رزعة عند الغيار تختفى مع تشغيل التكييف

**mohsen** · 21-05-2009 10:23 AM

لو سمحتوا
انا كنت اشتكيت من فترة من دبة او رزعة بتحصل عند كل غيار لحظة تحرير دواسة الدبرياش
وصوتها ومكانها خلف دواسة الدبرياش وكأنه ناتج من اصطدام لحظة التقاء الفلام مع الاسطوانة
المهم انا كشفت على القواعد لقتها كلها سليمة وتتبعت المشكلة لحد ما لقيت ان الرزعة دي
بتختفى فى حالتين:
الاولى: لما بشغل التكييف
التانية : لما اسيب دواسة الدبرياش ترد بالكامل لوضعها الطبيعى ثم ابدأ بعد ذلك فى الضغط على
دواسة البنزين

وسؤالى هل فى الحالة الاولى فى عنصر من عناصر التكييف بيأثر بشكل او بأخر على دوران الكرنك
ولاسيما انا كنت من 3 سنوات فكيت الكباس وغيرت له طقم اورسيلات وعندى كمان بوش فى بكرة الشداد

لانوس 97
170 الف كم

ولكم جزيل الشكر

**samirayad** · 21-05-2009 03:41 PM

وسؤالى هل فى الحالة الاولى فى عنصر من عناصر التكييف بيأثر بشكل او بأخر على دوران الكرنك

مفيش شك أنم لو فيه عنصر بيدخل لأخذ حركه من الكرنك ومش مظبوط بيأثر على خرج عمود الكرنك

ولاسيما انا كنت من 3 سنوات فكيت الكباس وغيرت له طقم اورسيلات وعندى كمان بوش فى بكرة الشداد

هى دى اللى مش واضحه قوى معايا ( فهل معنى هذا أن فى الانوس بيوجد بكره على شداد ضبط سير التكييف )

الاولى: لما بشغل التكييف

وحتة أن الدبه بتروح مع عمل التكييف برضه مش واضحه ......لأن المفروض بيكون العكس ( يعنى بتظهر مع التكييف ) على أساس لو فرضنا وجود بوش فى بكرة شداد ضبط سير اللتكييف ...على فكره أنا بس حبييت أفكر معاك .....وقد أكون مش متخيل وضع موضوع بكرة شداد التكييف ........لأن التكييف فى النوبيرا مع الباور والدينامو ( يعنى وضع مختلف )

**mohsen** · 24-05-2009 01:07 PM

استاذ سمير متشكر اوى على اهتمامك

فى حاجة نسيت اذكرها ان الدبة او الرزعة بتختفى تماما فى حالة الضغط على دواسة الدبرياش لتحت خالص خالص ثم اخذ الغيار وهكذا

فهل معنى ذلك انى محتاج اعلى دواسة الدبرياش ؟

**MMamdouh** · 24-05-2009 03:41 PM

انت محتاج تدوس دبرياج للاخر

MMamdouh

**samirayad** · 24-05-2009 04:15 PM

المشاركة الأصلية كتبت بواسطة mmamdouh

انت محتاج تدوس دبرياج للاخر

mmamdouh

+111111111

**samirayad** · 25-05-2009 02:56 PM

ياباشا جرب الأول زى ماقالك أخونا : محمد .......وراجع برضه على واير البنزين وربنا يسهل................وحط برضه شوية أسبراى من بتاع الصدأ على سوستة بكرة الأكسراتير ( كنوع من الوقايه )....يمكن تكون مصديه شويه

**mohsen** · 25-05-2009 03:41 PM

تقصد اجرب مدوسش دبرياش للاخر

**samirayad** · 25-05-2009 04:42 PM

لا يا أستاذ : محسن كلام أخونا : محمد .....واضح ........حدوس دبرياش على الآخر .......وأنت بتنقل .....وخليك متحكم فى الدبرياش كويس وبسلاسه

وصوتها ومكانها خلف دواسة الدبرياش وكأنه ناتج من اصطدام لحظة التقاء الفلام مع الاسطوانة

والجزء ده من كلامك الأولانى .....ممكن يكون بسبب أن سوست ديسك الدبرياش حلوه وقويه ........فحاول التحكم فى الدبرياش بسلاسه .......لأن الرزعه دى كانت بتحصل معايا برضه أول ماجبت العربيه (علشان السوست لسه بحالتها ).........فحاول التمرن على الموضوع ده وأنت واقف الأول كمان ( قبل ماتمشى وتدور العربيه حتى )............................بالتوفيق