المشاركة الأصلية كتبت بواسطة mmamdouh
فيه مثل بيقول... ملاقوش فى الورد عيب... قالوا احمر الخدين
تفتكر عربية ظهرت فى مصر من سنة 1998 و لسة لحد النهاردة بتنزل زيرو و عليها اقبال شديد و قطع غيارها فى كل حتة و صيانتها بقت سهلة و العيوب اللى فيها اتحفظت و ناس عملت بيها اكتر من 900 الف كيلو بدون عمرات.... هل دى عربية وحشة؟؟؟
مع العلم ان "العربية المنافسة" اللى البعض بيكلم عليها شكلها وحش و انا شوفت واحدة بتعمل عمرة و عدادها كان 16 الف كيلو ووكيلها شخصيا بيغير وش سلندر جديد لو العربية جابت جوان وش سلندر لان الجوان بتاعها صاج دا غير ان التوكيل دة بيشتكى منه ملاك العربية كلهم و كل الاسباب دى خللت اللانوس متفوقة على المنافسين بتوعها
الاكتر من كدة كمان انهم بيقولوا اللانوس شكلها وحش... دى من تصميم المصمم الايطالى جورجيتو جيوجيارو... بقى النهاردة الراجل دة تصميماتة وحشة؟؟؟
و تصميم العربية اياها هو اللى حلو؟؟؟ هو اصلا مين اللى صممها؟؟ سيد سوستة؟؟
سيدى الفاضل... سيب اللى يتكلم يتكلم... المهم السوق بيقول ايه... العربية اللى واخدة اكبر حصة من السوق اكيد هى الافضل لان التفوق دة مجاش من فراغ
mmamdouh