الموضوع: عربيتى الشيفروليه كروز(دايو لاسيتى)فى مصر وتجربتى معاها Chevy Cruze

السلام عليكم

انا اسمى:حسام
و حبيت اشاركم فى مواضيع السياره الكوريه دايو لاسيتى (شيفروليه كروز).بما انها معايا ومجربها..
وبعد مشوفت ردود كتير عنها زى

المشاركة الأصلية كتبت بواسطة osman hisham

مفـــــــــــاجــــــــــ ـــــــــــــــــــــــــ ـــــــــــــــــأه
أنا شوفت الكروز فى التجمع الخامس فضــى و كانت مش شيفروليه كانت دايو لاسيتى.

وهى عربيه والدى- وجايبها من كوريا من حوالى شهرين كده.لأن احنا شغلنا استيراد قطع غيار سيارات من كوريا وهو هناك علاطول..والعربيه ده نازله من فتره هناك بأسم GM Daewoo Lacetti Premiere (وده اسمها الأصلى)..وعجبته واشتراها وجبها مصرا.وديه نازله مصر بأسم شيفروليه كروز.وطبعا من ساعت ما وصلت مصر مخلصناش من الاسئله بقا من الناس

.طب ايه العربيه ديه وايه العلامه ديه و..... واللى ييجى يعمل جنبى انتظار ويتفرج..ده حتى مندوب مبيعات جى ام شيفروليه مصر وقف والدى مره فى الشارع واترجاه يقف ضرورى وده كان المسئول عن تسويق الكروز فى مصر وطبعا مصدقش نفسه لما لقاها قدامه وقعد يتفرج عليها وجاب ورقه وقعد يسجل ارأنا عن العربيه وادائها عامل ايه وسرعتها وثبتها وكده وقال هتصل بيكوا تانى واخد معلومات اكتر ..وبرغم ان اللى احنا جايبنها كانت مش ال High Line بس هو قلنا ده هتبقا اعلى line هنا فى مصر + حاجتين تقريبا ومنهم الدركسيون ال multi function ..وهتنزل تقريبا على مابين شهر 7>لشهر 9 كده.

وبالنسبه للعربيه بقا فهيا عربيه جميله جدا بجد فى كل حاجه خاصه فى الشكل الداخلى والخارجى.والكاسيت فيه زى الكمبيوتر GID (Graphic information Display).وده فيه تحكمات واوبشن عالى اوى مش فى اى عربيه من فئتها.يعنى مثلا بتحكم فى أن اول ضغطه على زرار فتح العربيه من الرموت يفتحلك بابك لوحدك ولا يفتحلك الأبواب كلها ومثلا لما تعمل Lock من الريموت تخليه يعمل نور وكلاكس ولا نور بس ولا كلاكس بس ولا تلغيه كله ...وطبعا Equalizer و Mp3 CD's و AUX( ما بين الكرسيين) ,وحاجات تانيه كتير من الكاسيت..

وفيها فرامل ABS & EBD وبييجى معاه جهاز لحام كاوتش

والموتور ECo-Tec 1600 زى الموجود فى ال OPEL
وتقريبا 114 حصان

والفتيس Step-tronic ولأول مره 6 سرعات فى الأوتوماتيك

والعربيه موفره فى البنزين لدرجه انها بتاخد بنزين اقل من اللى كانت بناخده معايا فى اللانسر البومه 1300 CC

وادائها ماشاء الله قوى وهادى والعربيه بتنقل على المستريح علشان 6 نقلات..ولو عايز تجرييها هتفضل دايس وتجريها

والعربيه مريحه وواسعه من جوه ..

وعريضه من بره.وووزنها تقيل وده مثبتها

وبالنسبه للكماليات فهتبقا حسب شركه شيفروليه مصر

بس اللى معايا فيها
فوج لايت و2 ايرباج و سينسور خلفى ومرايات وزجاج كهرباء تاتش و التكيف تاتش بردو و...

بس فى كوريا فى اعلى من كده فئات زى المالتى فانكشن ستيرينج و start engine و 'وطابلوه كروم وفرش جلد طبيعى وجنط 17 و 6 سماعات

والسعر كانت تقريبا واقفه علينا بحوالى 110 الف..بس هيا دلوقتى غليت لأن العمله الكوريه غليت اليومين دول شويه

واتوقع سعرها فى مصر هيبدأ من 100 الف المانيول اقل فئه لحد مثلا 135 الف الكامله...ده تقريبا

والعربيه فعلا هتنزل تنافس السيفك والمازدا والسيراتو
وده شويه صور ليها

دوس عل الصوره علشان تكبر








...وديه بقا بتاعت اخويا..زيها بالظبط...
.
.
.