اغلاق شركه النصر لصناعه السيارت

**Ashraf_Ashraf** · 22-05-2009 01:43 AM

تم اغلاق شركه النصر لصناعه السيارت وجميع مراكز خدماتها بعد اكتر من 40 سنه
والسبب هو كتر الديون وفشل الاتفاق مع اى شركه لتجميع موديلاتها وبكده اتقفل شركه عريقه انتجت سيارات
جميله لمصر وللاسف طبعا بسب سوء الاداره شوف الهند بدات تقريبا فى نفس توقيت النصر للسيارات وشوفوا دلوقتى بقت فين واحنا فين
واكيد طبعا هتتباع بتراب الفلوس لواحد مستثمر وتنتهى قصه شركه كان عليها امل انها تبقى من اقوى الشركات

وشدوا السنجه وكل عام وانتم بخير

**Michael_Lanos** · 22-05-2009 01:47 AM

يا حول الله يارب

دي اخرت السرقه والنهب وقله الضمير

**aikey** · 22-05-2009 01:51 AM

لا حول ولا قوة إلا بالله

**akram2010** · 22-05-2009 02:09 AM

القطاع الحكومى والعام سرقه ونهب بالملايين ومولد وصاحبه غايب والشعب تعب والبلد قاعد تتسرق ومحش بيمسك حد وكله كبيرة يهرب .... ياريت جديه ونحارب الفساد واعدام وفضح كبار المسؤلين بهذة الشركات وكشف حسابتهم امام الراى العام ليكونوا عبرة لمن يعتبر

والمثل اضرب المربوط يخاف السايب صحيح

**Bossy_Fadl** · 22-05-2009 02:38 AM

النصر تبعت ال 128؟

بس انا بعتقد انو سمعت هالخبرية من فترة

يعني الخبر صار له مده

و لا هو كان متعلق بشركة تانية و انا اللي اختلط عليا الامر؟

عموما الف شكر لحضرتك علي الخبرية

و هاي اجلا ام عاجلا كان لازم هيصير

اذا كانت اكبر الشركات بالعالم عم تتداين و تخسر

النصر ما راح يصير معها هالشي؟

اكيد كانت مسألة وقت

**medhatamr** · 22-05-2009 03:38 AM

نصف قرن تجميع بدون اى محاولة تصنيع و لو سيارة بثلاث عجلات وكمان اسعارهم غالية جدا على هذة الموديلات القديمة - ماذا ستكون النتيجة غير ذلك .

**Ahmed Samy** · 22-05-2009 03:44 AM

المطلوب تحقيق واسع ...
و رصد ميزانية الشركة في الأعوان العشرة الأخيرة الأخيرة و محاسبة المقصرين الفشلة الذين توالوا على رئاسة مجلس ادارتها و نهبها او تركها للديون و الفشل و الغنيمة بمرتباتهم الكبيرة و عمولاتهم و ارباحهم من الوكسة اللي عملوها

بس طبعا الفساد يحمي الفساد

**Lord_Fouad** · 22-05-2009 09:49 AM

شيء متوقع و مهياش صدمة يعني .. الشركة كانت بتحتضر من فترة طويلة ... و هي دي سياسة وزارة المالية و الاستثمار .. ان الشركات اللي يصعب خصخصتها و ممكن تعمل دوشة .. نخسرها عشان تتباع بالعافية و محدش يقول بتبيعوا الشركات الكسبانة .. اما الشركات اللي مش مشهورة و ملهاش صيت جامد .. نكسبها عشان تتباع بسعر عالي و العمولات كمان تزيد معاها ... الله يتنقم من الفاسدين

**tutankhamoun** · 22-05-2009 10:08 AM

الحكومة كانت بتحاول أستقطاب شركة بروتون الماليزية ( 1983 ) لتجميع موديلاتتها في شركة النصر للسيارات ( 1960 ) .و بعد زيارة مندوبين شركة بروتون لشركة النصر للسيارات أتضح لهم الآتي :

أن الشركة تعتمد على عمالة غير مدربة تماما و لا تصلح للإنتاج العالمي .
و أيضا الشركة لم تقوم بتحديث معدات التتصنيع منذ عقود ..
و النبية التحتية للنصر للسيارات ( 1960 ) لا تصلح لتجميع أي سيارة حديثة .

و كان من بروتون ( 1983 ) أن تتعاون مع شركة النصر ( 1960 ) لتجميع موديلات بروتون .
بروتون اللي فتحت بعد النصر ب 23 سنة كاملين ...... دلوقتين عندهم أبتكارات خاصة بهم ....... عندهم تصدير عالمي ودخلوا السوق الأوروبي .

الكلام ده من مديرين في بروتون و رئيس قسم الجودة و نائب رئيس مجلس الادارة

و النصر للسيارات لا تستطيع أن تجد شريك ليعطيها رخصة تجميع .

تخيلوا أن الشركة مش لاقيه حد يرضي يتعاون معاها علشان معداتهم قديمة و العمال طبعا مفيش تدريب و لا يحزنون و أغلبهم متعين بالواسطة و الكوسة الحكومية المعروفة .

و بدل الحكومة ما يبقى ليها خطة قومية لإنقاذ الشركة و تطويرها و تحديثها ...

قرروا غلقها تماما .......... و تحيا مصر .

عاملين زي بتوع المرور .
بدل ما يعمل اشارة و يجبر الشعب الهمجي أن يحترمها ........ بيكبر دماغه و يعمل يو ترن.
و بدل ما يعمل رادرات دائمة علشان توقف الأخوة المتسابقين و اللي فاكرين نفسهم على حلبات سباق بيعمل مطبات تكسر أجدع عربية في العالم .

نفس المنطق .
بدل ما يصلح الشركة و يطورها و يكون ليها هدف التصنيع المحلي ........
لاءة بيكبر دماغه و يقفلها .........

و تحيا ج ع ع مرة أخرى و دائما و أبدا ......
و طويل العمر يطول عمره و ينصره على مين يعاديه ........ هاي هيئ

**pharonicking** · 22-05-2009 10:17 AM

المشاركة الأصلية كتبت بواسطة michael_lanos

يا حول الله يارب

دي اخرت السرقه والنهب وقله الضمير

اسمها لاحول ولاقوة الا بالله
ودة خطا شائع بين المصريين كلمة ياحول الله
حول معناها ضعف
ومعنى الكلام يا ضعف الله يارب
وحاشى لله من الضعف
نرجو تصحيح كلام حتى لا نقع فى اخطاء