يا جماعة ، عايز مقارنة بين النيو اكسنت و الابترا
عرض للطباعة
يا جماعة ، عايز مقارنة بين النيو اكسنت و الابترا
الاوبترا اوسع وكماليات اكتر
وبالتالى سعرها اغلى
النيو اكسنت فى راى اسحسن لعدة اسباب
1-استهلاك بنزين احسن من الاوبترا اللاوبترا بستهلك بنزين كتير بصراحة
2-الثبات الللة واعلم مين احسن
3-السحب النيو اكسنت افضل
4-التوكيل الاتنين ازبل من بعض
5-قوة التحمل الاتنين كورى
6--الشكل الاتنين بيعجبونى بس انا افضل شكل النيو اكسنت
ولا اية ياستاذ حسام
استهلاك البنزين كويس جدا ومش كتير ولا حاجه
متوسط 200 كم فى الصفيحه
واخر مره حسبت الاستهلاك
قياده جوه البلد فى الزحمه و طرق سريعه على الدائرى بتوصل لسرعه 140 واوقات بحرق والتكييف شغال على طول
وعملت 180 كم ب 20 لتر , كدا يبقى عالى ؟ مع مراعاة ان عربيتى اوتوماتيك يعنى المانيوال تستهلك اقل
ثبات الاوبترا افضل وده نظرا لابعاد العربيه ووزنها
السحب مجربتوش فى الاكسنت بس ركبتها كتير جنب اللى بيسوق
والفرق يكاد لا يذكر بس طبعا الاكسنت اقوى ب 5 حصان
توكيل منصور احسن بكتير من غبور وانا اتعاملت مع الاتنين كتير وفى كذا عربيه
اوبترا افخم واجمل فى الشكل
وكفاية ان منى زكى عامللها اعلان :)
الاوبترا افضل واشيك
انا حاقولك مميزات وعيوب الاوبترا ولكن انا معنديش معلومات كتير عن النيو اكسنت ...
اولا المميزات
1- الموتور قوى جدا وناعم والسحب ممتاز ...
2- الثبات حتى 150 معقول جدا وانا جبت بيها 190 على طريق الساحل ....
3- التابلوه شيك جدا من خامات ممتازه وايضا بها بدرج التابلوه فتحه لتبريد المشروبات .
4- صالون واسع ومريح جدا فى الجلوس والكنبه يستعملها ( 3) مقاس xl .
5- توكيل منصور كويس بنسبة 75 % ( راى الشخصى ) ..
6- عفشه ممتازه افضل من النوبيرا بكتير ...
7- الشكل الخارجى للسياره شيك جدا ( ازواق ) ..
قبل مااتكلم عن العيوب احب اقول ملحوظه ان انا حتكلم عن عربيه ماشيه 75000 الف كيلو وموديل 2005 عشان لما اقول عيب معين مايطلعش واحد يقولى انا عند العربيه مافيش فيها اللى انت بتقوله وتكون عربيته ماشيه 20 الف مثلا اتفقنا نبداء بسم الله ....
ثانيا العيوب
1- السياره بتسخن كتير ودى سببه قربه المياه و عموما التوكيل بيغيرها بدون مقابل ..
2- فرامل السياره على السرعات العاليه من جامده ولكن حتى 150 كويسه ...
3- صاج السياره ضعيف لايتحمل البارومه ( الصداء ) وتم تغير 2 رفرف امامى وعتب السياره فى التوكيل ..
وفى النهايه احب اقول لحضرتك ان الاوبترا افضل كتير من الاكسنت و ربنا يوفقك الى الاحسن ان شاء الله ..
.
