كنت عايز ارصص العجل فى التوكيل لتريوس بلاتينوم 2009 علشان هزة الدركسيون بعد ال 120..... و رأى سبعاوى ان ده يتعمل باستخدام الجهاز اللى اسمه "الموتوسيكل" اللى بيعمل الترصيص و العجل فى مكانه لان ده افيد من الجهاز اللى لازم يتفك فيه العجل.....
حد يعرف جهاز الترصيص اللى فى توكيل العبور من نوع الموتوسيكل ام لا؟
و شكرا جزيلا مقدما للافادة......
لا حضرتك الموتوسيكل ده موديل قديم واكيد مش هتلاقي في اي توكيل لن التوكيلات بتستخدم الموديلات الجديده طبعا
فهو مش من نوع الموتوسيكل في دايهاتسو
كان اخ لنا هنا في المنتدى عنده العيب ده وطلع في النهاية من الجنط نفسه فجرب تركب جنط اخر في التوكيل وهما اللي يغيرهولك لنك في ضمان للعربيه
شكرا على الرد يا ابو عبدالله..... انا حابب اعمل الترصيص فى التوكيل لضمان الدقة...... لكن معتقدش انه ينفع اطلب منهم على طول تغيير الجنط لانه معتقدش هيرضوا، ولا ايه رأيك؟
لا متخفشي التوكيل متعاون ان شاء اللهاقتباس:
المشاركة الأصلية كتبت بواسطة mahora
انت بس متحشي تقول انا عاوز ارصص
انت تقول ان عندك مشكلة في العربيه ان فيه هزة بعد 120 كم
وملكشي دعوه بالتفاصيل
يعني انت قول المشكلة وهما اللي يحلوها
اما انت تروح تقول عاوز ترصص يبقى انت اللي هتدفع فلوس الترصيص ولو معملشي حاجه يبقى انت كده مستفدتش حاجه ومحلتشي المشكلة
جزيل الشكر للافادة يا باشا.....
انا بايد كلام ابو عبد الله لان الغربلة ليها اكثر من سبب غبر العجل فخليهم هما ليحدولك العيب وتكاليفه وماتدفعش الا ما تاخد النتيجة 100%
علي فكرة ترصيص والعجل راكب ده علشان لو في عيب تاني غير العجل والكوتش يداريه
ده كان كلام سبعاوى ان الترصيص عن طريق الموتوسيكل ده بيعالج كل مشاكل الاتزان......اقتباس:
المشاركة الأصلية كتبت بواسطة otefa
لو عندك مشكلة في عفشة العربية الفيزبا :Oc_sun1[1]: بتكون أفضلاقتباس:
المشاركة الأصلية كتبت بواسطة mahora
Mahora باشا......أنت مكانك فين ؟
أنا أعرف 2 أو 3 عندهم الجهاز ده..........و هو فعلاً أحسن من التانى زى ما سبعاوى قالك..........و أعتقد أنه هيعرف لو الجنط فيه مشكلة ولا لأ.
يعني يا أحمد لو عفشة العربية سليمة ممكن الفيزبا تجيب نتائج أحسن ؟؟اقتباس:
المشاركة الأصلية كتبت بواسطة ahmed a.maksoud
لا طبعا ياباشا لان دقت اجهزة الترصيص اعلي من دقة الصنيعي الي هيظبطه بايده
انا فى 6 اكتوبر يا باشا و بيت اهلى فى شبرا......اقتباس:
المشاركة الأصلية كتبت بواسطة ahmed a.maksoud
لو فى حد فى المناطق دى يبقى معرفته كويسة برضه و مش هتضر، وان كنت انا هعمل بنصيحة ابو عبد الله بأنى اقولهم على المشكلة فى التوكيل و هم يشوفوا حكايتها ايه و علاجها ازاى......
شكرا مقدما يا باشا......
:hlopaet_prv::hlopaet_prv:كلام سليم وعملياقتباس:
المشاركة الأصلية كتبت بواسطة أبو عبدالله
مفيش مشكلة طبعاً أنك تروح التوكيل.....بس أنا كان قصدى أنها ممكن تطلع مشكلة عادية و بالتالى توفرلك وقت.
عموماً أنا أقرب واحد ليك أعرفه هيكون فى شارع أحمد سعيد عند تاكى.....بتاع ظبط زوايا و ترصيص و أسم المركز محسن و اللى ماسكه حالياً أسمه رامى محسن.
100/100 يا باشا، والف شكر، فعلا المكان ده يعتبر قريب منى...... كتر خيرك على المعلومة و الافادة و جازاك الله خيرا......اقتباس:
المشاركة الأصلية كتبت بواسطة ahmed a.maksoud
حبيبي هزة الدريكسيون عند 120 سببها عدم ترصيص العجل الخلفي واي خدمة