جيتا خليجى ولا BMW116i ؟؟؟

السلام عليكم ورحمة اللة وبركاتة
انا خلاص الحمد اللة هغير العربية الى معايا لانسر بومة 2006 1300 خليجى هاف اوبشن يعنى فيها كل حاجة بس 1300 ما عدا سبويلر وعتب بس كدة وكنت عايز اجيب عربية من الاتنين دول ومحتار جدا
يا اما bmw 116i بس طبعا هتبقة اقل فئة الى هيا المانيوال الفاضية خالص ودى ب 199
والجيتا الخليجى الكاملة لانى بحبها اكتر من المصرى الى فيها فوانيس لنيس بزينون وهاجيب الفئة الى قبل الاخيرة قبل ال comfort علطول فيها كل حاجة ما عدا الفرش الجلد والسينسور الامامى والشيفت بتاع الدركسيون وكل دا مش فارق معايا

ملاحظة انا راشق فى الجيتا بتاعت واحد صاحبى علطول كل يوم وبس مسقتهاش خالص احساسى بالعربية صالون جامد جدا عارف انة احسن من ال بى ام ميت مرة ولاكن كعربيسة حاسس انها متفرقش عن الانسر سواء كعفشة فى المطبات الاستابلتى بتاعت العربية عادى جدا موتور ضايع بمشى جامبة باللنسر حوالى 10 ثوانى وبعدين يبتى يفرق يعنى الخلاصة العربية كا اداء انا عارف انها تعبانة
البى ام معرفش عنها اى حاجة

فا رايكوا اة اجيب عربية بى ام فيها اداء بس فقيرة جدا فى كل حاجة
ولا جيتا صالون جامد جدا ومنظر خارجى جامد جدا بس اداء جربان

محدش من صحاب الجيتا يزعل من انى بقول كدا عليها بس هيا فعلا مقارنتا بعربية اداء فهى تعبانة جدا على الاقل مع المقارنة بالعربيات النظيفة
والف شكر ليكوا ورجاء سرعة الرد ومعلش طولت عليكوا
سلام عليكوا


-----------------------------------
تم تغيير إسم الموضوع ليتناسب مع المحتوى
مشرف القسم
-----------------------------------

اخى الحبيب انا لا املك الجيتا كى ازعل ولكن والفضل لله انا ليا باع كبير جدا فى دنيا السيارات وارى ان تقيمك على الجيتا غير عادل ولكنى التمس لك العذر فيما تقول لان لك اسبابك والتى لا تعرفها انت نفسك وهى
ركوبك للسيارة اليابانى مثل الانسر اعطى عندك انطباع اليابانى وهو ما يتميز بالنعومة الفائقى فى صوت الموتور وسرعة تجميع الموتور معاك بالذات فى السرعات الاولى وطبعا ده العكس تمام فى السيارات الامانية التى تحظى بصوت موتور يعتبره راكبى اليابانى والفرنساوى عالى جدا مقارنة بصوت محركاتهم الهائة والناعمة ولكن هذا يرجه لقوة الموتور الامانى والمحترفين من راكبى السيارات يتمتعون بسماع اصوات المحركات ذات الباور العالى وبالنسبة للسحب ايضا معروف ان الامانى ضعيف السحب قليلا عن المواتير الايابانى والفرنساوى ولكن باور الماتور يظهر فيما بعد عندما يخسع اليابانى والامانى لسه على الثالث ,,, هل عمرك شوفت زلمكة بتسحب كنب اى سيارة اخرى وبالذات اليابانى لا مقارنة تماما فى السحب لازم اليابانى يكسب ولكن هل رايت تلك الزلمكة على مصر اسكندرية الصحراوى وهى على سرعة 200 ولا يهتز لها جريدة اما اليابانى اذا وصلت الى السرعة دى قول على الدنيا السلام يا صاحبى
اخيرا حتى لا اطيل عليك ركوب الامانى يختلف كثيرا عن اليابانى فى كل شئ وخاصة ان عفشة الجيتا رياضية فتشعر انها غير سلسة وخشنة ولكنها اعلى ثباتا من غيرها فى اليابانى طبعا وهذا ليس بشهادتى انا ولكن لعمالقة السيارات
واخيرا السيراة جيتا عالية الجودة وقيمتها المالية عالية للا تتاثر كثيرا كمثيلاتها وسيارة قوية ومريحة ويعتمد عليها فى كثير من الاحوال وربنا يكرمك ويهديك الى الخير لك واستخر الله وعليه توكل

اقتباس:

