الموضوع: اكتب موقف غريب او مضحك حصل فى شغلك

المشاركة الأصلية كتبت بواسطة kemo0o

احكيلكم انا بقى على دكتور عندنا الجامعة مش عارف جايباه منين مع ان الدكتور ده في الشغل العملي بشهادة كل الناس ممتاز جدا بس ولا يعرف يدرس حساب حتى لعيل في ابتدائي

اولا الدكتور ده تخصصه طيران وبيدرس لنا مواد هو شكله اصلا مايعرفش بتاعت ايه !! المهم في الترم الاول كان بيدينا ماده اسمها Kinematics طبعا كلكم عارفينها المهم جينا في امتحان الميدتيرم وكلوا مركز في الامتحان وطبعا الطباعة بتاعة الورقة كانت زي الزفت فمش باين الاتجاهات بتاعت الاسهم بتاعت السرعات وفي عز التركيز قام واحد صاحبي وراح قايل
* دكتور دكتور ... هو اتجاه ال - أوميجا - (السرعة الزاوية) فين
راح الدكتور قال :
* هي ايه اوميجا دي ؟!!!

موقف تاني من نفس الدكتور الفظيع ده وهو بيدرس لنا مادة اسمها Mechanical Vibrations ودخل السكشن مع المعيد وطبعا المعيد بيشرح برقبة الدكتور ... المهم جينا عند معادلة كده بتاعت ال Free damped System وحب الدكتور يتنطط علينا وقام عشان يشرح لنا المعادلة جت منين !! وقعد يشرح ويقولك هنستخدم قانون اكمال المربعين والكلام من ده كله المهم وصل لمعادلة لاتمس معادلة النظام اصلا وطبعا انا هسيبكم تتخيلوا منظر الطلبه كان عامل ازاي وخاصة المعيد اللي دور وشة الناحية التانية وهاتك يا ضحك لدرجة انه عمل نفسة بيتكلم في الموبايل وخرج من السكشن

عندنا دكتور رياضة بيعمل زى كدة بمعنى - يطلع ناتج على البروجيكتور غير الى الدفعة كلها مطلعهاها ولما حد يقوم بفهمه يقعد ساعة مش عارف الغلطة فين وفى الاخر الجملة المعهودة "انا قصادها عشان اشوف انتوا نايمين ولا لالالالالالالالالالالالال الالا"

المشاركة الأصلية كتبت بواسطة lancer92

بلاش نجيب سيرة عمليات علشان يظهر الناس بتزعل ...

خللونى احكى لكم عن موقف و انا لسه نائب صغنن فى اول تعيينى

كنت فى العيادة فى المستشفى عندنا و كانت ساعتها غرفتين بينهم باب (مفتوح طبعا) و كنت قاعد فى اول اوضة

كنت باعمل نظارة لطالبة فى الجامعة (اعلى درجة من التعليم فى مصر ... التعليم الجامعى)

و بعد ما اخدت مقاس الكومبيوتر قعدت و لبستها الشنبر Trial Frame علشان نجرب العدسات لعمل مقاس النظارة

قبل ما احط اى عدسة راحت قايلة : كل حاجة مزغللة و مش واضحة

حطيت اول عدسة و لما سألتها اذا كانت ابتدت تشوف احسن كده

ردت و قالت : كل حاجة مزغللة و مش واضحة

غيرت بعدسة اقوى و سألتها نفس السؤال

قالت : كل حاجة مزغللة و مش واضحة

زودت المقاس اكتر و سألتها تانى

قالت : كل حاجة مزغللة و مش واضحة

قللت المقاس عن اول مرة و سألتها

قالت : كل حاجة مزغللة و مش واضحة

قعدت اطلع و انزل فى المقاسات و عدت الكومبيوتر مرتين (قلت يمكن مقاسه فيه غلط) و لكن نفس المقاسات طلعت هى هى

و بعد فترة من التجارب فوق النصف ساعة (رقم قياسى لأطول وقت عمل نظارة) اتنرفزت و كنت هاتجنن و قلت لها : ماهو مش معقول بعد ماجربنا العدسات دى كلها و مش شايفة حتى اكبر علامة فى لوحة العلامات فى المراية

بصت بقمة الأستغراب و قالت لى : لوحة علامات ايه ؟؟ و مراية ايه يا دكتور ؟؟ آه ... هو انت قصدك اللوحة اللى قدامى دى فى المراية ؟؟؟ هو المفروض انى ابص عليها ؟؟؟

سألتها و انا فى قمة الذهول من ردها : امال انت كنت بتبصى فين ؟؟؟

شاورت لى الهانم على دولاب ادوية فى آخر الأوضة الثانية (حاجة كده حوالى 8-9 متر بعيد عنا) و قالت بمنتهى البراءة : ده انا كنت باحاول اقرأ الكتابة اللى على علب الدواء فى الدولاب و ماكنتش شايفاها ...

مفيش قرف من العمليات ولا حاجة ابقى اكتب بس فى الاول تحذير لأصحاب القلوب الضعيفة ميدخلوش

وبالنسبة للموقف دا انا شخصيا حقلعها النظارة واطردها شر طردة.
دا الواحد بيبقى ماسك علبة الدوا فى ايده ومش شايف الى عليها دى بتبص عليها من بعد 9 متر !!!!!!!!! لا وفى الجامعة :k31:

المشاركة الأصلية كتبت بواسطة AHMEDCAR

فى مره المدير طلب منى جرد القسم الخاص بيا و طبعا انا ذوهلت لانى كنت شغال فى مكتبه علميه و القسم بتاعى بيضم 100 الف كتاب بالظبط و كان عايزنى اخلص الجرد فى يوميين طبعا نفذت بس و انا بنفذ كنت قاعد على الارض و قالع الجزمه و الشراب و كنت متدارى وراء كتب خشبى كده و عمال اقول ( حسبى الله ونعم الوكيل فيك يا هانى ) ده كان اسمه المدير المهم لقيت واحده عماله تضحك قولت مين الاستاذه اللى عماله تضحك دى كنت فاكرها زميلتى فى القسم التانى و فجاه اكتشفت انها زوجه المدير

وياترى ماذا حدث فيما بعد ؟؟؟

واكتشفت ازاى انها زوجته ؟؟