النيو اكسنت افضل وتجربه عملاء التآجير بالسعوديه وهى
الاوبترا تسحب بنزين بشكل عالى
تسخن بسرعه
الفوانيس الاماميه بسرعه تتحمص مع الحرارة العاليه وعدم وضعها فى اماكن ظل او جراج او بتشبر وحلها تغيير الفانوس
بالنسبه لحجم الصالون تجد فتحات التكييف صغيرة جدآ
كاسيت زى ايام زمان شرائط
النيو اكسنت
شكلها وتصميمها رائع
سحب قوى وريسبونس عالى فى الاتوماتيك
سحب البنزين اقل بكثير من الاوبترا طبعآ
تكيف ثلاجه وفتحته اكبر وتشعر بيه بسرعه عند التشغيل
العربيه ما بتسخن
جودة عاليه
الاوبترا اوسع واكثر ثبات وتوكيل محترم
الأوبترا أحسن بكتير , عفشة وموتور ومساحات 100%
الشكل و الفخامة لصالح الاوبترا
الوسع الداخلى و مساحة الشنطة لصالح الاوبترا
الثبات : الاوبترا تتفوق بفارق ضئيل على النيو اكسنت فى الثبات
الموتور : موتور النيو اكسنت اقوى و انعم و تسارع اعلى و تكنولوجيا اعلى .
استهلاك البنزين : لصالح النيو اكسنت .
الاوبشن : واحد فى الاتنين باستثناء المرايات الكهرباء زيادة فى الاوبترا و الكاسيت ال mp3 زيادة فى الاكسنت .
جودة التقفيل : الاثنين تقفيلهم جيد - نفس المستوى .
قطع الغيار : النيو اكسنت ارخص
التوكيل : الاتنين زى بعض - مع محاولات جاهدة و ملحوظة من غبور لتحسين صورتة و مستوى الخدمة فى الفترة الاخيرة .
لو انا قدامى العربيتين و قالولى اختار واحدة ببلاش .... هختار الاوبترا
لكن لو هشترى اختار النيو اكسنت ... لان فرق السعر ميساويش الفرق بين العربيتين
دى اسعار كان تفضل الاخ buzzy و قال عليها قبل كدة
1 فلتر زيت 33
2 فلتر هواء 60
3 فلتر بنزين 220
4 سير دينامو 55
5 سير تقسيمة 217
6 سير تكييف 59
7 كشاف أمامي 830
8 كشاف خلفي 500
9 تيل أمامي 280
10 تيل خلفي 270
11 اكصدام أمامي 850
12 اكصدام خلفي 825
الحاجات دى كورى - فى حاجات صينى صعب تفرقها عن الاصلى و ارخص بكتير خصوصا الاكصدامات و الكشافات .
السلام عليكم يا استاذ عزت
ياريت بس اعرف من حضرتك استهلاك البنزين فى النيو اكسنت عشان معرفوش
انا معايا اوبترا اوتوماتيك واخر مره حسبتها عملت 180 كم فى 20 لتر وكنت مشغل التكييف على طول والسواقه اوقات فى الزحمه واوقات على سرعات عاليه مع الاعتبار ان انا اوتوماتيك يعنى استهلاكى اكتر من المانيوال
الاوبشنز فى الاوبترا اكتر فى كذا حاجه مش مرايات كهربا بس
فوج لايت + حامل اكواب + جراب نظاره + مسند يد + نور ستوب خلفى + فتحة تكييف فى التابلوه + الكاسيت صحيح شرايط بس لكن فيه فتحة aux وبيتوصل باى حاجه
وبالنسبه لقطع الغيار فانا معنديش فكره عن اسعار كل قطع الغيار للاوبترا
بس اللى اخدت بالى منه انه ارخص من الاكسنت
فلتر زيت ب 25 - فى الاكسنت ب 33
تيل فرامل امامى ب 225 - فى الاكسنت ب 280
وطبعا برضه الحاجات دى الكورى الاصلى اللى فى التوكيل
وممكن تجيبها من بره كورى واصلى بس ارخص
يعنى تيل الفرامل اللى ب 225 ممكن تجيب اخوه من بره ب 100 جنيه وهو هو
و عليكم السلام
ازيك يا استاذ حسام
بالنسبة لاستهلاك النيو اكسنت جوة البلد من 230 الى 250 دة فى المانيوال و اسلوب قيادة مش هادى خالص
يعنى لو مبتحرقش على الغيار و ماشى براحتك تعمل اكتر من كدة .
