الموضوع: لية الالنترا احسن من النيو سيراتو؟

المشاركة الأصلية كتبت بواسطة EslaM_NagY

اديك قولتها بلسانك عربيه جوز خالتك يعنى مش عربيتك

لما تكون عربيتك حتاخد عليها ويبقى الطبيعى انك بتلف براحه على السراعات العليا.


وعلى كلامك دا يبقى المفروض اصحى الصبح الاقى كل الالنترا طلعا فوق الرصيف عشان العربية لفت زيادة .


المسئلة مسئلة تعود لا اكثر ولا اقل.

المشاركة الأصلية كتبت بواسطة amrnader

انا بصيت فى الكتالوج و جبتلك الرد القاطع اللى بيثبت ان ال EPS متغير مع السرعة ( و ده شىء بديهى جدا بس عشان الاثبات يبقى موثق، فى الكتالوج صفحة 26 فى الباب الرابع)

[justify]The motor-driven power steering is controlled by power steering control unit which sense the steering wheel torque, steering wheel position and vehicle speed to command the motor.

The steering wheel becomes heavier as the vehicle's speed increases and becomes lighter as the vehicle's speed decreases for the better control of the steering wheel.
[/justify]
اظن ان الكلام واضح و مبين ان فى حساس للسرعة و كل حاجة، ارجو تحرى الدقة بعد كدة فى الكلام اللى بيتقال.

1- انا معاك ان كل حاجه بتيجي بالتعود, لكن انا باتكلم عن انها ادتني احساس بعدم الراحة

2- كويس ان طلع فيها سنسور بس برضو فيه مشكله و هي ان السيستم مش قوي و ده بسبب حاجه من الإثنين:A-el equation bta3to msh efficint, el proximity bta3et el sensor msh dakeka

3- زي ما قلت المحصله ان السياره بتدي هذا الإحساس بغض النظر عن ان صاحبها مع الوقت اتعود او لا

4-أنا بقارن بعربية والدتي، هي 320I والباور فيها بردو eps لكن في فرء شاسع في الدقة والتعويض بين الاتنين، ومحدش يقوللي إن دي BMW وإن مفيش مقارنة علشان أنا بتكلم في حاجات بدائية مش حاجة من الحاجات المعقدة زي توزيع الوزن مثلاً إلي BMW و-AUDI ملوكها طول عمرهم

5-محدش قال إن إلنترا مش ثابتة بالعكس حلوة أوي لكن باقول حركتها عنيفة جداً بسبب خفية الدركسيون الزيادة

6-مش مسألة تزوير فالقدرة هما بيال ال-net HP يعني قدرة المحرك الصافية وبعد كدا بيالك ال-drivetrain loss كذا ٪ وهنا بئة تحسبها تعرف بيوصل للعجل قد إيه، لكن احنا بنقرأ كلمة HP وبس

المشاركة الأصلية كتبت بواسطة dr_abooody

انا بكره السيراتو الالنترا احسن منها بكتير و اشيك دة غير ان سعرها ارخص كمان

لولا اختلاف الأذواق لبارت السلع يا رفيقي العزيز‏
‏هي فعلا ارخص‏ دي حقيقه و بفرق كبير