---

المشاركة الأصلية كتبت بواسطة ahmedrefatzm

اخى الحبيب انا لا املك الجيتا كى ازعل ولكن والفضل لله انا ليا باع كبير جدا فى دنيا السيارات وارى ان تقيمك على الجيتا غير عادل ولكنى التمس لك العذر فيما تقول لان لك اسبابك والتى لا تعرفها انت نفسك وهى
ركوبك للسيارة اليابانى مثل الانسر اعطى عندك انطباع اليابانى وهو ما يتميز بالنعومة الفائقى فى صوت الموتور وسرعة تجميع الموتور معاك بالذات فى السرعات الاولى وطبعا ده العكس تمام فى السيارات الامانية التى تحظى بصوت موتور يعتبره راكبى اليابانى والفرنساوى عالى جدا مقارنة بصوت محركاتهم الهائة والناعمة ولكن هذا يرجه لقوة الموتور الامانى والمحترفين من راكبى السيارات يتمتعون بسماع اصوات المحركات ذات الباور العالى وبالنسبة للسحب ايضا معروف ان الامانى ضعيف السحب قليلا عن المواتير الايابانى والفرنساوى ولكن باور الماتور يظهر فيما بعد عندما يخسع اليابانى والامانى لسه على الثالث ,,, هل عمرك شوفت زلمكة بتسحب كنب اى سيارة اخرى وبالذات اليابانى لا مقارنة تماما فى السحب لازم اليابانى يكسب ولكن هل رايت تلك الزلمكة على مصر اسكندرية الصحراوى وهى على سرعة 200 ولا يهتز لها جريدة اما اليابانى اذا وصلت الى السرعة دى قول على الدنيا السلام يا صاحبى
اخيرا حتى لا اطيل عليك ركوب الامانى يختلف كثيرا عن اليابانى فى كل شئ وخاصة ان عفشة الجيتا رياضية فتشعر انها غير سلسة وخشنة ولكنها اعلى ثباتا من غيرها فى اليابانى طبعا وهذا ليس بشهادتى انا ولكن لعمالقة السيارات
واخيرا السيراة جيتا عالية الجودة وقيمتها المالية عالية للا تتاثر كثيرا كمثيلاتها وسيارة قوية ومريحة ويعتمد عليها فى كثير من الاحوال وربنا يكرمك ويهديك الى الخير لك واستخر الله وعليه توكل

---

مش عارف أقولك حاج تانى بعد الى تقال الله ينور عليك

الف شكر يا اخى على ردك بس انت اولا مردتش على سوالى ثانيا انت دافت عن العربية بدون ان تبرز اى ميزة فيها يعنى قلتلى بطيئة فى السرعات العالية صوت موتور عالى وانا عارف انها كمان مش بتجمع فى السرعات العالية واخرها 180 ويعنى مش المان التام وانت ماشى على السرعة دى يمكن احسن من الانسر شوية انا مش بقول عربية وحشة انا بقارنها بالبى ام وانت مقولتش اة رايك وباقرنها با لانسر وبقول انها احسن طبعا بس متبقاش ضعف السعر كا اداء على الاقل بعدين الجيتا لمعلوماتك مش من ضمن الالمانى يعنى وبما انت جيت تقول بتقول مرسيدس يا عم حد جاب سيرة المرسيدس وهوا حد هيجادل فى دى كمان انا والدى معاة الe200 رغم انها الاديمة ام العيون لاكن ما شاء اللة عليها ومفهاش اى حاجة من الى بتقولة دا سحب جامد موتور هادى جدا طول ما انت ماشى براحة بمجرد ما تدوس تسمع اصوات غريبة والعربية بتبدا تنطلق تكيف تلاجةةةةةةثبات هايلل
من الاخر رايك جيتا ولا 116
والف شكر ليك

جيتا بالثلث البى ام مش هتاخد منها أى حاجه غير أنك أسمك راكب بى أم وخلاص لكن فولكس هتديك حاجات كتير وانت بنفسك قلت الكلام ده دا غير تكلفه الصيانه الى هتبقى أعلى وخصوصا كمان أن حضرتك بتتكلم فى فئه منتشرتش فى البى أم دا عكس الجيتا الى حاسيس أنها عملت غزو للشارع

الجيتا فئه اعلى من البى ام (كا كاتيجورى)
العربيه فيها كماليات كتييييير مقارنه ب البى ام
تجميعها و سحبها ممتاز ولا يقل عن البى ام
ثباتها هايل و على فكره سرعتها القصوى اكتر من 200
فتيسها 6 سرعات اماميه وواحده خلفيه DSG
فيها abs+ebd+10airbag
و كفايه انها واخده best selling german sedan in usa

