استفسار عاجل جدا جدا جدا

**mamadoo** · 21-05-2009 05:41 PM

السلام عليكم ورحمة الله وبركاته
لي استفسار ضروري جدا
اريد تركيب فرش جلد واخبرني السروجي ان الجلد الالماني هو الافضل ولكني
اريد خامة جلد لا تسبب الحرارة او التعرق وخاصة في فصل الصيف
افيدوني وجزاكم الله خير علما بان
سياراتي جراند تريوس 7 راكب واجمالي التكلفة ستكون 850-900 جنيه وفرش الارضية بالكامل حوالي 400 جنيه هل هذه الاسعار مناسبة؟

**MoToRiZeR** · 21-05-2009 07:43 PM

انا معرفش الأسعار بس أعتقد حضرتك إن أي خامة جلد عامة هتسبب حرارة شديدة في الصيف .
ممكن اللي يفرق شوية اللون .. طبعاَ الجلد الأسود بيكون رهيب .. بيحول العربية إلي ساونا حقيقية .

ممكن تركب لون فاتح، بيج مثلاَ .

**Abdo_Eldesokey** · 21-05-2009 07:51 PM

أنا مسمعتش الكلام وأنا بعمل فرش وعملته جلد وكمان أسود... وبتعذب دلوقتى في العربية من الشمس

خليك في القماش والقطيفة أحسن

**nonalaziza** · 22-05-2009 03:00 AM

انا ركبت فرش جلد في التوكيل من كام يوم هو مبدئيا الجلد افضل من القماش والقطيفه في حاجه ان لما تشغل التكييف القماش والقطيفه بيمتصوا الريحه والرطوبه بتاعته فمع الوقت بيحصل ظهور ريحه مش ظريفه من القماش و بتوصل في بعض الاحيان مع استخدام التكييف كتير لظهور ريحه ( كمكمه ) ريحه مش ظريفه خالص
دي حاجه تاني حاجه ان تنظيفه بيكون اسهل بكتير من القماش والقطيفه ومش بتبقع
ثم حضرتك ممكن تجيب عرقات اللي بتتركب علي الكرسي انا لحد دلوقتي لسه مش جبتها
الجلد اللي مركباه اسود بصراحه اشيك لون ولحد دلوقتي مش اشتكيت من انه بيحرر
ومركباه ب 450 بالمصنعيه في التوكيل
بس ياريت حضرتك تفدني في موضوع فرش الارضيه دا لاني عرضت عليهم هناك اجيب الخامات وهما يركبوه رفضوا وانا محتاجه اركب فرش
ويارب اكون قدرت افيد حضرتك.