وفي ناس لا قدر الله بتقول اشتريها وحط كفنك في الشنطة معاها بسبب الفرامل (بعد الشر طبعا) بس دي جملة سمعتها كتير
انا قريت في الاهرام ان موديل 2010 نزل
عرض للطباعة
وفي ناس لا قدر الله بتقول اشتريها وحط كفنك في الشنطة معاها بسبب الفرامل (بعد الشر طبعا) بس دي جملة سمعتها كتير
انا قريت في الاهرام ان موديل 2010 نزل
أنا أشتريتها من أسبوع وموديلها 2010 وفى المرور ما رضيوش يرخصولى موديل 2010 وقالولى ها نرخصهالك 2009 وبيقولولى ترخيص موديل 2010 فى المرور من أول شهر أغسطس .
ياريت يا جماعة لو حد يعرف صيانة الألف مجانا ولا لا
وإذا كانت مجاناً أنا اللى بشترى الزيت ولا الزيت مجانا برضو
والفلاتر كمان أنا اللى بشتريها ولا مجاناً
انت اكيد بتسال ناس معندهمش فيرنا لانها السيارة الشعبية الاولى فى الوقت الحالى ومعايا ومع ناس كتير ومافيش ولا شكوى من اللى انت بتقولها ثباتها معقول (لان اى عربية مهما كانت اتزنها بيقل فى السرعات العالية واعتقد لان وزنها بيقل فبتقبى خفيفة) والله اعلى واعلم
بصراحة الفيرنا دي عربية محترمة جدا بالنسبة لسعرها من وجهة نظري
وبتنتشر بطريقة غريبة اوي ودا في حد ذاتو يطمن الواحد ودليل على انها عربية يعتمد عليها
كلامك صح هي كعربيه للمدن فقط ممتازة طبعا خصوصا في سعرها ومعقولة جدا انما نصيحة متنفعش للسفر ومقصدش هنا انها مبتسافرش لاء بتجري وبتجيب 180 بس خير الكلام ما قل ودل وربنا يسترها علي الجميع ومش عشان حد مشتريها يبقي مش قادر يعيب عليها هي كعربيه في فئتها السعريه ممتازة (للمدن) واعتقد رأيي وراي ناس كتير مبتحبش اللانوس انها افضل لتقارب السعر او تقريبا نفس السعر فالاختيار للانوس افضل بكتير
انا اسف لو انا تقلت عليكوا شوية , انا اتعاقد على فيرنا من 3 ايام , هل الموديل دة يبقى 2009 ولا 2010 ؟
و كمان احب اوضح ان السواقة بتاعتي هادية جدا بمعنى ان اخري 80 و كدة ابقى ماشي بسرعة لظروف صحية , بس ياريت حد يقولي العربية كدة تبقى موديل كام 2009 ولا 2010 ؟ و شكرا لكل الاعضاء اللي شاركوا في الموضوع بجد الف شكر , و يارب يكون المنتدى منور بيكوا كلكوا دايما .
السلام عليكم , خير يا جماعة الخير انتو رحتو فين ؟
و الله العربيه كويسه جدا جدا توكل على الله
بالنسبه للتوكيل هو المفروض انها موديل 2009 لكن فى عرض دلوقتى من التوكيل انها تكون موديل 2010 و الكلام ده مؤكد
بالنسبه للمشاكل دى كلها كلام فاضى اخرها بتكون محتاجه رجلاش للدبرياج بالكتير قوى لكن السخونه دى و الحمد للله حتى الان مافيش حد اشتكى منها خالص
توكل على الله
شكرا ليك يا احمد , بصراحة كلامك بيريحني , بس ممكن تقولي يعني اية رجلاش ؟
و شكرا