حضرتك جربت تسوق الجيتا ؟؟؟؟؟؟ انا متأكد ان الاجابه لأ ...انا معايا لانسر 1600 سبورت 2008 و جيتا 2009 الفئه اللى انت بتقول عليها .....مش هقولك غير ان الجيتا مينفعش اصلا تتقارن بالانسر فى اى حاجه!!!!......العفشه فى الجيتا احسن بمراحل ...الثبات لا يقارن باللانسر (اللانسر ثباتها كويس بالنسبه لليابانى )....مش هاتكلم على فرق العزل و لا فرق الفرامل و لا الاوبشنز بين العربيتين ...فى السحب ممكن الانسر (اللى هى معايا كمان 1600) تطلع لغايه 80كم فقططططططططط بعد كدا الجيتا وحش على الطريق ...على السرعات مفيش حاجه هتسد معاها...ياراجل كفايه لما اسافر بيها برجع مش طايق اركب اللانسر ....و هى احسن من البى ام بمراحل (رأى شخصى )و نصيحه اركب العربيه دى على طريق و شوف السحب و الثبات و العزل و هتقرر

الف شكر يا جماعة على ردودكم
بس مينفعش خالص اننا نقول انها احسن بمراحل احسن من حيث اة وبعدين انا شايف الناس كلها بتقارن با لانسر يا جماعة واللة انا بقارن بابى ام مش با لانسر لحنا لو هنعمل مقارنة سريعة
الشكل والاستايل وانها مش منتشرة يبقة البى ام تكسب
الاستابلتيى البم ام تكسب بمراحل
التسارع والتوب اسبيد اليى ام تكسب
اة الى فاضل فى الجيتا ممكن يكسب اسعار الصيانة وقطع الغيار ارخص انضف شوية من جوا بس تفتكروا فى حاجة تانية ممكن تخلى الجيتا احسن
رجاء يا جماعة محدش يجيب سيرة الانسر تانى كل الى رد بيقلى الجيتا احسن من ال لانسر منا عارف واللة انا بقول متقاربة
دلوقتى المقارنة بين
bmw 116i مانيوال اقل فئة الفاضية خالصصصص
jetta الفئة الى قبل الاخيرة الى بنفس سعر البى ام
200 الف حنية

مين قال البى ام تكسب فى الثبات و التسارع و التوب سبيد ؟؟ ممكن فى التسارع علشان هى مانيوال بس ...بس لة اوتوماتيك هيبقى قريبين من بعض ....و الاستابليتى ان شايف ان مش هيبقى فى فرق كبير خالص ....طب و بالنسبه لانظمه الثبات الى فى الجيتا و انظمه الفرامل و الاوبشنز ...هل الحاجات دى موجوده فى البى ام ؟؟؟

اخى الحبيب والله ما دافعت عن الجيتا لاننى من محبيها ولكننى دافعت عن الجيتا لانها سيارة بالنسبة لمتطلباتنا فى مصر سيارة تستحق الاشادة ولكن قد يكون لك الحق فى اننى لم اتكلم عن البى ام الفئة الصغيرة ولم اقارن بها وانا اسف لهذا الرد ولكن لانها سيارة لا تستحق كل تلك المعانة فى الكتابة ... فلقد فشلت كل من شركة مرسيدس وبى ام دبليو فى اعطاء عميلها سيارة صغيرة بها كا ما يرضى عميلها وعميل الالمانى فهذه الفئة من البى ام دبليو فشلت تماما فى ارضاء عميلها وهى وصمة عار ستظل فى جبين الشركة كما كانت السيارة 190 بالنسبة للمرسيدس لو تتذكرها جيدا فتلك الشركات برعت فى اعطاء مميزات الامان والجودة والرفاهية فى سيارتها ولكنها عندما حاولت استقطاب الشريحة الاقل وقدمت لها مثل هذا الطراز من بى ام دبليو لم ترضى حتى تلك الشريحة وللعلم لم تتحق تلك السيارة المبيعات المتوقعة فى مصر ولم تصل حتى لنسبة مرضية للبيع بالنسبة للشركة فاقل شريحة مرضية فى البى ام دبليو هى 316 اى ال 1600 ثم تتوالى العواصف البى ام دبلوية
هذا امر اما الامر الاخر قيمة السيارة المتعملة منها ضعيفة جدا لعدم رغبة السوق فيها اما لجيتا فمعروف سوقها والطلب عليها عامل ايه فعندما تريد البيع يتراص المشترين والسعر البيع ممتاز بالنسبة للمستعمل.. قطع غيار البى ام غير متوفرة بالكثرة المطلوبة لقلة عدد المبيعات فيها اما الجيتا الان فتجد قطع غيارها واكسسوارها عند كل المحلات فضلا عن الوكيل ... ارتفاع سعر صيانة البى ام مقارنة بالجيتا ... لابد من صيانة الوكيل فقط لا غيره لعدم توفر بعض قطع الغيار الا عنده بالنسبة للبى ام اما الجيتا فهناك مكانيكية كثير قوى دلوقتى عارفين قصتها وهذا فى حالة حدوث حالة عرضية تحتاج الى صيانة سريعة لحين الذهاب الى الوكيل ... بالنسبة للكماليات انت نفسك تعرف ان الجيتا التى تريدها لا ينقصها غير الفرش الجلد والحساسات الامامية وتكملة الطارة الملتى فنكشن وبعدين ها تقول بابا وماما اما البى ام فارغة لا توجدفيها هذه الكماليات ... قاعدة العجلات فى الجيتا اوسع واكبر من البى ام دبليو مما يعطى ثبات اكبر ومساحة داخلية اكبر فى الجيتا... تكاليف صيانة فى وكيل فولكس ارخص طبعا من الشركة البافارية .. صالون وقاعدة الجيتا افضل بكثير من البى ام بصراحة ... هذا ما جاء بخاطرى وانا تحت امرك فى اى تساؤل اخر

