الموضوع: حاجه تفور الدم بجد.

حصل خير و فداك الزجاج و الحاجة.....أنا و الله كل مرة أركن العربية بأكون متوجس...يا ترى هأرجع ألاقيها زى ما هى و لا لأ؟
لكن مافيش غير إن الواحد يقول " استودعكم الله الذى لا تضيع ودائعه "..
على فكرة التوكيل فرع العبور شغال السبت أكيد و أفتكر الجمعة كمان بس مش متأكد

جزاكم الله كل خير يا جماعه وربنا يهدي اللي عمل كده الواحد والله مابيزعلش على اللي راح قد ما بيزعل على الموضوع نفسه ....لما نكون في شارع حي زي ده والناس رايحه جايه فيه والساعه 10 بالليل مش الفجر يعني ولا حاجه ......ربنا يهدي العاص وينور له بصيرته ويكرمه ان شاء الله ......الغريب ان نص السيدي اللي اتسرقت قرآن كريم ......يا سلام الراجل ده يسمعله واحده ولا اتنين منهم ربنا يهديه كده وبيطل سرقه على ايدينا يبقى زي الفل

المهم انا ان شاء الله بعد صلاة الجمعه هانزل اشوف شارع دمشق الاحوال عنده ايه ...... بس ماحدش يعرف يا جماعه سعره تقريبا يكون في حدود كام لو استيراد او جديد من السوق ؟

المشاركة الأصلية كتبت بواسطة ramy_tantawi

جزاكم الله كل خير يا جماعه وربنا يهدي اللي عمل كده الواحد والله مابيزعلش على اللي راح قد ما بيزعل على الموضوع نفسه ....لما نكون في شارع حي زي ده والناس رايحه جايه فيه والساعه 10 بالليل مش الفجر يعني ولا حاجه ......ربنا يهدي العاص وينور له بصيرته ويكرمه ان شاء الله ......الغريب ان نص السيدي اللي اتسرقت قرآن كريم ......يا سلام الراجل ده يسمعله واحده ولا اتنين منهم ربنا يهديه كده وبيطل سرقه على ايدينا يبقى زي الفل

المهم انا ان شاء الله بعد صلاة الجمعه هانزل اشوف شارع دمشق الاحوال عنده ايه ...... بس ماحدش يعرف يا جماعه سعره تقريبا يكون في حدود كام لو استيراد او جديد من السوق ؟

رامي كلمني لو حتروح أنا عايز اشتري تيل للكليو ممكن ننزل سوى لو لحقت تقره رسالتي

0105674854

معلش يا رامي والحمد لله انها جت على قد الزجاج وان شاء الله ربنا يعوضك خيرا من الزجاج واللي اتسرق وخليك واثق انه كان خير ..
يا ريت تطمنا عملت ايه , ربنا يوفقك يا باشا ..

المشاركة الأصلية كتبت بواسطة Sharky

قدر الله و ماشاء فعل
سعر الزجاج الجانبى فى التوكيل 800 جم

طمنا عليك يا رامى صلحتها و لا لسه

حتتفاجئ

السلام عليكم ورحمة الله وبركاته........

انا لسه داخل حالاً البيت وقلت لازم اكتب اللي حصل ......بعد صلاة الجمعه مباشرة شرفت باتصال من العقيد خالد انه على اتم الاستعداد بالتحرك والمساعده.....وعمرو عبدالخالق برضه نفس النظام.....وفعلاً قلنا فرصه نتقابل ونشوف بعض بقيلنا كتير مااتجمعناش ونشوف الموضوع ده...والحمد لله تمت احسن مقابله حتى الآن ولو المصائب هتجمعنا كده انا مستعد اعملكم كل يوم مصيبه ونقضي يوم زي ده مع بعض انا عارف طبعاً ان ده رأيي لوحدي وان سيادة العقيد وعمرو كرهوني كفايه لأن بسببي ضيعتلهم يوم اجازتهم حيث اننا اتقابلنا الساعه 3 تقريباً ما سيبناش بعض غير 9 او بعد كده كمان...يا رب مايكونوا كرهوني يا رب .......

