التكييف و ال rpm

**waleed_home** · 21-05-2009 11:46 PM

انا ملاحظ ان لما بشغل التكييف عداد RPM بينزل (من 850 الى 750 مثلا) ولما اطفيه العداد بيرجع تانى وكمان لما بمشى سلانسية على الأول او التانى RPM بيبقى أقل من 1000 يعنى بيكون 850 تقريبا.

طبعا انا نضفت idle controller وعملت idle learn و راجعت على كل خراطيم الفاكيوم و ما فيش فايدة .

مع العلم ان العربية لانوس 2 مو 2002 عاملة 60 الف كيلو ومغير كل الفلاتر والبيجوهات و الموبينة والعربية سحبها كويس جدا .

**samirayad** · 22-05-2009 12:31 AM

طيب ماتعيد عمل الأيدل ليرن تانى ............

**waleed_home** · 22-05-2009 11:53 AM

المشاركة الأصلية كتبت بواسطة samirayad

طيب ماتعيد عمل الأيدل ليرن تانى ............

عملت idle learn اكتر من 10 مرات لدرجة انى شكيت فى idle controller بتاعى فركبت بتاع عربية اخى وباردة نفس النتيجة .

مشكور يا سمير باشا دايما تعبك معايا

**samirayad** · 22-05-2009 12:10 PM

طيب عملته بأى خطوات يابشمهندس..........

**waleed_home** · 23-05-2009 08:38 AM

اول حاجة شيلت كابل البطارية وركبته وبعد كدة :
- فتحت الكونتاك لمدة 5 ثوانى وقفلته لمدة 5 ثوانى وبعد كدة فتحته 5 ثوانى ودورت العربية .
- سيبت العربية دايرة لغاية لما عداد الحرارة طلع على اول شرطة
- بعد كدة شغلت التكييف 10 ثوانى وقفلته لمدة 10 ثوانى
- بعد كدة بطلت العربية وشكرا

**samirayad** · 23-05-2009 03:37 PM

طيب جرب كده الخطوات دى ( تقريبا الفرق بسيط بين الطريقتين ) بس عموما جرب الخطوات دى بالضبط.......

-بعد فصل البطاريه لعمل صيانه معينه بالسياره أو بعد رفع وحدة التحكم من مكانها بهدف الكشف عليها وخلافه أو عند تغيير فيوز الأمداد العمومى يلزم عمل الآتى لتنشيط ذاكرة وحدة التحكم......................
بعد عمل جميع التوصيلات المطلوبه وتجهيز منظومة السياره للعمل نفذ الخطوات التاليه
1- أفتح الكونتاكت لمده 5 ثوانى
2-أغلق الكونتاكت لمدة 10 ثوانى
3-أفتح الكونتاكت لمده 5 ثوانى مره ثانيه ...وبعدها شغل المحرك على السلانسيه
4-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه 5- شغل التكييف (أن وجد) لمدة 10 ثوانى
6-أفصل التكييف(ان وجد) لمدة 10 ثوانى

**waleed_home** · 23-05-2009 08:54 PM

انا شاكك فى حساس map .

**samirayad** · 23-05-2009 09:33 PM

والعربية سحبها كويس جدا

انا شاكك فى حساس map .

مايركبوش دول مع بعض ياوليد باشا

**waleed_home** · 23-05-2009 09:45 PM

مش عارف والله يا باشمهندس سمير اصلها حاجة تحير
طيب ما تكونش الرشاشات ليها علاقة ، انا كنت قلت لك قبل كدة ان فيه رشاش عندى بينقط

**samirayad** · 23-05-2009 10:21 PM

طيب ما تكونش الرشاشات ليها علاقة ، انا كنت قلت لك قبل كدة ان فيه رشاش عندى بينقط

هو كون فيه رشاش بينقط فده مش صح طبعا ........وأكيد قريب حتغير الرشاشات الأربعه(لأن عمرهم مرتبط ببعض الأربعه ) فلو عاوز تغيرهم غيرهم وجرب

الموضوع: التكييف و ال rpm

LinkBack

أدوات الموضوع

عرض

التكييف و ال rpm - انشر الموضوع فى :

-

-

-

-

المواضيع المتشابهه

فك وتنظيف فلتر التكييف + هوايات التكييف اليمين والمنتصف والشمال (الطريقة الصحيحة )

سؤال بخصوص مروحة التكييف و التكييف عامة

غيرت فلتر التكييف ولاحظت صوت مع تشغيل التكييف

لمالكى النترا 2012 اخبار التكييف معاكو ايه وخصوصا التكييف الاوتو فى حر السنه دى ؟؟؟

التكييف ونصب بتوع التكييف ... عاوز حل من الاخر

الكلمات الدلالية لهذا الموضوع

المفضلات

المفضلات

ضوابط المشاركة