المشاركة الأصلية كتبت بواسطة TeMoON

زياد هى الالنترا احلى من النيو سيراتو وال 132 ال 2000 سى سى احسن من الاتنين وال 128 الايطالى موديل 1975 1100 سى سى احلى من كل دا الى مقتنع بعربية خلاص هو حر فى اختيارة عارفين مشكلة الشعب دا فى اية انة بيحب الى يديلو على دماغة ويقول علية حلو لو كل شخص حكم عقلة مظبوط هيعرف هو عاوز اية وقبل كدا كان فى اخ قالها هى العربية بكام وهتدينى اية وهتعمل معايا اية الالنترا عربية كويسة ما ننكرش الكلام دا بس الالنترا فى مصر مالهاش دعوة بالالنترا فى كوريا او امريكا او حتى كفر ابو حطب على عكس السيراتو هنا فى مصر زى برة بتقل حاجات وتزيد حاجات بس هى افضل من الالنترا لانها متجمعة فى المصنع الام ليها مش متجمعة عند اونكل غبور الى بيشيل حاجات ويحط حاجات صينى وينزل عربيات مواتيرها بايظة والناس ترجع علية انا تحت ايدى فيرنا بصراحة عربية زبالة الزبالة عربية ما يندفعش فيها فلوس لا ثبات ولا خامات ولا امان ولا فرامل ولا صاج ولا اى حاجة مجرد موتور اهبل فى عربية مالهاش اى لزمة فى الوجود لان الموتور اقوى من العربية وخامات رديئة فى التابلوة الى ماحصلش حتى تابلوة الريتمو او الجولف موديل 90 دا خامة تابلوة الجولف موديل 90 انضف والعربية دى انضف من الفيرنا الى عاوز يتكلم ويقول هيونداى يقول هيونداى برة مش هيونداى مصر ولو بتتكلمو على العربيات عموما اعرفو انكم هنا مش عايشين انتم هنا بيصحك عليكم ببواقى الحاجة برة وبعربيات ما تتسماش عربيات فى هنا فى مصر عربيات نضيفة ما انكرش بس انتو بتشتغلو نفسكم على اية هيونداى اية وكوريا اية فى مصر لا نيو سيراتو ولا النترا ولا دايو ولا العربيات دى حاجة فى مصر لانها برة انضف من كدا بكتير انما احنا هنا مضحوك علينا بسبب الاسعار والجودة والخامات والسرقة واولهم هيونداى لما غبور ينزل العربية من برة وينفضها من شوية كماليات عشان يقول انا رخصت تمنها عشان هامش الربح بتاعة يفضل عالى وقطع غيار نار بس لما تعملو مقارنة بين النيو سيراتو والالنترا النيو سيراتو تكسب لانها على الاقل تقفيل كورى يعنى انضف من المصرى بمراحل وتوكيل كيا انضف من توكيل هيونداى واسعار قطع الغيار السيراتو والالنترا شبة متقاربين والثبات هيونداى ثباتها مش قوى انتم بتقولو هيونداى هيونداى هيونداى اية انتم عمالين تبصو للشكل والمنظر والكماليات ونسيتو اهم حاجة الكفاءة والقوة وخدمة العربية ليك ما عشان كدا الصينى نجحت فى مصر انا لو معايا 120 باكو انا اروح اجيب حاجة مستعملة نضيفة المانى او فرنساوى او حتى يابانى صحيح العربية مش هتكون زيرو بس هتكون فى نظرى احسن من هيونداى الى انتم طالعين بيها السما هيونداى حلوة فى العربيات العالية والفخمة بس مش هنا فى مصر والعربيات دى مش معمرة انا ادفع ال 120 دول فى بورا مستعملة عربية ثابتة كفائتها لحد انهردة ودا عن تجربة اشترى باقل من كدا بيجو 406 2000 سى سى موديل 2005 برقبه هيونداى وكوريا اجيب باسات موديل 2004 اجيب بى ام دبليو 318 والعربية لما تتصان وهتحافظ عليها عمرها ما هتشتكى وعربيات اثبتت كفائتها فى البلد الى مفيش فيها طريق سليم انا حاجز نيو سيراتو واول مرة فى حياتى هركب كورى بس انا اشتريتها لظروف خارجة عن ارادتى وبقول يارب استرها لانى من اول ماركبت عربيات واتعلمت السواقة ركبت اوروبى وبالاخص المانى وركبت الامريكى فا الكورى دى بالنسبالى تقضية واجب فى ناس بتشتريها عشان على اد فلوسها وفيها كل حاجة هى عايزاها انا مانكرش دا بس ما طلعش بيها السما دا الى ما يشوفش من الغربال يبئة اعمى فوئو احنا فى بلد غريبة الاطوار من حيث بشر وقوانين وحكومة وكل حاجة فيها
انا عارف انى هتهاجم بس انا اتخنقت من حوارات الالنترا احسن من النيو سيراتو والى بيقول كدا دا بنى ادم ما شاء الله زى الفل لان الالنترا تقفيل مصرى وداخل فيها حاجات صينى وطبعا التقفيل المصرى انضف بكتير من التقفيل الكورى لان المصرين هما دايما الاساتذة وهما دايما التوب وهما دايما كل حاجة انما الكوريين دولا ولا بيفهمو حاجة كل واحد يقول ان الالنترا احسن ومش احسن والكلام دا كلة يحكمة بالعقل شوية ويشوف اية المميزات واية العيوب انا دخلت توكيل غبور مرة بصراحة توكيل زى الزفت فى الوقت وناس غير صادقة فى معاملتها وعالم بتغش فى شغلها وتقفيل عربيتهم كلها زفت الزفت ودا عن تجربة يعنى انا لما رحت اعمل صيانة 1000 فى الفيرنا قلتلهم ظبط الزوايا قالولى العربية دخلت على جهاز ظبط الزواية وهى ولا شافتة اصلا وقلتلهم بردو على ان عصاية الفتيس مرحلة فى التالت قالى لا هى كدا مظبوطة وما سبتوش الا ما اقنعتة وشفنا كذا فيرنا تانين لانة كان عاوز يأكلنى الاونطة ما هى سلق بيض العربية بكر التكيف جاى مفكوك والباب اليمين ادام مش متقفل حلو الحاجات البسيطة دى بالنسبالى حاجات كبيرة امال انا شارى زيرو لية وازاى خرجت من المصنع كدا بلا ارف على هيونداى انا هقولها كلمة وبصراحة كدا الالمانى والامريكى واليابانى والسويدى والفرنساوى عربيات نضيفة انما كورى والكلام دا كلة ولا يدخل زمتى ببصلة وبالذات فى مصر انا احترم الكورى برة مصر لان العربيات دى برة احسن من كدا انما هنا فى مصر ولا تساوى نص فلوسها انا بدل ما اجيب كورى زيرو انا اجيب المانى مستعمل او امريكى او اليابانى لان العالم دى هنا فى مصر افضل من الكورى المتقفل هنا بمليون مرة احنا هنا بيضحك علينا ياناس فا كفاية كدا كفاية ان الالنترا احسن وان النيو سيراتو وحشة كل عربية ليها مميزاتها وعيوبها بس انا هقولها ولاخر مرة الهيونداى دى من ازبل العربيات الى قابلتها فى حياتى لانى بعتبرها والصينى زى بعض والفضل يرجع للوكيل بتاعها فى مصر وكفاية ان احنا ندور على المظاهر والكماليات ما احنا اساسا شعب بتاع منظرة ما دا الى خلا الصينى يمشى فى البلد دى بجد بجد انا اتخنقت من الحوارات دى كلها وياريت كل واحد عجباه عربية يخلى راية لنفسة ومش لازم يعمل حوار علية لان كل واحد دماغة مودياه فى داهية فا الاخ بتاع الالنترا دا مع احترامى الشديد ليك كلامك مفيش فية اى حاجة من الاقناع ان الالنترا افضل من النيو سيراتو ودا على اى اساس على ان العربيتين جايين من كوريا ولا عشان كيا بتتقفل فى الحرفين واحنا ما نعرفش بصراحة النيو سيراتو عندى افضل من 100 النترا لان المسمار بتاعها متقفل فى بلدها