بالنسبة للاوبشن الاكسنت بردة فيها كل الحاجات اللى حضرتك قولتها ( حامل الاكواب و المسند و جراب النظارة و الاستوب الخلفى ) باستثناء الفوج لايت يبقى كدة الفرق بقى المرايات و الفوجات .
بالنسبة لقطع الغيار انا بصراحة معلوماتى قديمة شوية مش عارف بالضبط الاسعار دلوقتى عاملة اية عشان كدة استعنت بمشاركة قديمة لأحد الزملاء .. هحاول انشاء اللة اجيب الاسعار الفعلية .
انا من وجهة نظرى النيو اكسنت+10000 =احسن من الاوبترا
اوبترا اجمل
انا افضل الاوبترا لانها افخم و اوسع و ثباتها افضل و كمان كماليات اكتر
و كمان في نقطة مهمة
النيو اكسنت تغور من وش غبور:3mla:
اكتر شي عاجبني هي الحملة الاعلانية دي اللي حضرتك عاملها في المنتدي يا استاذ محمد :C_laugh[1]:
بصراحة احييك:C_laugh[1]:
لان الاسلوب مستفز عن جد
الانسان لازم يكون حيادي في ارائه عن هيك مش هجوم علي اي عربيه مش هيونداي و خلاص
انا مفيش حاجة تستفزنى الا ان حد يتعمد استفزاز الناس لمجرد انه عايز يثبت ان عربيتة احسن عربية و ان الناس اللى مركبتش هيونداى راكبة عربيات كارو... كل ما تيجى سيرة اى حد حيشترى عربية يدخل يقول دى فيها كذا و كذا و دى عربية تعبانة و معفنة و حرام فيها الفلوس... انما الهيونداى... يا سلاااااام... مفيش احسن من كدة... شياكة ايه و تكنولوجيا ايه و حاجة من الاخر
ماشى انت بتحب الهيونداى... قول مميزاتها... و عيوبها... و محدش هنا نايم على ودانة ولا جاى من كوكب تانى عشان يصدق اول بقين حد يرميهم و يجرى... كل الناس عارفة ميزات و عيوب كل عربية بالتالى "تلميع الهيونداى الزائد" و "تطليع القطط الفاطسة فى العربيات التانية" مش حيوصل اى حد لاى حاجة مفيدة
و الكلام الغير منطقى وصل الى انه بيقارن الهيونداى بسوبارو و بيقول الكورى تفوق على اليابانى... فاضل شوية و يقول الهيونداى الكوبية تطلع من الM3
من حق كل واحد يحب عربيتة... انما مش من حق اى حد يقولى "عربيتك زبالة"... و النصيحة الصادقة و الامانة فى المشورة حنتحاسب عليها يوم القيامة... و زى ما عملك الصالح بيكسبك حسنات بعد ما تموت... عملك الرضى حيحملك سيئات بعد ما تموت فا الموضوع مش مستاهل تخش النار عشان هيونداى
MMamdouh
1. الأوبترا هاى لاين (جنوط 15,عفشه سبور , ABS, 2 Airbags , Multifunction)
2. ماتقارنش اوبترا ب نيو اكسنت
3. الأوبترا فعلا بتعمل 180كم فى الصفيحه فى وسط البلد و 250 كم فى الصفيحه فىالطرق السريعة (ده بالنسبه للأوتوماتيك مع تكييف)
250 كيلو فى عشرين لتر جوة البلد وممكن ازيد كمان اية هيجيب 300 كيلو امال لو على طريق سريع هاتعمل كام 1000 كيلو لا وبيحرق على غيارات وتكيف شغال ,ليها فيها ماتور 100 سى سى ,دة كلام يعقل يعنى لو مسافر اسكندرية اروح وارجع بعشرة لتر بس يابلاش
الاوبترا المانول بتعمل 220 كم فى الصفيحة جوة البلد و على الطريق السريع بتعمل270 مع التكيف عن تجربة و 310 من غير التكيف
شوف انا بعمل جوة البلد فى الصفيحة فى حدود 180 لتر وعلى الطريق السريع بيبقى المعدل احسن من دة بكتيرررررررررررر بس محسبتوش لكن 220 دية مش كتير شوية يعنى قول 200 جوة البلد معقولة
New Accent