بسم الله الرحمن الرحيم
السلام عليكم
أنا اسمي شامي من مبيعات عز العرب فرع ابيس الاسكندريه. اللي عايز أي حاجه يكلمني و أنا في الخدمه.
و ده رقم الموبايل بتاعي 0128858586
بسم الله الرحمن الرحيم
السلام عليكم
أنا اسمي شامي من مبيعات عز العرب فرع ابيس الاسكندريه. اللي عايز أي حاجه يكلمني و أنا في الخدمه.
و ده رقم الموبايل بتاعي 0128858586
ياباشا اهلاً بيك
و الف شكر يا باشا لخدماتك الكريمة
اهلا بحضرتك ...ا/شــامى .... منور
والف شكر فى عرضك الكريم لمساعدة الناس
بس هو حضرتك عامل استطلاع عن ايه فوق؟؟؟؟
استفسار بس ياباشا .... ايه اخبار التخفيض دلوقتى على البروتون ؟؟؟
تحيـــــاتــى لحضــرتــك
معلش انا كان عندي سؤال
هو انا اقدر اشتري الزيت من التوكيل ؟؟؟؟
لاني ساعات بيكون معديش وقت اني اروح التوكيل فممكن اغيره بره اسرع مش اكتر
فهل انا اقدر اشتريه من المحزن ؟؟؟ عادي و لا لا ؟؟؟؟
بردو هيروح الضمان الفكرة مش انك تشترية من الشركة الفكرة انك تحاول الحفاظ على الضمان بأنك تعمل الصيانة جوة الشركةاقتباس:
معلش انا كان عندي سؤال
هو انا اقدر اشتري الزيت من التوكيل ؟؟؟؟
لاني ساعات بيكون معديش وقت اني اروح التوكيل فممكن اغيره بره اسرع مش اكتر
فهل انا اقدر اشتريه من المحزن ؟؟؟ عادي و لا لا ؟؟؟؟
علشان يكون الفيل بتاعك مذكور فية انك بتعمل كل صياناتك داخل الشركة ودة بيكون احسن بكتير ليك
مع احترامى الشديد لرأيك هو المهم انى اعمل الصيانة فى التوكيل علشان افضل فى الضمان و انا طبعا متفق معاك فى النقطة دىاقتباس:
ردو هيروح الضمان الفكرة مش انك تشترية من الشركة الفكرة انك تحاول الحفاظ على الضمان بأنك تعمل الصيانة جوة الشركة
علشان يكون الفيل بتاعك مذكور فية انك بتعمل كل صياناتك داخل الشركة ودة بيكون احسن بكتير ليك
بس التوكيل لا يمكن انه يجبر العميل على نوع الزيت اللى عنده و انا لا اعتقد انى لو جبت الزيت من بره انى اخرج من الضمان لان نوع الزيت ليس له علاقة بعمر المحرك او كفاءته على الاقل فى الـ 60000 كلم بتوع الضمان
يا جماعة انا من ساعة اول مره اغير زيت فى التوكيل وسابوا طبة الزيت مفتوحه والزيت اتسرب من العربية بعد ساعتين من تغير وكان هيحرقوا المتور وانا بغير بره التوكيل كل حاجه زيت فلتر تيل ولا تزال العربية فى الضمان الى ان خرجت من الضمان لأني كملت 60 الف وغيرت حجات فى الضمان عادي جداً ، بعد ما غيرت الحجات ديه بره مش عارف بقه ايه النظام بعد كده بس ده اللى حصل معايا ده حتى التيل الجميل اشتريتوا من التوكيل وخفت ( شوف لدرجة ايه ) انهم يركبوا وركبتوا بره حتى بالصفاره بتاعته برضوا عشان فى ناس بتزعل لما الصفاره تروح ويقلك ده اتغير بره التوكيل والحمد لله قدرت اغيره بره والصفاره موجوده لغاية ما اشتريت تيل بعد كده من بره وركبته الصفاره راحت ( غريبه) يمكن عشان بره التوكيل ؟؟؟ وعلى الرغم من كده الناس متفاهمين جدا فى توكيل اسكندريه على الرغم مماسبق بس زي ما بقول هو السيستم بطئ والمهاره الفنية قليلة .
تحياتى
يا جماعه نستوني ارحب بالراجل الجديد شكرا ليك يا استاذ شامي على هذه المبادره الجميله منك وتحياتى ليك يا فيبر
تحياتى
اهلا بيك يا استاذ شامى .
اهلا بيك يا استاذ شامي :)
و بالمناسبة لازم نستغلك في سؤالين
1- هوا الاستطلاع عن ايه
2- نفسي اعرف البيرسونا فيها abs , ebd و لا لا و ممكن تكون نازله في ال هاي لاين بس ؟؟
انا رحت معرض فاريتي اللي قدام نادي الصيد بس معرفوش يجابوا الصراحة !
و بعدين سؤال كمان مهم : البروتون اول عربيه تعمل تصفيح في الكنبة الخلفية ازاي مش عامله تصفيح في الابواب ؟!