نتيجة لكلام حضرتك اللي في الصميم... نويت اني اعقد العزم وأشد الراحلة وأرحل خارج الوطن الكريم

انت عقدتني يا استاذ أحمد ودوست على الجرح.... لكن تلك هي السياسة ...ودي حاجة نحن أقل من اننا نتكلم فيها....لأن لو على كلام حضرتك والعربية نزلت بكل الكماليات سعرها هيعدي 150 ألف مرتاح... ولو نظام الجمارك فتحوه... الكل هيدخل اللي عاوزه ...وهتلاقي البلد مليانه عربيات من اللي قلبك بيعشقها واللي شعب المصري ما بيشوفهاش الا في الأحلام...
فين الطرق اللي تستحمل العربيات دي ...فين الاقتصاد اللي بمقدوره انه يتولى ادارتها...
الموضوع كبييير وصعب الواحد يفهم ابعاده ....انا نفسي مش فاهم حاجة
عموما ربنا يوعدنا براحة البال وييسر لنا طاعته ويقربنا منه ...لأنه في البلد دي صعب الواحد يقرب من ربنا فيها...
لذلك عقدت العزم على الرحيل ...فادعولي بالتوفيق ...
بس برده كدة كدة النيو سيراتو لا يعلى عليها وبرده هجيبها باذن الله...