عضو جديد فى عائلة هيونداى ( ارجو المساعدة )

السلام عليكم و رحمة الله وبركاته

انا موجود معاكم منذ اكثر من اسبوع اتابع الموضعات و جميع المشاركات و بصراحة كنت اتنقل الى اكثر من موقع سيارات و لكن بصراحة نيل موتورز يكسب لأنه سلسل فى طريقة البحث عن اى شئ و اعضائه نشطه و بسرعة بتساعد و تحاول تخدمك بأى طريقة و لذلك اتشرف ان انضم اليك و يا رب اكون عضو نشط زى بقيت الاعضاء الافاضل اللى هما منورين هنا

و كل سنة و انتم طيبين


اليكم الاستفسار بصراحة انا بشترى سيارة الان و بصراحة انا جيبها قسط بس اصل القصة انى كنت هجيب فيرنا كاش و بعدين شفت النيواكسنت عجبتنى و بعدين شفت الجين تو ابهرت بيها و بعدين رحت على النيسان و استقرت انى ادفع كل الى معايا حوالى 65 الف و اقسط باقى ثمن اللانترا .. المهم

انا كنت حجزت العربية اللانترا اللى هى بــ 104500 ( عارف السعر غالى ) و لكن دوخت لغاية لما لقيت السعر ده و بفائدة 7% بس المهم انا لقيت ان الكماليات بتعاتها انقص بكتير من اللى هى بـــ 112000 يعنى لو سمحتم حد يدلنى عشان انا هستلم الاسبوع ده اقايس و اجيب العربية الاغلى بــ7500 و لا ممكن اعوض الكماليات الناقصة دى بفلوس اقل بره و لا هى مش مشكلة من الاساس

و يا ريت توضيح نوع الفرامل فى السيارة و نظام الاضائه الامامية و نوع المصابيح و شكرآ لك

شرفتنا يا استاذ ابو فهد وياريت تكون اخ جديد لينا
اما بخصوص الانترا انا معرفش ايه الفرق بس انا كنت عاوز اقول لحضرتك ان الكامليات اللى بتبقى ناقصة صعب تعوضها بفلوس من بره فخليك فى الكاملة احسنلك وانشاء الله اكون افتدك
والله الموفق

السلام عليكم

انا رأى ان لو حضرتك فيه امكانية انك تجيب الموديل الأعلى يبقى تجيبه علشان العربية حتى لو ركبت الحاجات بعد كدة مش بتبقى زى الفابريكة

فا توكل على الله و هات الموديل الأعلى

كماليات المصنع أفضل ،،
بس حاجة غريبة ،،
ابتديت بالفيرنا وخلصت عند الإلنترا :D :D :D

اولا اهلا بيك يا أبو فهدhttp://www4.0zz0.com/2007/06/20/04/98096353.gif

ثانيا لو عاوز حد يفيدك في القصه دي بجد يبقى أ/ معتز سليم يرد عليك بما انه مشرف القسم وكمان معاه ألنترا 2007
وكمان المهندس/ حسام منير هايفيدك في الموضوع ده برضه

وعلى ما الأستاذ معتز والمهندس حسام أو أي حد من اخوتنا ملاك الألنترا يجاوبوا عليك يا ريت تقول لنا أيه هيه الكماليت إللي في العربيه الاولى والكماليات الموجوده في العربية التانيه لكي نستطيع ان نعطيك راي عن علم

شكرا يا باشا ومبروك مقدما

http://www3.0zz0.com/2007/06/20/04/51138816.gif

فين الرجالة امااااااال

فرق الكماليات تكييف تاتش كاسيت اصلى وتحكم فى الكاسيت من الطارة المرايت لون العربية وده تقريبا على ما افتكر

- Fog lights
- Climate control
- Factory fitted cassette
- Multifunction steering wheel
- Body-colored mirrors and door handles
- Original keyless entry system not the one installed here in Egypt

That's all I can remember now :)

ياسيدى اللى يدفع مائه يدفع مائه وعشرة وبعد ماتستلم العربية مش حتحس ان ال7500جنيه كانو مشكله
توكل وهات احسن حاجه وكده ولا كده الفلوس بتروووووووووووووح

اقتباس:

---

المشاركة الأصلية كتبت بواسطة Ahmed Anwer

كماليات المصنع أفضل ،،
بس حاجة غريبة ،،
ابتديت بالفيرنا وخلصت عند الإلنترا :D :D :D

---

+1