الراجل دا جاب من الاخر

السلام عليمن
عامتا الف شكر على نصايحكم مع انى كنت متوقع انكوا تقولوا bmمن غير كلام والمشكلة انى انا كنت مقتنع جدا على الاقل عشان الاسم بس بصراحة كلامكم مقنع جدا ربنا ييسر الحال ان شاء اللة اسبوعين تلاتة وهجيلكوا تانى بس هاحى بالعربية بقة ان شاء اللة بس هيا اة لسة مش عارف ان شاء اللة خير
والف شكر ليكوا مرة تانية
سلام عليكم

اسأل الله ان يهديك الى كل ما يحب ويرضى ..ومبروك مقدما يا صاحبى والله يعطيك خيرها ويمنعك شرها ان شاء الله

الف شكر على الدعوة الحلوة دى وربنا يبارك فيك معلش استفسار صغير انا سمعت انى فانوس الجيتا الى هوا بتاع الخليجى مش موجود وانا اكتر حاجة عجبانى فى الجيتا الفانوس بالزينون وكدا هل فعلا الكلام دا يعنى يعنى لو قدر اللة وحصل حادثة هل هركب الفانوس العادى الى من غير لينس ولا اة وبعدين لو حد يعرف اى اسعار قطع غيار يا ريت تقولولى لو سمحتوا سواء الفوانيس تيل الفرامل وبيخلص كل اد اة اى معلموامتا كدة ناتجة عن الاستخدام اسعار الصيانة والف شكر ليكوا كلكوا

راجع الموضوع ده و إن شاء الله يفيدك فى إختيارك بالنسبة للجيتا
http://www.nilemotors.net/Nile/showthread.php?t=71849

الجيتا
و لو ناوي علي الخليجي انصحك بالنبيتي ثم الابيض احسن لونين عليها مع الفرش البيج

انت ركبت البي ام ؟؟؟

هو ده الأداء الجربان فعلا ...

انا جربت العربية ....

تقيله جدا ...ما يصبركش عليه الا شوية الكماليات ..

و انت عايز تجيب اول حاجة (ما عادتش بتنزل على فكرة) مش هاتلاقي اللي بالك فيه

و انت جاي على الجيتا قوي ...هي صحيح مش العربية الفظيعة ..بس ماتقارنش ثباتها بالانسر

سوق الاتنين ...هاتلاقي الإجابة محسومة

ولو انت كاره الاتنين ....شوف حاجة غيرهم 200 الف مش قليلين

خليجي با خليجي يبئا ال-Jetta ال-TSI علطول. وكمان إنت عجبك ال-jetta بس شايف إن عيبها موتورها، فدي حتفرأ معك ١٠٠٪ د ١٢٢ حصان وعزم ٢٠٠ فممتازة الصراحة وربنا يوفقك للي في الخير ومتنساش صلاة الاستخارة.

شوف الجولف الجديدة .... 160 حصان وفتيس dsg ب208 الف..
او ممكن تشوف bmw 316 e90 مستعملة .. فى حدود 190 الف (فول اوبشن)