مفاجئة للى ناوى على اسبرانزا a113

**khaledazizeg** · 26-05-2009 01:51 PM

المشاركة الأصلية كتبت بواسطة mohamedfawzyhassan

هيا مش العربيه دى بتاعت اخو حضرتك اللى كنت عمال تشتم فيها و تقول انها مفيهاش اى مميزات
وان كلها مشاكل ( ساعتها قلت انه عامل بيها 15000)

و مش حضرتك برضه يا استاذ حسام اللى كنت محتار ما بين البونتو شويه و الانوس شويه وبعد استشاره الأعضاء و مساعدتهم لييك قررت تشترى نيو اكسنت

الا صحيح هوا حضرتك دفعت كام للأعضاء علشان النصائح اللى افادوك بيها ؟؟؟؟؟؟؟

انا ماكنتش متابع معاكم الموضوع داه من أوله
بس بصراحة عجبنى أوى كلام حضرتك
تقبل مرورى المتواضع

**khaledazizeg** · 26-05-2009 01:55 PM

المشاركة الأصلية كتبت بواسطة mohamedfawzyhassan

1-

ربنا يخليك لينا يا محمد يا ممدوح :k49:

استاذنا العظيم المهندس محمد ممدوح
بصراحة عمروا مأتأخر علينا فى سؤال وبصراحة اما كان معايا اللانوس كان دايما بيساعدنى وبيساعد كل الى عنده مشكلة
ربنا يكرمة يارب ويخليه لينا يارب

**tutankhamoun** · 26-05-2009 07:38 PM

هي الناس محتدة قوي كدا ليه على صاحب الموضوع ؟؟؟؟

فيه فرق أن الناس تدخل تسأل ........ و ناس تانية تجاوب ...... و دي عادي أغلب الناس معندهاش مشكلة أنها تجاوب .

إنما تجربة العربية على الواقع هايديك أنطباع أولى عن العربية و عن أدائها و محدش قال أن ربع ساعة هاتحدد مميزاتها و عيوبها ......
و لا حتى شهر كامل يحدد مميزات عربية و عيوبها .

و لذلك الشركات بتعمل حاجة أسمها ..... test drive
و لكن بما أن مش كل الشركات بتعرض الخدمة دي في مصر .
الراجل شايف أنه ممكن يساعد الأعضاء بتأجير عربيته لمدة ربع ساعة مقابل مبلغ زهيد من المال و هو 30 جنيه .

يعني أنا لما أروح أجرب العربية بتلاتين جنيه ......... و لا أروح أشتريها على عمايا ب50 ألف جنيه ؟؟؟؟؟

الأسئلة الكتير و الأجوبة من أصحاب الخبرة عمرها ما هتدي أنطباع زي السواقة .

و بقول لصاحب الموضوع ربنا يفتح عليك و يرزقك من الحلال و أحييك على هذا الموضوع و هذه الجرأة أنك تعمل قرش حلال من شئ أنت بتمتلكه .

مش عيب يا جماعة ان الراجل يطلب مقابل مالي لتأدية خدمة مادية لزملائه .

التقييمات المكتوبة مالية المنتدى و الموقع هنا و بالتالي عرض تجربة العربية على الواقع هايساعد من يرغب بشدة في تحديد وجهته في شراء السيارة من عدمه .

**akram2010** · 26-05-2009 07:52 PM

السلام عليكم ورحمة الله وبركاته
من الاخر انت بتشغل الربع ساعه عندك ب 30 ج ... اصحاب العقول فى راحه ولا كآننا فى عرض سيرك
اخى الكريم اى سيارة حتى لو شاهين ولا لادا تلاقيها ميه ميه ... نجاح السيارات بعد استخدام عملى من اشخاص كثيرة ومع الوقت تتعرف مميزتها وعيوبها ... اى عربيه جديدة تلاقيها حلوة الفرق مع الاستخدام مرة بسفر طويل مع تحميل مع تكييف ومرة جوة البلد ومرة لما تصطدم منك وتلف على اصلاحها وتدوخ على قطع غيارها وما تلاقى حاجات وتلاقى حاجات وغاليه جدآ لاتتناسب لامع اسم ولا سعر السيارة ال معاك ... فالموضوع ليس افكار لجمع المال 30 من كل واحد ويقول حلوة اشترى زيها دة مو ساندوتش شاورما دة عربيه

