لو مش عايز تبعد عن الياباني كتير و عايز عربية تهلكها و تعيش كويس و عائلية و مش غالية ...هات نوبيرا و عن تجربة
عرض للطباعة
لو مش عايز تبعد عن الياباني كتير و عايز عربية تهلكها و تعيش كويس و عائلية و مش غالية ...هات نوبيرا و عن تجربة
نصيحة متجبش مانوال...صدقنى هتيجى فى وقت من الاوقات وتندم انك مجبتش اوتوا..
الكورولا الخليجى الاوتوماتيك ...عربية يابانى 100 فى المية
صدقنى لما ركبتها كنت حاسس براحة ونعومة ...فظيعة..لدرجة ان انا واصحابى مسميينها البساط السحرى...عشان مش بتحس باى حاجة وانت فيها ..
السحب ممتاز على فكرة...احسن من الاوكتافيا...
الصيانةت وقطع الغيار واستهلاك البنزين فى صالح الكورولا...
الاوكتافيا اثبت واتقل نسبيا ...وصاجها اقوى...لكن كاعتمادية ...وكسيارة عملية...الكورولا طبعا...وشوف فى العالم كله العربية بتتباع ازاى...على عكس الاوكتافيا ....
بس عموما لو هتأمن على العربية...يبقى ممكن لو عاجبك فخامة الاوكتافيا وثباتها ...يبقى دوس وعلى البركة....
صحيح الجولف 5 ب 159الف...احسن من داكله على فكره...
والاوبل فكترا دلوقتى فى موديل اوتو ب 155 الف ...
ولا كورولا بقى ولا اوكتافيا ....المانى المانى وضع تانى ...
طيب لو حبيت أجيب الخليجى أوتوماتيك أجيبها منين؟ وهل موجود منها بضمان؟ وتعمل كام دلوقتى "تقريباً"؟
التويوتا كرولا الخليجى...عربية كفاءة صدقنى...ومحترمة...ومثالية للطرق والشوارع فى مصر...واسعة جدا...وناعمة موووت ...وسحب ممتاز ...والفتيس فى السليم مفيهوش حوارات...والله انا ركبتها بعد ماركبت الجيتا...والكورولا كانت انعم واريح فى سواقتها..وسحبها افضل....طبعا الجيتا ثبات وقوة وفخامة...بس فرق السعر يعنى ...فى صالح الكورولا..
الخليجى دلوقتى ليه ضمان طبعا....
بخصوص السعر انا واحد صاحبى كان جايبها من حوالى 6 شهور ب 145 الف...بس خد بالك فى موديلات ممكن ميكونش فيها فرامل اى بى اس...اسأل كويس فى الموضوع دا....عشان حرام تدفع المبلغ دا...ولعربية ميبقاش فيها abs
لو عرفت الاسعار واحسن مكان تتجاب منه ...هلاغيك ياباشا...
ياباشا أنا اللى متشكر على اهتمامك بجد والرد، وياريت فعلاً لو عرفت لى منين أجيب الخليجى وبشرط وجود إيه بى إس وتكون بضمان وظروف الصيانة بتاعتها فى الحالة ديه تكون فين؟
لاشكر على واجب ياباشا...
بالنسبة للخليجى..
اشهرالمعارض الى بتجيبها
اوتوا سمير ريان الهاتف:
23421582
جابر عبد الشهيد... ش السودان
المهندسين, الجيزة الهاتف: 33373825 - 33373827 - 018 6416568
كلمهم كده وشوف كلامهم ايه....ومتنساش موضوع ال اى بى اس ...مهمه ..ومتسمعش للى يقولوك ملهاش لازمة...
ايضا موتور سيتي في شارع النزهة مدينة نصر بيبيع الخليجي و بيدي معاها ضمان
بالنسبة للأسعار...فهى مابين 138 الف الى 145 الف...فى الحدود دى...حسب الكماليات...بس الصراحة معنديش التفاصيل لسه...وهسالك بالتفصيل...
بس الصراحة انا مقلق من موضوع الضمان بتاعهم...مش عارف الناس الى جابت الخليجى...عاملة ايه مع الضمان دا...هل هو ضمان حقيقى ؟؟ والا شغل دعاية وكده يعنى..
بس صحيح بجد...مش ممكن تزود حبيتين وتجيب الجولف 5 ...هيا ب 159 الف...عليها خصم 10 الاف...وكانت ب 170 ..
