الموضوع: اكتب موقف غريب او مضحك حصل فى شغلك

ههههههههههههههههههههههههه هه

مش أي حد بردو

هههههههههههههه

المشاركة الأصلية كتبت بواسطة نور القمر

الحمد لله يا دكتور ربنا ستر

بس حضرتك مش شايف ان في استهتار زيادة بصحة المرضى سواء من الحكيمة خفيفة الدم او طبيب التخدير اللي على ماعرف لازم يكون متواجد طول فترة العملية مع المريض ... لا وكمان داخل بمج النسكافيه
طيب لو لا قدر الله مكنش لحق يخدر المريض تاني ذنبه ايه المريض في المشاكل اللي كانت هتحصل له!!!!!

الحياة جميله بالاضافه الى ان احنا اكيد ف مصر انا عايز اقول ان حجم الفساد و الاهمال ويمكن الدلع ف مستشفيات المحروسة يخض انا بيتحكيلى كتير جدا من اقاريبى ومعارفى عن ناس زينا كده بيموتو ف المستشفيات نتيجه للفساد و الاهمال ويمكن الدلع والكارثه ان محدش بيحاسب حد الستشفى النهارده بقى اسوء من قسم الشرطه لازم لما تخشه تبقا عارف حد جواه عشان تضمن انك تلاقى الحد الادنى من العناية اللى تليق ببنى ادم

المشاركة الأصلية كتبت بواسطة lancer92

خلينى ابتدى انا
بس بلاش حد يفهم غلط
ده مش بيحصل دايما
دى مرة و عدت و ربنا ستر
طبعا تم حذف الأسماء و الأستعاضة عنها بفلان و فلانة

أغرب ذكريات فى غرفة العمليات
مقطع من عمليه مياه بيضاء

أنا- ياللا بقى العدسة علشان نزرع

حكيمة العمليات- ال 115 و لا ال 118


انا- الله ؟ هى اول مرة تقفى معايا فى عملية يا فلانة ، 118 طبعا


حكيمة العمليات- اتفضل


انا- شكرا


انا- الله الله ، العيان باينه بيصحى !!! ده عمال يحزق جامد !!


المساعد- فعلا يا بيه ، ايده ابتدت تتحرك!!!


انا- (بصوت عالى) يا دكتور فلان (بتاع التخدير) ، العيان بيصحى


دكتور التخدير- (بصوت بعيد من خارج غرفة العمليات) ها ها ها ، ماتسيبه يصحى ، انت زعلان ليه ؟


انا- انت يا جدع ، انا باتكلم بجد العيان بيصحى و ابتدى يحزق و انا بازرع العدسة ، كده الدنيا هاتبوظ


دكتور التخدير- انا جاى اهوه (يفتح باب العمليات بتراخى بيد بينما يحمل مج النسكافيه باليد الأخرى)


انا- بسرعة شوية يا فلان ، ال iris (القزحية) طلع نصها بره و كده ال posterior capsule (المحفظة الخلفية اللى بنزرع عليها العدسة جوه العين) ها تفرقع ، ياللا بقى الله يخرب بيتك


دكتور التخدير- (بقلق بعض النظر الى قراءات الأجهزة امامه) ده صحى فعلا


انا- (بصوت عالى) امال انا بهرج معاك؟


دكتور التخدير- طب اصبر لما انيمه تانى


انا- لا اله الا الله ... ايه ده ؟؟


المساعد- فيه ايه يا بيه؟


حكيمة العمليات- مالك يا دكتور شريف ؟


انا- العدسة باينها هاتسقط جوه العين !! يظهر ال posterior capsule فرقعت ... منك لله يا فلان (دعاء قصير على دكتور التخدير)


انا- بسرعة يا فلانة ، ادينى هوسكنز امسك العدسة بسرعة قبل ما تقع جوه العين !!!


حكيمة العمليات- انت تأمر يا باشا ، هوسكنز و لا باراكير و لا ماكفيرسون ، كله تحت امرك


انا- انت هاتسمعينى وصلة غنا ، اوعى كده من قدام ترابيزة الآلات (و امد يدى بسرعة لآخذ الآلة المطلوبة مادامت الحكيمة هانم لسه ما ناولتنيش اى حاجة و الوقت بيجرى)


انا- الحمد لله ... لحقت العدسة قبل ما تقع جوه العين


المساعد- مش ممكن يا بيه .. انا مش مصدق انك لحقتها ، ده انا شايفها و هى بتقع جوه العين ، انت جبتها ازاى ؟؟ (طبعا سؤال مش فى وقته ابدا ، هو الواحد هايلحق المصيبة ولا يشرح)


