مطلوب عفشجي اوبل

**Opelvectra** · 21-05-2009 07:22 PM

يا ريت يا شباب اصحاب الخبرة يدلوني علي عفشجي جامد للأوبل و يا ريت متخصص في 95 انا ان شاء الله عاوز اروح بكرة الصبح التوكيل اكشف عليها فيها اية في العفشة و اروح لحد علي طول اظبطها انا سمعت ان اشرف اوبل اللي في العباسية جامد و ناس كتير بتشكر فيه يا ريت لو حد يقولي عنوانو بالظبط اية و نمرتو مثلا علشان لو تهت و انا رايح و يا ريت كمان نظامو اية في الفلوس و قطع الغيار اجبها منين ياعني يا ريت اصحاب الخبرة يدلوني علشان انا قبل كدة كنت بصلح عند واحد اسمو محسن في فيصل و كان هوا بيجيب الحاجة من عندو معرفش صيني بقا ولا اية فا عاوز بجد اظبط الدنيا و فلوس بردوا معقولة يا ريت تردوا عليا انا مستنيكو يا شباب و متشكرييييييييييييييييييين

**Ahmad Allawy** · 21-05-2009 07:36 PM

والله يا باشا انا عارف مكانه كده بالوصف..
تمشي من تحت كوبري الفردوس بتاع صلاح سالم.. و تفضل ماشي طوالي لحد ما تلاقي تاكي علي يمينك باين.. و تكمل بعدها لحد ما تلاقي الشبراوي.. هو تقريبا ف الشارع اللي علي ناصيته الشبراوي او اللي بعده..

بالنسبة لموضوع قطع الغيار.. ف انا برضه ماعرفش.. و مستني اعرف عشان احتمال كبير اروحله قريب انا كمان.. عشان اشد العفشة عندي..

في انتظار معلومات اكتر من حد يكون اتعامل معاه..

**Opelvectra** · 21-05-2009 10:15 PM

شكرا يا باشا علي الاهتمام و الرد و انا هحاول اعرف مكانو بالظبط و لو كدة هقولك يا باشا ان شاء الله

**tananybasha** · 21-05-2009 11:39 PM

انت مش كنت كلمتنى فى موضوع العفشة دة قبل كده من فترة و قلتلك على الحاج يحى امين - الباشا فى شارع البحر الأعظم و قلتلك بلاش المهندس محسن بتاع كفرطهرمس - فيصل بعد بتاع الأوبل و لا مش انت

**tananybasha** · 21-05-2009 11:45 PM

على اى حال الوحيد اللى باثق فيه فى العفشة هو عم يحى الباشا و انا قاصد اقول عم يحى عشان الراجل ده صاحب ابويا من 30 سنة و متربى مع ولاده و هو راجل محترم لأقصى درجات الأحترام و جربته فى عربياتى و عربيات اصحابى لغاية كرولا 2009 و مازدا 3 و فيكترا الجديده و مرسيدس عيون و شبح و الهوندات بأنواعها و محدش اشتكى منه بل كل واحد بقى بيجيب اصحابه على حسى انا و معرفتى بيه بس هو بيقفل الجمع و هو فى شارع الدبح - الشارع اللى فيه مطلع كوبرى العمرانية فى الداخله اللى جاية من شارع البحر الأعظم اسأل على عيد الأسمر و قوله من طرف محمد الطنانى و مش عيد بس اللى تلاقيه هناك لغاية الصبيان اللى فى الورشة أو الأسطوات مصطفى - ممدوح - محمد - عيد بس أنا بحب عيد اللى يشتغل و براضيه و مع العلم انى عربيتى بتتصلح و قطع غيارها لو استيراد و عند الحاج يحى يبقى انا فى الباى باى و بلاش و هو مش هيغشك لأنه بتاع ربنا قوى و خليك مع الله و انت من شبرا صح

**MohamedGafar** · 22-05-2009 04:05 PM

اشرف اوبل 0123924455

إسال على سامح. هو احسنهم فى العفشة.

تحياتي.

**MohamedGafar** · 22-05-2009 04:14 PM

قطع الغيار من عند الحاج حمدي ابو السعود (ممتاز و عن تجربه) فى عباس العقاد قدام شيخ البلد الناحيه التانيه
ت : 22703754

تحياتي.

**tananybasha** · 23-05-2009 12:03 AM

تعب ساعة و لا كل ساعه و الناس هنا كلهم اساتذه و بيتعاملوا مع ناس نضيفة و ابعد عن التوكيل لأنه هيدبحك

-

الموضوع: مطلوب عفشجي اوبل

LinkBack

أدوات الموضوع

عرض

مطلوب عفشجي اوبل - انشر الموضوع فى :

-

-

-

-

-

-

-

المواضيع المتشابهه

مطلوب عفشجي شاطر في اسكندرية

مطلوب اوبل 99

مطلوب اوبل 99

مطلوب اوبل فيكترا

الكلمات الدلالية لهذا الموضوع

المفضلات

المفضلات

ضوابط المشاركة