السلام عليكم و رحمه الله وبركاته
اكتر من مره اتكلمنا فى موضوع تصميم السيارات فى مصر وان المشروع صعب يتنفذ
و احد الاعضاء الكرام عمل موضوع عن قسم التصميم الصناعى فى الجامعه الالمانيه
واستغربت من ان محدش ذكر قسم التصميم الصناعى اللى فى كليات الفنون التطبيقيه(جامعه حلوان و جامعه المنصوره)
مع ان الكليات دى اقدم من الكليه اللى فى الجمعه الالمانيه طبعا مع فارق الامكانيات و الدعم و الاشراف الفنى فى الجامعه الالمانيه عن كليه حكوميه زى كليات فنون تطبيقيه :36_1_50[1]:
المهم :049:
احنا فى كليتنا (فنون تطبيقيه جامعه المنصوره)السنه دى هيتخرج فيها اول دفعه من الكليه باذن الله وذلك لان الكليه لسه جديده (مفتوحه من 5 سنوات فقط) يعنى دى اول سنه يبقى فيها دفعه بكالوريوس)
و قسم التصميم الصناعى فى الكليه مشروع تخرجه عباره عن تصميم 4 هياكل عربيات و تنفيذها و هتتحط على شاسيه عربيه تانيه بعد اجراء التعديلات التصميميه الازمه فى الشاسيه عشان يستوعب الهيكل الجديد
المشروع صعب جدااا و مكلف جدا جدا (الطلبه كل واحد فيهم دافع مبلغ كبير (تقريبا 4000 الاف جنيه ومش متاكد من الرقم)
انا جبت ليكم حبه صور للمشروع بعد 3 شهور من بدايه العمل فيه ولسه طبعا مخلصش