و شكرا
السلام عليكم ورحمة الله وبركاته
انا متشكر جدا يا جماعه على المقابله الحلوه دي.
بالنسبه للاستفسارات
1- الاستطلاع ده جه غلطه و انا بعمل الموضوع.
2- التخفيض على البروتون الفتره دي مش كبير لان الجين 2 و البرسونا لسه بيطلعوا من الميناء. يعني ممكن تقول انهم بالحجز. فلما الشركه بتشوف كده مش بترضى تعمل خصم كبير.
3- بالنسبه للزيت العميل من حقه انه يحط الزيت اللي هو عايزه سواء كان موبيل , شيل , او توتال او غيرهم.
4- تغيير الزيت بره التوكيل يخرج من الضمان ولا لا دي يقدر يفيدكم فيها المهندس آمر اكتر مني.
5- لما سألت ناس اولو خبره في قطع الغيار قالوا ان بروتون بتقول انها عايزه تحافظ على البيئه ف علشان كده هما شالو الماده اللي بتكتم صوت التيل او متخليش الصفاره تطلع. و الله أعلم.
6- البرسونا الbase اللي مافيهاش abs & ebd بس الluxury فيها .
7- بالنسبه للصفيح هسأل و أرد عليك.
أرجو اكون رديت على الاستفسارات كلها و مانسيتش حاجه.
الواجا 2009 وصلت جميع الكماليات وارخص 1000 جنيه عن الجين 2
تحياتي.
شكرا يا غالي :hlopaet_prv:
و مستني ردك بخصوص موضوع تصفيح الابواب:B4_592:
في سؤال بايخ شوية:049:
هوا أ هشام عز العرب هوا اللي سلطته اكبر في امر بروتون مصر و لا أ حبيب ابراهيم ؟
لان بصراحة انا حاسس ان عز العرب مش بيعطي لبروتون نصف الاهتمام بالكرايسلر و السيتروين - انا قلت ربما لانها ارخص و الربحية اقل - بس لقيته حتي جريت وول ليها اهتمام اكبر - انا اقصد من ناحية الدعاية و اليفط اللي علي الفروع
تحياتي :Oc_sun1[1]:
الحق احنا بنحب بروتون اكتر من اي عربيه لانها فعلا صفقه رابحة و كفاية انها ماليزي ربنا يزود مبيعاته ا :_Alshmokh22[1]:
يا هندسه ايه اخبارك عامل ايه ؟؟
بص ياسيدي انا بغير موبيل 1 كل عشرة آلاف كيومتر وبغير على 9 آلاف والفلتر بتاعها أو بتاع اللانسر بيركب عليها من محطة البنزين اللى قدام المركز الطبي بسموحه موبيل والزيت مريحنى جدا فى صوت الموتور وما تحسش ان الموتور متفرهد :fun_36_3_4[1]:زي ما بيقولوا
والمانيوال بتاع العربية بقول أنك تختار زيت المحرك لزوجة sae ملائم لحرارة الجو اللى انت عايش فيه وهتلاقي رسم بياني فيه بيوريك الحراه ونوعية اللزوجه فى صفحة رقم 127 عربي
وانه يكون مطابق لتصنيف api : sae 10w/30 وليس اقل ومن الممكن ان يكون اعلى
بيقول كمان ان لو استخدم اقل من الدرجه ديه يخرج من الضمان
طبعا هتقوا ايه الولغرتمات :dzey:اللى عمال اقلها ديه انا كنت زيك كده بس بعد بحث صغير على العملاق جوجل فهمت بنسبة 80 % على اساسي إني عبقري طبعا :star1::fdsa:
المهم لقيت ان ال sae هيه لزوجة الزيت وال api هي درجة الجوده المهم مش هطول عليك فلاقيت ان موبيل وان يحتوي على هذه الصفات المطلوبه وفى اخوان بيقولوا لأ الشيل هيلكس بلو احسن عشان نصف تخليقى ومناسب للكام برو وان الموبيل وان تخليقي تسال بقا طب ايه يا جماعه الفرق بين ده وده ؟؟؟ ماتلقيش رد واضح :whtauwant:؟؟؟ بس طالما ان الزيت مناسب للمانيوا بتاع العربية زي ما بقول يعنى فأكيد مش هيضر العربية :Oc_sun1[1]:ويكون هو الموصى بيه
وبعدين جبتلك مقال هايل تقرأه وانت هتقدر تقرر لوحدك مع الموصي عليه من الشركة فى كتيب الارشادات المانيوا بتاع العربية واللى انا كتبته فوق
اللبنك اهوه
http://thecartech.com/frontpage/part...ngines_lub.htm
وفى انتظار توضيحاتكم لو انا غلطان :k17:
تحياتى
ايه يا دكتور الشغل العالي دا اوي الله يباركلك
بس انا لسه عندي شوية اسئله ..
