-
مشاركتكم
انا عارف رايكم فى المنتدى فى العربيات الصينى بس لظروف اقتصادية انا اشتريت عربية ايديا 1000 سى سى بدون تكييف وحبيت اقولكم اخبارها اية
اولا انا محبيش اتكلم عنها غير بعد ما مشيت بيها 1800 كم وانطباعى عنها كلاتى :
من ناحية الشكل الخارجى حلو و التافيل الخارجى فعلا ممتاز يعنى 9/10 و الصاج مش خفيف
من ناحية الشكل الداخلى 8/10 و الخامات الداخلية 8/10 والعربية واسعة ومريحة من الداخل
ادائها على الطريق ممتاز من ناحية الثبات انا جيت بيها امبارح من القاهرة على 130 طول الطريق
ثباتها فى الملفات الغلسة يعنى 80 او90 درجة ممتاز لحد سرعة 90كم
استهلاكها فالبنزين من 350 الى 400 كم فى الصفيحة
عيوبها الى ملاحظها
1- العفشة بتاعتها ناشفة شوية
2- الموتور سحبة ضعيف بعد 120 مع ان ال rpm معداش 4000 والعربية اخرها 5000
3- الموتور صوتة بيعلى شوية بعد 120 بس بيوطى تانى بس متلاحظهوش الا لمل تحط ودنك معاة
اقفل الشبابك متسمعش حاجة خالص
طبعا انا ملمتش الموضوع كلة بس ال عندة استفسار يتفضل
-
الف مبروك و ربنا يباركلك فيها لو تقدر يا ريت تجيب لنا صورتها
-
-
ألف مبروك وربنا يباركلك فيها ويكفيك شرها
بس هى سعرها كام؟؟؟
-
هى سعرها 40000 بدون تكيف و44000 بالتكييف
وممكن تشوفوا الصور وكل البيانات الخاصة بها فى الينك
http://www.changhe-auto.com/product.htm
-
شكرا على التقييم و الف مبروووووووك العربية
-
أنا معايا شيرى a11 ولغيت دلوقتى زى الفل
- عاش الصينى
-
ألف مبروك يا أستاذ هشام :D ربنا يباركلك فيها ويديلك خيرها ويبعد عنك شرها.
-
الف مبروك و ربنا يباركلك فيها
هى انى واحدة ايديا 1 ولا 2
-
الف مبروك ممكن تقولنا ايه اخبار قطع الغيار توافرها واسعارها وايه اخبار مركز الخدمة ولو ممكن تعملنا مقارنة مابينها وبين الالتو اللى فى نفس السعر يبقى الف شكر
-
بالنسبة لقطع الغيار موجودة بمراكز الخدمة واسعارها مجربتهاش لحد دلوقتى لانى مغيرتش حاجة وصيانة الالف الاولى كان الزيت و الفلاتر جاية مع العربية ومعاهم فلتر هواء كمان بس انا لما سالت على اسعار قطع الغيار لما جيت اشترى قالولى تقريبا اسعر قطع غيار الدايو وانا جربت مركز الخدمة فى اسكندرية كانو ناس محترمة واول ما وصلت سالونى عن اى شكوى وقامو بعمل الصيانة ف حوالى ساعة ومشيت مع ان المركز الى فى اسكندرية معاة صيانة الكيا ايضا
ولو حبينا نقارن بينهلدا وبين الالتو حتلاقى ان الايديا اكبر من حيث الحجم بتاخد خمس افراد مستريحين وعربية عالية عن الارض علشان الشوارع بتاعتنا والشكل اشيك من الالتو وموتورها احدث من الالتو
-
-
Content Relevant URLs by
vBSEO 3.6.0 PL2