السلام عليكم،
اشتريت الياريس موديل 2008 مانيوال فول اوبشن و كانت زى الفل لحد صيانة ال 5000 بعدها ظهرت مشكلة غريبة اوى ياريت حد يفيدنى فيها
بعد ما عملت صيانة ال 5000 فى ابو رواش و طلعت بالعربية اخذت شوية مطبات زى ما انتو عارفين ابورواش بقى
حسيت ساعتها بصوت غريب ظاهر فى العجل الامامى وبيسمع فى الدريكسيون مع كل مطب لكن اللى قاعد جنبى ما بيحسش باى حاجة
المهم استنيت لحد ما عملت ال 6000 و بعدين اتصلت بالتوكيل علشان اشتكى من الصوت قالو لى هات العربية و تعالى
رحت وطلع معايا واحد فنى محترم و دغدغ العربية فى ابو رواش و بعدين نزل و قال لى عربيتك زى الفل يا باشا
قلت له انا مش جاى اهزر انا عندى مشكلة و لازم تحلها لى قال لى خلاص دخلها ضبط زوايا يمكن هى دى المشكلة ( 200 جنيه ) قلت له نعم !!!!
المهم مشيت من غير ما اعمل اى حاجة وانا زعلان جدا
وبعدين عملت اكتر من شكوى بالتليفون و الميل لحد ما اتصلوا بيا و قالو لى هات العربية تانى
رحت و طلع معايا مهندس من الدعم الفنى و دغدغ العربية تانى و فى الاخر قال لى عربيتك زى الفل بس اناحاسس ان فى حاجة فيبر قدام عايزة تتربط ممكن ندخلها و نبص عليها و بالفعل دخلت العربية و رفعوها و ما اعرفش عملو ايه بالضبط المهم قال لى احنا مع بعض و مافيش داعى تزعل من اى حاجة و لو عندك اى مشكلة حنحلها لك ياريت تجرب كدة و لو فى حاجة كلمنى على التليفون
مشيت بالعربية و الخلاصة الصوت ما راحش لكن قل بشكل ملحوظ
معظم الناس اللى استشرتهم قالو علبة الدريكسيون ولازم تتغير
مجموعة قالت شكوى محترمة فى جمعية حماية المستهلك
ارجو الافادة