بما ان فية ناس بتفتى عن غير تجربة وكمالك من ملاك النيو النترا احب اوضح للاعضاء شوية ملاحظات ع الكلام اللى اتقال :
موضوع ال eps او كما يعرف بال electronic power steering التكنولوجيا دية فى عربيات فئات عاليه زى البى ام دبليو وغيرها المهم موضوع الثبات السىء و صعوبة التحكم فى الدركسيون الباور الكهرباء ع السرعات العالية دة غير صحيح بالمرة وعن تجربة على طريق مصر العين السخنة ماشى 170 و الطريق كان دايركت وكنت ماسك الدركسيون بايد واحدة بس يعنى مش مكلبش فية بايدى وسنانى ولا حاجة مع العلم انى جبت بيها ع الدائرى برضة 180 و المحور 160 قبل الرادارات والقانون الجديد العربية بتغريك فى الجرى والثبات جدا.مع انى مبقتش من هواه الجرى لان مفيش حاجة مضمونة والسواقة مالهاش كبير بس الحق يتقال الباور الكهرباء لازم تبقى سايق العربية كذا مرة مش من مرة واحدة علشان تحفظة وتتمكن منه ونقطة انو مالوش سبيد سينسور دية برضة فتى لان الالنترا الدركسيون الباور 3 سرعات بمعنى تحت 60 العربية full power و من 60-120 half power و بعد 120 الباور بيفصل علشان الثبات يتحسن والدركسيون يتقل.يعنى فية مستشعر السرعة اهوه ودية برضة عن تجربة اما بجرى بالعربية .... وللعلم موضوع الفرامل القرصية والطنابير دة بيفرق جداااا واسأل اى واحد فنى فاهم.وهو هيقولك اما موضوع انظمة الفرامل دية نقطة ضرورية لتكمله عمل منظومة الفرامل بس لو هنقارن تعالى نقارن باول فئة فى الاتنين ,,, اما بالنسبة لموضوع المواتير زى بعض ومش زى بعض فنا النقطة دية مقدرش افتى فيها لانى مشوفتش موتور السيراتو بس اللى اعرفة انى بدأت اشك فى صوابع ايديا من كتر التزوير فى القدرة الحصانية اللى فى السوق لان ساعات بياخدوا الهورس باور بدون الات الجر بمعنى مبيكونش الخرج الصافى للموتور لو العربية اتقاست على داينو ,, ونقطة ان الالنترا واطية ف دية صحيح فعلا لو مركب اتنين ورا وواحد جنبك والمطب رخم ومخدتوش صح بتحك بس انا اتعودت بقيت اى مطب باخدة بالجنب شوية مهما تكون محملة مبقتش تحك مع العلم ان العربية اما بتكون واطية ع الارض برضة بتبقى اكثر ثبات ع السرعات العالية و ان مساعدين الالنترا غاز لثبات اكتر بس على حساب راحة الركاب لو الطريق مكسر ....
دة تعليقى على الكلام اللى اتقال وحبيت اوضح الموضوع من تجربة فعليه علشان يبقى الموضوع محايد وبدون اشاعات ومستنى الردود
المفضلات