اسعار قطع غيار السيفيك 93

**hamdykhdr** · 21-05-2009 09:34 PM

يا جماعه دة موضوع مهم جدا جدا للهونداوية

بالنسبة للناس اللى بتجيب العربية وبتتخبط منها وانا واحد من الناس دى
المهم انا معايا الموديل دة من العربية من كام يوم راجع بالليل متاخر على طريق الزقازيق وكااااااااااااااان فاضى المهم مش ححكيلكم ماشى 190 وبدوس المهم حمار كان فى جنب الطريق شايفة من بعيد رايح نحية النص المهم انا كنت عامل حسابى على غرزة من الشمال عشان كان فى مقابل المهم دوست فرامل كحرتة فى الاسفلت بتاع 50 متر الحمار اللى قدامى مسمعش التلكسات ولا بص فى المرايات بتاعتة حتى صاحبنا اتفزع ومشى يمينة وربنا نجانى من موتة المهم بعديها اقسمت انى عمرى محعدى 120 ابدا الا فى الاعيدا بس
تانى يوم راجع من الكورس ومروح ماشى 60 سواق مكروباص واحد شاورلة مش ركنلة لا وقف فى نص طريق عامل زى الحريم بالظبط فى دوسة الفرامل المهم ادى جزات اللى يمشى براحة
نزلت تحت المكروباص من ورا ودى ميزة الهوندا طبعا الحمد لله كلة على البارد ما عدا الرفرف والفانوس
المهم حقولكم على الاسعار الجميلة بتاعتها والراجل اللى انا سالتة عليها محترم جدا وقالى الصاج الايام دى مش موجود وغالى
الاسعار اهية
الرفرف اليمين 300 ج والشمال موجود وارخص
الكبوت 500-550
الفوانيس بقى الاستيراد منها من غير الاشارة ب 130 والاشارة التيوانى 30
الفوانيس المتعدلة ودى طبعا مش فى الحرفيين 1000
المساعد بالسوستة بكل حاجة شيل وحط استيراد ب 150
اللى محتاج يعرف اى حاجة فى المنتدى هنا انا حتابع الموضوع دة يوميا انا معايا ارقام الناس دى وممكن افيد الناس
زى ما الناس الحلوين اللى هنا فادونى زى الاستاذ محمد الشامى

**khaled_rafea** · 21-05-2009 09:50 PM

الف سلامة عليك, قدر الله و ما شاء فعل, انا عاوز اعرف الاسعار ديه من انى محل, انا معايا اخت عربيتك و من بورسعيد جبت اسعار اغلى من كدة, كمان ممكن لو سمحت تقولى بتعمل العفشة والميكانيكا فين بالظبط

**hamdykhdr** · 22-05-2009 01:42 AM

يا باشا انت راجل من بورسعيد فحر عندك اكيييييييييييييييييييييد حتجيب ارخص منى
المهم الحاجات دى جبتها من حرفيين القاهرة والاسعار دىممكن تجيب اقل منها كمان لو قعدت تفاصل وانت فاصل لانهم كلهم رباطية مع بعضهم كدة

**khaled_rafea** · 22-05-2009 11:29 AM

سورى انت فهمتنى غلط, انا من القاهرة و رحت جبت من بورسعيد, و كانت الحاجات غالية اوى, اغلى من الاسعار اللى انت كاتبها, عشان كدة بسألك بتجيب من انى محل فى الحرفيين؟؟؟؟

**khaledfox** · 31-05-2009 08:16 AM

اه انا كده بدات اقلق من بور سعيد؟؟؟؟؟؟؟

**ma2a** · 02-06-2009 01:00 AM

الف سلامة عليك و على العربية
ممكن اعرف ايه هى امكانيا سيفك 93 زى الماتور و الثبات فى السرعات العالية و كدة
و ربنا يكرمك و يسترها معانا كلنا

**koko2sue** · 03-06-2009 08:29 AM

يا راجل حرام عليك متمشيش على 190 تانى ولا حتى فى الأعياد

**mohamedadel811** · 03-06-2009 07:15 PM

باشا احب اقولك ان الاسعار اللي حضرتك كاتبها دي ناااااااااااااااااااااااا ااااااااااار
الدنيا ارخص من كدة بكتييير انا عربيتي مو 1992 و كانت و عملت نفس الحدثة بالظبط على الدائري المهم ان قولت اشداها كلاها يعني عندي كانت جابت كابوت ورفرف بس ,, لكن انا جبت بالمرة كابوت و رفرفيين و 4 ابواب كاملة بالمكن والسنتر والزراير و مرايات و اكصدامات و دلايات امامية و خلفية ,,, بس الدنيا غير مانتا بتقول خالص

**H_basioony** · 03-06-2009 11:24 PM

طب م/محمد عادل ممكن تقول منين جبت الحاجه و بكام انا شايف ان الاسعار الى كاتبها حمدى مش نار ولاحاجه فرق 50 جنيه فى الرفرف و 50 فى الكبوت و 10 او 20 جنيه ف الفانوس
ده الى اعرفه يا ريت تقولنا على الاسعار الى جبت بيها الحاجه
والف سلامه يا استاذ حمدى اهم حاجه سلامتك
شكراا

**mohamedadel811** · 07-06-2009 10:18 AM

الكابوت 300 ج (جديد)
رفرف يمين 150 ج و شمال 250 و قليل اوي (جديد)
فوانيس امامية 270 ج (استيراد)
اشارات 60 ج تايواني (جديد)
ابواب كامة بالفرش والمرايات والمكن والزراير كاملة كهربا (1400) لو مرايات عادة و (1500) لو مرايات كهربا