| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 3 من 3

  1. #1

    الصورة الرمزية Dr.SherifMansy

    رقم العضوية : 828

    تاريخ التسجيل : 31May2007

    المشاركات : 1,010

    النوع : ذكر

    الاقامة : Agouza

    السيارة: None

    السيارة[2]: Lancer 1.6 AT FO 2008

    دراجة بخارية: None

    الحالة : Dr.SherifMansy غير متواجد حالياً

    افتراضي معتقدات و اساطير خاطئة عن الطب (3) - Facebook Twitter whatsapp انشر الموضوع فى :

    hasad">

    ارجو انى ماكونش تقيل عليكم
    نيجى لثالث اسطورة مصدقة عن العيون

    انا عندى قصر نظر لكن لما اكبر هايجيلى طول نظر و اقلع النظارة
    الناس لما بتكبر بيجيلها طول نظر
    الناس لما بتكبر بيلبسوا نظارة بالبلس يعنى بيجيلهم طول نظر

    دى واحدة من اكبر الأساطير عندنا

    كل الحكاية ان الواحد لما يكسر ال 45 سنة لازم يلبس مقاس + (لوحده او فوق مقاسه الأصلى لو عنده نظارة)
    طب ما هى نظارة بال + اهى يعنى طول نظر .. امال الحكاية ايه؟؟

    دى مش نظارة طول نظر
    و المقاس ما بيتغيرش من قصر لطول
    دى مرونة عدسة العين و العضلة الداخلية للعين بتقل مع العمر.

    يعنى ايه الكلام ده ؟؟؟

    اولا لازم نفهم حاجة مهمة و هى ايه قصر النظر و ايه طول النظر و ايه هى العضلة الداخلية فى العين ؟؟

    عدسة العين متعلقة 360 درجة بعضلة مسئولة عن رؤية الحاجة القريبة
    يعنى الأنسان الطبيعى لما يبص على حاجة بعيدة العضلة دى مرتخية و مش بتعمل حاجة و لكن لما يبص على حاجة قريبة تنقبض و تزود قوة عدسة العين لرؤية الشئ القريب

    و بالبلدى كده اللى عنده قصر نظر يشوف القريب و مايشوفش البعيد
    و ده لأن عنده طول العين اكبر مما يجب ان يكون و بالتالى الصورة بتسقط امام الشبكية مش عليها
    و هنا لازم نستعمل عدسة مقعرة علشان الصورة تقع على الشبكية و المريض يشوف كويس

    طب طول النظر ؟؟
    الخطأ الشائع ان الناس بتعكس تعريف قصر النظر و تقول "يشوف البعيد و مايشوفش القريب" ، و ده غلط...
    مريض طول النظر عينه اقصر مما يجب ان تكون و بالتالى الصورة بتقع خلف الشبكية و هنا تبدأ عضلة العين فى الأنقباض علشان تجيب الصورة فوق الشبكية
    يعنى مريض طول النظر العضلة الداخلية بتاعه بتبذل مجهود للبعيد و بالتالى مجهود مضاعف للقريب
    و لكن كده هو شايف الأثنين (بمجهود و لكن شايف بعيد و قريب)
    و طبعا بنلبسه عدسة محدبة علشان الصورة تقع على الشبكية للبعيد و بالتالى العين تبذل مجهود للقريب فقط زى الناس الطبيعية

    لما الأنسان بيتقدم فى العمر و يقترب من سن 45 سنة بنلاقى ان الحاجات القريبة مش واضحة و لازم يبعدها علشان يشوفها
    و طبعا ده مختلف عن طول النظر

    طب ايه اللى بيحصل ؟؟

    مرونة عدسة العين و العضلة الداخلية بتقل تدريجيا اعتبارا من وسط او اواخر الثلاثينات
    و بالتالى قدرة العين على رؤية الأشياء القريبة بتقل تدريجيا لحد ما نوصل سن 45 سنة ، بيكون القوة الباقية فى العضل
    ة و مرونة العدسة لا تكفى للقراءة او عمل الأشياء القريبة و بالتالى لابد من تعويض النقص الحاصل فى قوة العدسة بعدسة محدبة خارجية تتزايد قوتها تدريجيا مع التقدم فى العمر لحين بلوغ سن 60 سنة و عندها تكون قوة العضلة الداخلية و العدسة فقدت تماما و تم تعويضها بالكامل بعدسة خارجية فلا يمكن ان يحدث تغير فى مقاس القراءة بعدها

    و طبعا واضح من الكلام اللى فات ان الحكاية دى مالهاش دعوة بنظر المريض كان اصلا ايه
    يعنى اللى عنده قصر نظر او طول نظر مقاسه كما هو مالوش دعوة بتغير القدرة على رؤية القريب
    و بالتالى هايلبس نظارة تانية جنب النظارة الأصلية و بدل ما هى واحدة لكل شئ هايبقى فيه واحدة للمشى و واحدة للقراءة

    آدى اصل الأسطورة و تفسيرها الحقيقى
    ارجو انى اكون وضحتها
    و تحياتى

    Dr. Sherif Mansy
    أى سؤال أو استشارة فى طب العيون

    الصحة تاج على رؤوس الأصحاء
    لا يراه إلا المرضى


  2. #2

    الصورة الرمزية EslaM_NagY

    رقم العضوية : 13619

    تاريخ التسجيل : 26Jun2008

    المشاركات : 2,709

    النوع : ذكر

    الاقامة : Nasr City

    السيارة: Verna 2014 AT

    السيارة[2]: Verna 1.6 2007

    الحالة : EslaM_NagY غير متواجد حالياً

    افتراضي -

    جزاك الله كل خير.

    سبحان الله وبحمده سبحان الله العظيم
    لا تظلمن إذا ما كنت مقتدرا --------- فالظلم يرجع عقباه الى الندم
    تنام عينك والمظلوم منتبه --------- يدعو عليك وعين الله لم تنم


  3. #3

    الصورة الرمزية M.almaghraby

    رقم العضوية : 29575

    تاريخ التسجيل : 09Jan2009

    المشاركات : 5,234

    النوع : ذكر

    الاقامة : Ismailia city & heliopolis

    السيارة: daewoo juliet 2003

    السيارة[2]: proton persona m/t

    الحالة : M.almaghraby غير متواجد حالياً

    افتراضي -

    hasad">

    كلام جميل جدا يا دكتور

    [rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]


    You 're beautiful , Its true




 

المواضيع المتشابهه

  1. معتقدات و اساطير خاطئة عن الطب (2)
    بواسطة Dr.SherifMansy في المنتدى عيــادة نايـل مـوتـورز
    مشاركات: 21
    آخر مشاركة: 29-11-2015, 08:15 PM
  2. معتقدات و اساطير خاطئة عن الطب (1)
    بواسطة Dr.SherifMansy في المنتدى عيــادة نايـل مـوتـورز
    مشاركات: 34
    آخر مشاركة: 22-10-2015, 10:17 PM
  3. مشاركات: 63
    آخر مشاركة: 10-11-2012, 02:22 PM
  4. اساطير اليابان
    بواسطة horas3000 في المنتدى اليابانى العـــام
    مشاركات: 0
    آخر مشاركة: 01-10-2012, 04:22 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2