على فكرة العربية دى بجد تحفة....ودى اكثر عربية شوفتها فى حياتى من حيث الجودة والتقفيل والقوة والمتانة ...والثبات خرافة ...والا الفرامل والباور...بجد مفيهاش غلطة...وبضمان الوكيل...يعنى مفيش حوارات...مع صاحبى كان جايبها من 6 شهور كده..العربية بجد خلتنى اغير نظرتى للعربيات بشكل عام...واصبحت مهووس بالالمانى...بعد ماكنت بفضل اليابانى..
بس عموما الكورولا...برده زى ما قلتلك كفاءة...وهى كعفشة وتسارع ووسع داخلى افضل من الجولف....
برده فكر فى الفيكترا...ب 155 الف ....
بس انا فاهم ان مشكلة الالمانى فى قطع غيارة وصيانته...
التويوتا برده اعتمادية ....ومصاريف تشغيل معقولة...
الكورولا الخليجى قرار لم تندم عليه...والعربية هتديك فى جميع الاحوال اكثر ماكنت تتخيل..
انا الصراحة لما ركبتها...حسيت ان انا راكب مرسيدس...مش تويوتا...
بقولك نعومة وانسيابية مش طبيعية...
يعنى فى النهاية استخير ربنا...ودوس يامعلم ..تويوتا فى السليم..
وحتى لو جبت بتاعة التوكيل الجنوب افريقى...العربية زى الفل ...ومفيش فيها عيوب ولا حاجة...كل العملية ان الفتيس بتاعها محتاج تعود ...عشان تكنولوجى جديدة...
تحياتى
هى المشكلة إنى كنت محدد للعربية مبلغ مايزيدش عن 120000 ودلوقتى العملية عمالة تفتح معايا واحدة واحدة وانا مش عايز أفتح قوى بالطريقة ديه، يعنى كنت بافكر أجيب اللانسر الهاف سبورت فى حدود 115000 ولما شفت الكورولا والإمكانيات اللى فيها فكرت أجيب منها المانيوال علشان تكون قريبة من المبلغ اللى أنا محدده، وبعدين شفت الأوكتافيا وعجبتنى الفانتازيا قلت أفكر فى المانيوال منها لقيتها فى حدود 143000 يعنى الموضوع عمال يتدرج معايا وبينى وبينك أنا عندى أولويات تانية مش عايز أجيب العربية على حسابها.
شكلى فى الآخر كده هاجيب اللانسر الهاف سبورت واريح دماغى من المواويل بتاعة الخليجى والجنوب أفريقى والضمان والإيه بى إس، على الأقل اللانسر الهاف سبورت فيها كل اللى أنا عايزه باستثناء الكاسيت إنه عادى مش سى دى، وعربية مافيش حد قال عليها حاجة وابقى وفرت فلوسى للحاجات التانية، تفتكر إيه رأيك فى الكلام ده، لو مكانى هاتعمل كده؟
هات لانسر هاف سبورت ومش هتندم :verygood::verygood:
مظبوط انا الصراحة مريت بالفترة دى...وكانت العملية عمالة تفتح..والواحد كل شوية يقول لنفسه ازود حبتين واجيب كذا...والصراحة مش هتخلص..
حط مبلغ معين...وقرر انك مش هتزيد عنه...دا هيريحك جدا..
انا مثلا كنت عمال اتكلم فى سوباروا ولانسر سبورت وكده...بس لما فكرت بواقعية...جبت الياريس...اصل انا كل مشاويرى جوه المدينة..ومش محتاج اكثر من الى الياريس بتديهولى..
عموما الانسر...عربية كفائة...ومفيش خلاف عليها..
انا بس مستغليها...لانها تكنولوجى قديمة...وانتهت فى الدنيا كلها..
وبقول لو تجيب الشارك...حتى اول فئة فيها يبقى احسنلك؟؟
بس الانسر طبعا فى جميع الاحوال مش هتخيب ظنك..:verygood:
بالتوفيق ان شاء الله...
متشكر يا سعداوى بجد، أنا هانتظر معرض أوتوماك وربنا يسهل ويوفقنى فى اختيار مناسب بإذن الله، وأكيد هاقولك إيه اللى تم، وعلى فكرة كلامك صح بالنسبة لموضوع الأوتوماتيك، أنا فعلاً لغيت فكرة المانيوال وقررت أشترى حاجة أوتوماتيك ويمكن علشان كده الإختيارات دلوقتى أصبحت - مبدئياً - محصورة فى لانسر هاف سبورت (سواء كانت بومة أو شارك) أو كورولا خليجى أوتوماتيك، وربنا يعمل اللى فيه الخير.
وبجد ليك جزيل الشكر،
أشرف،