انا موجود في مصر الجديدة
عايز حد يدلني على مكان اغسل في العربية غسيل شامل يكون كويس واسعاره كويسه
أروح فين؟
عرض للطباعة
انا موجود في مصر الجديدة
عايز حد يدلني على مكان اغسل في العربية غسيل شامل يكون كويس واسعاره كويسه
أروح فين؟
محطة بنزين شل بالكوربة - ش هارون
عملت عربيتي (ميجان) من شهرين غسيل الصالون أيضاً غسيل جاف و الموتور جاف
كله ب (110) جنيه .
فين يا باشا شل الكوربة بالظبط عشان مش واخد بالي ...
يعني جنب ايه مثلا؟؟؟؟
من عند الحرية مول ادخل ش نزيه خليفة و ضهرك للكنيسة و المول شمالك
ناصية تقاطع نزيه خليفة مع هارون
تمام يا باشا عرفتها الف شكر
طيب مش كتير المبلغ دة غى غسيل عربية ولا اية
غسيل جاف يعنى بيعمل ايه ؟ اصل انا مش مستوعب هو مجرد نضف الفرش ولا عمل ايه تاانى ؟
انا بعمل العربيه كلها من جوا بمكانس وبعدين ينفخو هوا علشان التراب يطلع من الاماكن الضيقه وبعدين تنضيف للفرش بالمكانس وغسل الدواسات والتابلوه والعتب وكله وبدفع 10 جنيه فى كالتكس عباس العقاد
وبخرج بيها من جوا اجيبلها معطر جديد وكانها لسه خارجه من المعرض
بعد نفخ الأتربة و الشغل بالمكنسة , العربية بتتغسل و تطلع على الكوريك لغسل الشاسيه غسلة محترمة
بتتنشف و تدخل الباكية لغسل الموتور بسائل خاص بيترش على فوطة و العامل بيفلّي الموتور حته حته و يسيبه ينشيف .
يدخل على الصالون برضه بفوطة تانية و سائل تاني و برضه بيفلّي الصالون بالفرش(كراسي و أرضية) بكل زخانيقه و فتحات التكييف و طبعاً القوايم الستة و أذرع (الإشارات و المساحات) و دواسة البنزين و الفرامل و كل ما يخطر على بالك داخل الصالون .
يرجع يطوّق الموتور بفوطة تالتة على كل اللي عمله , و كذلك الصالون بفوطة رابعة ,اللي اتعمل في الصالون بيتعمل في الشنطة .
:Oc_sun1[1]:
على فكرة شل اللي أقصدها فعلا تقاطع نزيه خليفة مع نهاية هارون الرشيد و بداية دمشق
شكرا جزيلا على ردك يا بشمهندس خالد
بالنسبه للمبلغ كدا يعنى بقا معقول شويه مع انى شايف انه ما زال غالى برده
يعنى مثلا فى التنضيف من جوا بيحصل كل اللى حضرتك قولت عليه ده عدا ان السائل انا اللى جايبه معاى بينضفو بيه واخليه معاى تانى وب 3 جنيه لكل عامل بخليه يمسك الصالون حته حته لانى ببقا محسوك اوى فى نضافه الصالون
يمكن غسيل الموتور والشاسيه هو اللى بيبقى غالى كدا الا انى فى مغسله قريبه منى لما بحب اغسل فيها بغسل الموتور بفوم وبغسل الشاسيه برده العربيه بتترفع وبتاع ثلث ساعه غسيل شاسيه وبدفع 30 جنيه
الصالون بالطريقة اللي حكيتها لك ب(80) جنيه
فيه جراج في سفير خلف محطة مصر للبترول نشاطه كار كير
بيعمل الصالون بنفس طريقة محطة شل ب(100) جنيه
:k17:
انت قصدك الغسيل العادي بالميه و الصابون
هو قصده الكار كير
الفرق عامل بالظبط زي ما تغسل بدله في البيت او انك تروح توديها دراي كلين يطلعلك كل البقع اللي فيها و يرجعهالك جديده نوفي
هو فعلا سعر الكار كير عموما اغلي من الغسيل بتاع البنزينه
بس الفرق في المواد الكيماويه و المنظفات الخاصه اللي فعلا بتنضف فرش العربيه تماما
[marq="3;right;3;scroll"]
الله ينوّر يا دكتور / أمير
[/marq]
ااااه مش تقول يا باشا كار كير
كدا دخلنا فى موال تانى والمبلغ بقا معقول
منا علشان كدا كنت بسألك بيعمل ايه تانى انت قولتلى بيستعمل سائل تنضيف وبس بيمسح عادى بعد ما ينضف فعلشان كدا استبعدت فكره الكار كير
لو تحب تغسل العربيه وتعمل كار كير متميز
عندك محطه موبيل مصر الجديده امام المحكمه
لو تحب انا مستعد اعملك خصم 40 % علي اي حاجه عايز تعملها في العربيه وكمان ياسيدي انا هاغسلك العربيه مجانا عشان معايا كارت عضويه لو تحب راسلني علي الخاص وانا تحت امر اي عضو يحب يعمل كار كير
كار كير عندهم بكام ؟
الحقيقه الاسعار مش غالي اوي بس بيقدم خدمه متميزه يعني انا مره جربت رش البرفان كان جامد جدا قعد في العربيه شهر بظبط (ريحه دانهيل طابعا اكيد عارفين الريحه دي جامده جداااا) دي بتتعمل قبل الخصم في حدود 40ج اما لو معاك الكارت بتتعمل 21 ج فقط وفي خدمات كتير مثل تلميع الجنوط وتمليع الاكصدمات
وكمان مع كل متعمل حاجات كتير بتاخد جوايز ان مره عملت (واكس )مجانا وممكن تكسب دواسات وحاجات كتير
انا تحت امر اي اخ يحب يجرب البنزينه
واسف علي الاطاله
طيب مافيش مكان بيعمل كاركير في المهندسين
بنزينة التعاون في ميدان سانت فاطيما - غسيل برة و جوة فوم ب 25 جنية ....
و فيها أماكن كتيرة للغسيل يعني مش هتسني كتير ....