هل يا جماعة هتجيبوا الشفاف خالص، يعنى اقل درجة غمقان ؟ علشان مش عاوزين مشاكل مع المرور مع انى عندى الازاز اللى ورا فيميه و مثبت فى الرخصة الا انى مبحبش وجع الدماغ مع اخوانا اياهم......
عرض للطباعة
هل يا جماعة هتجيبوا الشفاف خالص، يعنى اقل درجة غمقان ؟ علشان مش عاوزين مشاكل مع المرور مع انى عندى الازاز اللى ورا فيميه و مثبت فى الرخصة الا انى مبحبش وجع الدماغ مع اخوانا اياهم......
طيب عيزين نعمل اتصال مع الشخص دة ونطرح عالية الفكرة ونشوف الاعضاء الى محتاجة ال v-cool ونقدر القمية المطلوبة بالظبت ونشوف التكلفة ونقدرها لو معقولة وفى فارق فى السعر عن الاسعار الخيالية الى فى مصر ممكن نحصل عالية بتكلفة اقل
اية رأيكم
ماشي مفيش مشاكل أمازون أو إي باي المهم مقاسات العربية يا إخوانا إيه اللى حيمشي معاها وحأرجع أسألكم تاني العربية تاخد كام فرخ من أي مقاس فيهم والزجاج الأمامي داخل ىف الموضوع واللا لأ عشان أطلب من الراجل! ياريت يا جماعه نتفق ونستقر على رأي واحد وطبعا إحنا متفقين جميعا إنه يبقي شفاف تماما. وياللا لأن الموضوع ده حياخد من 3 أسابيع لشهر. إلا لو عايزين بقي نركبه فى الشتا!!!!
تحياتي.
متابع باهتمام
أنا عندى صندوق بريد فى أمريكا (نيويورك) وصندوق آخر فى لندن ، فلو إتفقتم إنكم تشتروا من أمريكا أو من أوروبا أنا مستعد تستخدموا أى من العنوانين (الأقرب) ، بس بشرط ضمان دفع رسوم الشحن من هناك لمصر + التخليص الجمركى هنا لأنهم هيتحسبوا عليا أوتوماتيك مجرد ما الحاجة توصل للصندوق البريدى هناك سيتم إعادة إرسالها أوتوماتيك لعنوانى فى مصر ودفع الجمارك المطلوبة وإرسال الفواتير لى
المشكلة مش في العنوان البريدي..بعدين أصلا أراميكس حرامية هياخدوا تخليص جمركي كبير
المشكلة إن ebay معظم البياعين فيهم بيعتمدوا فقط paypal
ودة مش بيعتمد مصر
لو حد يقدر يعرف الجمارك كام دة اللي أنا محتاجه بس!
إنما لو على الشراء والشحن ماتقلقوش أنا هاعرف أخلص القصة دي إن شاء الله وبالسعر المكتوب بدون عمولة بس إعرفولي الإتاوة كام..قصدي الجمارك:Oc_sun1[1]:
طب يا جماعة تمام اوى كدة ..الناس كلها ممكن تساعد و الحمدلله .احنا بس محتاجين نعرف العربية هتاخد كام رول تقريبا.
هو الفيمية العادى العربية بتاخد 3 رولات لكن مع دة محتاجين نقيسها تانى.
وبالنسبه لسامح او تامر انا موافق على موضوع اننا ندفع نصف التمن لضمان الجدية.
أعتقد الجمرك هيكون 40% من قيمة الحاجة (قيمتها الصافية بدون الشحن)
أما قيمة الشحن فى أراميكس حوالى 9 دولار للنص كيلو ده من نيويورك لمصر + 75 جنيه مصاريف تخليص جمركى ثابتة غير رسوم الجمرك نفسها (0-40% حسب نوع السلعة)
ميزة أراميكس إنهم بيوصلوا الحاجة لغاية باب بيتك من غير وجع دماغ ، لو هتشحن حاجة تقيلة وقيمتها رخيصة (زى كتب أو قطع غيار معدنية مثلاً) يبقا أسعار أراميكس هتكون غالية ولازم تحسبها كويس قبل ما تشحن معاهم أما لو حاجة خفيفة وغالية (ساعة يد غالية مثلاً) يبقا المصاريف ولا حاجة
عموماً العرض بتاعى خدمة فقط لأنها مش مهنة ولا هاخد عليها عمولة وكان قائم على أساس لو حد محتاج يشحن جوا أمريكا ومش لاقى عنوان يبعت عليه وبالتوفيق ليكم جميعاً
متابع بأهتمام شديد