الكلام دة اظبطة على 32 زى ما مكتوب ) و لو تقدر تجيبها ABS يبقى 100 100 و على فكرة الفرامل بتاعتها قوية جدا ما شاء الله و كان فية مقارنة بينها و بين الجولف و ال I30 توقفت قبل الجولف ب 1 متر ( طبعا بال ABS )

و لو عندك اى استفسار اتفضل انا موجود