الموضوع: موضوع خطييييييير برجاء المشاركة

فعلا يا جماعة الازهر بارك مكان تحفة وهوه بجوار القلعة فى طريق صلاح سالم ،مساحته كبيرة جدا واللى عامله مؤسسه خيرية اسمها اغاخان
والمكان مليان مساحات خضرا مريحة جدا وفيه بحيرة كبيرة وفيه منظار تبص منه على القاهرة وفى مطاعم وكافيهات كتير يعنى كل واحد يدخل اللى
على مزاجه واللى يناسبه ولو مش عايز براحتك ممكن تقعد على النجيلة يا تتمشى والمكان واسع جدا ههتعب من المشى ،وفى مكان للأطفال ،
وكمان وهمه بينشأوا المكان كان فيه جزء من حائط صلاح الدين فضلم ورا الجزء ده لحد ما أظهروا السور بالكامل حاجة تحفة يعنى ،
وطبعا فى باركينج جوه المكان فمش هتحمل هم الركنه
الخلاصة انا شايف انه داخل القاهرة ده انسب مكان امان وراحة وتكاليف
،كمان كارفور المعادى اما بكون فيه حاجه شغلانى او مدايقانى بروح هناك الزحمة والناس بتنسينى وكمان الاسعار هناك رخيصة
، كان فيه اندريا المعادى على النيل جنبى كنت بروحه بس للاسف فى حد اشتراه وعمله سياحى اوى
وفعلا زى ما باهر اخبرنا فى رسالة سابقة ماريوت الزمالك فيه كافيهات مختلفة تحت وجميلة واسعارهم معقولة
ولو افتكرت حاجة تانية هقلكم عليها
اخوكم/السيد أحمد