1-لما حضرتك قررت انك تغير الزيت بره التوكيل عملت الموضوع بتاع غسل المحرك علشان تحول من زيت معدني لزيت تخليقي
2-لو انا عايز احط نفس الزيت الي حضرتك بتحطه ( موبيل 1 )
اقول بس للراجل موبيل وان 10 الف كم بس و هو حيفهم و لا لازم اوضحله حاجة تانيه
3-طب لما حضرتك كانت بتيجي عليك مواعيد الصيانه الي فيها تغير بويجهات او اي حاجة من هذا المثيل بتروح التوكيل و تقولهم متغيروش الزيت ولا الفلتر و اعمل بقيه الصيانه ( ياريت توضحلي النقطه دي )
انا عارف ان الاسئله كتيررررررررررررر بس معلش علشان الواحد ميغلطش :ma(30):
و تقبل تحياتي يا دكتور :verygood:
أسأل يا هندسه زي ما انت عايز هيه ديه فايدة المنتدي تبادل الخبرات
1. انا ماعملتش موضع غسل الماتور ده.
2. قول موبيل وان بس وهو معروف مافيش حاجه تانيه
3. انا لما كانت العربية فى الضمان وحاجه بتحصل فيها بروح هو بيقلى على الصيانات بقوله انا بغير زيت بره ما كنش بيقول حاجه ولا بيعلق وبصراحه بيعمل اللى انا عايزه من غير حاجه وبالنسبه للبوجيهات عندى بتتغير على 60 ألف عشان اسبلبت فير بتدوم وقت طويل وعلى فكره ممكن انت تاخد الزيت اللى انت عايزه وهو يغيرهولك ده غير انا مره كنت فى التوكيل وسمعته بيقول لواحد انت عايز تغير على عشر آلف موبيل وان ؟
ومستني باقي الاسئله وانا على فكره مش بفتي فى حاجه انا بقول لحضرتك تجربتى الشخصيه كما فعلت فى عربيتى
وخالص تحياتى
ربنا يخليك لينا يا دكتور بجد حضرتك انسان فاضل و تستحق كل التقدير و الاحترام
طب لو كدا انا برده حستمر علي التوتال حشتريه من بره و حغيره في البنزينه اسو الي امام المركز الطبي
طب بالنسبه للفلتر هما عندهم و لا ايه النظام ؟؟؟ ولو عندهم تكلفتوا كام ؟؟
و حاجة كمان اغير الفلتر افضل و لا اسيب الاصلي ؟؟
اه بالحق اخبار حوارات التيل ايه مع حضرتك .... يعني بتركب انهي نوع في ناس بتقول البندكس كويس و موجود في صلاح الدين ياريت حضرتك تقولي ايه الاخبار في الموضوع دا
و تقبل تحياتي اخي الفاضل
والله ده من ذوق حضرتك يا هندسه
بص بخصوص الفلتر هوه بحوالى 35 جنيه من عندهم برضوا ويتغير كل 10 آلاف يعنى لو هتحط زيت 5 الآف تغيره مره وتسيبه مره ولو زيت عشرة الاف تغيره مع كل تغير زيت
اما موضوع التيل فانا جربت اللى فى التوكيل اشتريته وغيرته بره ومره تانيه اشتريت اللى فعلبه صفره اللى هوه fbk
واللى اتنين صفره لمدة شهر مثلا فى كل مره و وبعدين اختفي يمكن صفر مره ولا مرتين على السرعه البطيئه الخطير فى الموضع انه كانت بيزحلق معايا وحاليا ماشي تمام ولا زحلقه ولا صفاره وادينا بنجرب وبيقولوا الريمسا كويس وانا حغير قريب بس ماستقرتش لما نشوف يمكن دفعه تنزل كويسه ونشوف برضوا تجارب الاعضاء انت عارف طبعا ان فى موضوع شغال دلوقت فى المنتدي على الموضوع ده
تحياتى
ومسني لو فى استفسار تاني انا تحت امرك
[gdwl][caution]ياريت يا جماعة حد يجاوبني الزيت الي في التوكيل توتال كوارتز 5000 ولا ايه ؟؟؟ ارجو التوضيح للاهميه [/caution][/gdwl]
وتقبلوا تحياتي
ايوه هو ده الي في التوكيل بس المفروض يعمل 3000 كيلو انما التوكيل بيغيروا عند 5000 مش عارف ليه؟؟؟؟؟
وعندهم كمان ال توتال 9000 وده بتغير كل 10000 كيلو
علي فكره يا جماعة التوتال الكوارترز 3000 مفروض يتغير علي 4000 كم مش 3000 كم
و الكلام دا من الموضوع خاص بالزيوت و مثبت
http://www.nilemotors.net/Nile/showthread.php?t=20911
طب دلوقتي النقطه الي احنا بتكلم فيها الزيت الي بتغيره في صيانه البروتون توتال 3000 و لا توتال 5000
ارجو الافاده يا جماعة
وشاكر لكل الاخوه الافاضل الي جاوبوا علي سؤالي
وتقبلوا تحياتي