انا- هو ده وقته ؟ ايه ده ؟


انا- و دلوقت هاتى العدسة التانية


حكيمة العمليات- ال 115


انا- طبعا ... انتى مش نبرتى فيها من الأول ... منكم لله كلكم

ملحوظة ... بفضل الله وحده انتهت العملية على خير برغم العالم اللى مالهاش لازمة اللى كانوا شغالين معايا و العيان دلوقتى نظره 6/9 بالنظارة و عمره دلوقتى 68 سنة (فات 4 سنين على العملية اللى ربنا كتب لها النجاح بمعجزة منه)

بالذمة نعمل ايه فى البرود و التخلف ده ؟؟ و بعد كده يقولوا ليه الجراحين بيجيلهم ضغط بدرى ؟؟

يا دكتور انا اتقرفت حرام عليك دى مواقف مقرفة مش مضحكة

احكيلكم انا بقى على دكتور عندنا الجامعة مش عارف جايباه منين مع ان الدكتور ده في الشغل العملي بشهادة كل الناس ممتاز جدا بس ولا يعرف يدرس حساب حتى لعيل في ابتدائي

اولا الدكتور ده تخصصه طيران وبيدرس لنا مواد هو شكله اصلا مايعرفش بتاعت ايه !! المهم في الترم الاول كان بيدينا ماده اسمها Kinematics طبعا كلكم عارفينها المهم جينا في امتحان الميدتيرم وكلوا مركز في الامتحان وطبعا الطباعة بتاعة الورقة كانت زي الزفت فمش باين الاتجاهات بتاعت الاسهم بتاعت السرعات وفي عز التركيز قام واحد صاحبي وراح قايل
* دكتور دكتور ... هو اتجاه ال - أوميجا - (السرعة الزاوية) فين
راح الدكتور قال :
* هي ايه اوميجا دي ؟!!!

موقف تاني من نفس الدكتور الفظيع ده وهو بيدرس لنا مادة اسمها Mechanical Vibrations ودخل السكشن مع المعيد وطبعا المعيد بيشرح برقبة الدكتور ... المهم جينا عند معادلة كده بتاعت ال Free damped System وحب الدكتور يتنطط علينا وقام عشان يشرح لنا المعادلة جت منين !! وقعد يشرح ويقولك هنستخدم قانون اكمال المربعين والكلام من ده كله المهم وصل لمعادلة لاتمس معادلة النظام اصلا وطبعا انا هسيبكم تتخيلوا منظر الطلبه كان عامل ازاي وخاصة المعيد اللي دور وشة الناحية التانية وهاتك يا ضحك لدرجة انه عمل نفسة بيتكلم في الموبايل وخرج من السكشن

المشاركة الأصلية كتبت بواسطة lancer92

انا قلت فى عنوان المشاركة "موقف غريب او مضحك"
و بعدين كل واحد و له وجهة نظر
واحد شايفه غريب ، التانى شايفه مضحك
و اخيرا ماعتقدش ان كلامى كان فيه حاجة مقرفة او اى حاجة توحى بالقرف ، مع احترامى لسيادتك
و تحياتى

ما انت مش قرفان علشان دى شغلتك لكن غيرك لما بيتخيل اللى انت كاتبه بيقرف

و تقبل احترامى

كنت على المنتدى العام .. افتكرت الموقف ده

مرة كنت مروحة من الشغل وراكبة ميني باص ركبته 2000 مرة قبل كدة طريق شغلي لبيتي ... راكب بيسأل سؤال على مكان ... فقلتله أنا نازلة الآخر .. لما يجي المكان حقولك ... إذ بالسواق البلطجي ... بيقولي يا مدام أنا آخري العاشر ... قلتله أفندم ... قالي أنا محمل عاشر
قلتله ليه هو انت مكروباص بالفرد ... عاشر إيه ... هو نظام بلطجة واستعباط .. اقسم بالله العظيم إن ما كملت لحنزل من العربية اطلبلك الشرطة وحاخد نمرة العربية وحعملك محضر في القسم ... وحروح شركتك بكرة وحقدم فيك شكوى .. وحتشوف .... وقعدت بقا بصراحة ازعق ... ولمت الركاب إزاي يسيبو واحد يتحكم فيهم بدون وجه حق كدة

برطم شوية .. وكنت ناوياله على مصيبة لو تجاوز وقل أدبه ... ياللا ... خدش حياء أنثى ( محامية بقا ) ساعات بتنفع والله ... المهم زميل ليه جنبه قاللي هو كدة ... قلتله طب أعملو كدة .. وأنا مش مروحة النهاردة ... ولما نشوف حنونس بعض بقيت اليوم فين ... سكت ومردش ... وكمل بعد العاشر زي ( الــ؟؟؟؟؟ )

طبعا أنا كان ممكن اعمل إللي هددت بيه .... سهل جدا... بس أكيد كنت حتراجع وقتها وحستعوض ربنا .. لو ما كنش كمل ورغم غضبي الشديد . .. لإني مقبلش أعمل الموقف ده .. وأعرض زوجي لأي إحراج ... نتيجة طبعا اللجوء للشرطة وغيره