**Mostafa Hessen** · 26-05-2009 11:12 PM

يا جماعة كل واحد حر

وبين البايع والشارى يفتح الله

**Khalid_Mostafa** · 27-05-2009 08:38 AM

المشاركة الأصلية كتبت بواسطة humhum

انا مش فاهم الناس كلها محسساني ان الراجل يعمل 10 مليون دولار من ورا ال30 جنيه
ده احنا شعب عسل والله
افرض ان اخونا خلى 100 واحد يجربوا عربيته ، ح يعمل كام ؟؟ 3 آلاف جنيه ؟؟؟ ويا ترى ح يصلح عربيته بكام بعد ال100 رجل ما داسوا فيها ؟

وثروة بالحجم ده تخليه يروح يهرب على اوروبا ؟؟ ولا ح يشغلها في السوق السودا ؟

يا جماعه اتقوا الله
والله احنا شعب جميل ، ناصحين قوي في الهايفه
30 جنيه ايه يا عم !!! يا لص البنوك !!! يا عديم الإنسانيه !!! مفروض تعرض عربيتك للتجربه بالمجان !!! وتدي كل واحد 30 جنيه كمان !!! يا بتاع الصيني يا عميل شنجهاي !!!

انا بقترح اننا نشنق الشاب المصري ده في ميدان عام
لأنه تجرأ وعرض عربيته - مجرد عرض - للإيجار والتجربه ب 30 جنيه !!!! 30 جنيه بحااااااااااااااااالهم !!!!! 30 جنيه المفتري !!!!!!

على فكره
اعرف شعب من سنه كده قالوله ح نديك علاوه 30% ، صحي الصبح تاني يوم لقى لتر البنزين ب175 قرش ومفتحش بقه

بس برضه
الخاين لازم يموت !!!!

هع هع هع ....جبت الفايده من الأخر ....فعلاً محسسنا انه من نواب القروض مع ان كل واحد فيهم بيروح يضحك عليه في التوكيل في مش اقل من 100 جنيه و محدش بيفتح بقه

**compuland** · 27-05-2009 10:05 AM

المشاركة الأصلية كتبت بواسطة humhum

الناس متحفزه قوي للراجل
رغم انه بيعرض عرض عادي جدا
ما انا بشوف ناس كتير عارضه سياراتها للبيع بأسعار مبالغ فيها جدا ، ورغم كده بقوله الله يباركلك
انما هنا
الراجل عارض عربيته للإيجار بسعر مش بطال ، لأن معتقدش انها ح تكون ربع ساعه بالثانيه ، ولأن فيه استهلاك بنزين ، وفيه ثمن للمخاطره بعربيته ، ممكن تعمل حادثه ، ولأن من حقه يكسب فلوس بالحلال
لكن
عشان احنا في منتدي ، ومحدش شايف التاني ، بنكون حادين قوي في الرد
وكل واحد فينا شايف انه صح
على اي حال
تحياتي لصاحب الموضوع ، وواضح انه انسان محترم ، عايز يكسب فلوس بطريقه حلال ومحترمه ، وفي نفس الوقت بيوفر خدمه ممكن يكون حد محتاجها ، وانا بشجعه من كل قلبي

كلام مضبوط
وفعلا الواحد ممكن يجربها لان التجربه على الطريق غير الفرجه فى المعارض

-

-

الموضوع: مفاجئة للى ناوى على اسبرانزا a113

LinkBack

أدوات الموضوع

عرض

-

-

المواضيع المتشابهه

اسبرانزا a113

انا ناوى اشترى a113؟

تظبيط اسبرانزا a113

مساعده في اسبرانزا a113

ناوى اشترى A113

الكلمات الدلالية لهذا الموضوع

المفضلات

المفضلات

ضوابط المشاركة