المهم تفاصيل الموضوع ......
نزلنا شارع دمشق الاول وسألنا على الزجاج عند دوس الأول لأن دكتور اكمل جزاه الله خير قاللي عليه المهم دوس قاللي ماعنديش وماتدورش كتير لأن اللي هتلاقيه هايكون مصري وده تخانته مختلفه شويه واتقل من الاصلي وبعد استخدام فتره هايحرقللك مكنة الزجاج بلاش وخليك في التوكيل .........قلت طيب ماشي شكراً دورنا في دمشق كله قال ماعنديش عليك وعلى التوكيل ......قلت خلاص قدر الله وماشاء فعل توكيل توكيل اركنها في اي مكان ليوم الاحد ان احيانا الله ونشوف.......لكن خالد باشا وعمرو باشا قالوا لأ تعالى برضه ننزل الحرفيين ونشوف .....يا جماعه مالهوش لازمه ومش عارف ايه قالوا يلا بس متضيعش وقت.....وخالد باشا قبل ما نتحرك كلم بنفسه عصام بشطر وسأله عن الزجاج ده قالوا موجود .....
المهم توكلنا على الله ورحنا .... قلنا نسأل الأول عند واحد واحنا داخلين لعصام بشطر ونعرف الدنيا عامله ايه سألنا الراجل قالنا اه فيييه بي ........ جنيه بصينا لبعض احنا التلاته وقلنا اييه العبط ده ازاي يعني ؟ وعمرو عينيه لمعت وفضل يحقد علي ويقوللي يا محظوظ يا محظووووووظ المهم عمرو قال يا جماعه احنا اكيد فاهمين غلط انا هادخل اسأل تاني الراجل قالوا يا بييييه قلتلك بي........ ........ فانا قلت لعمرو خلاص مش مهم الراجل ده شكله هايدينا حاجه تانيه غير اللي احنا عاوزينه ....المهم شفنا واحد تاني لقيناه قال سعر بي .........*جنيه... اقل من اللي قبله وعمرو اللمعه في عينه زادت وبدل مايقول يا محظوظ كنت حاسس انه هايقوللي يابني المحظوووووووظ ....المهم قلنا القرار الاخير عند عصام بشطر المهم رحنا وفضلنا معاه قرابة ال 4 ساعات قاعدين عنده طبعاً المنطقه هناك شاعريه جداً وبالتالي كنا قاعدين ولا عطشانين ولا جعانين ولا اي مشكله خالص والله ليكوا حق تكرهوني .....المهم سهل ربنا والمأموريه خلصت وكانت التكاليف كالآتي :-

الزجاج الحمد لله مافيهوش خدش زي الجديد وزي اللي راكب فيها بالظبط تمنه كاام بقى !!!
125 جنيه !!! سامعك يا عمرو عمال تقول نفس الكلمه ماشي ماشي .....

بعد الفك والتركيب واللي هو مجهد الحقيقه لأن الباب معقد جداً وفيه مسامير كتير وحاجات طالعه وحاجات نازله ..........الراجل اللي ركب الموضوع ده قال 80 جنيه ان شاء الله ......العقيد خالد قاله زي الفل يا باشا ايه السعر الحلو ده وقام مطلع 50 جنيه ادهالوا وقالوا اتوكل على الله روح :k48: .

ورجعنا تاني الحمد لله بعد ساعات كلها ذباب وحراره وعطش لكن والله كانوا احسن من اجدع خروجه خرجتها لأني بجد حسيت ان مع اخواتي اللي بجد تعبوا عشاني انهارده دون اي مقابل او حتى التفكير في انهم تعبوا او جاملوني او الكلام ده ........بجد شكراً وجزاكم الله كل خير على وقفتكم معايا يا اخوتي في الله ......

نرجع بقى لعمووووووور عشان اشمت فييه انا كمان وافضل اقوله يا محظوووووووظ
العقيد خالد توكل على الله استأذن وانا كملت مع عمرو غير التيل بتاع الكليو وجاب شوية حاجات كده المهم شوفوا بقى ........

دخل على الراجل يجيب التيل الامامي للكليو ........
عمرو / عندك يا عم تيل كليو ؟
الراجل/ عندي طقم الماني زي الفل ......وقال سعره في الاول تقريبا 100 كلام كده .......فا انا قلت حلو قوي سعر زي الفل.......لقيتلك عمرو قاله.
ماشي يا باشا زي الفل 75 جنيه كويس !!!!!
الراجل / ماشي عشان خاطرك.....!!!!! وانا اللي محظوووظ !!!!!.........خلص موضوع التيل عمرو سخن وقال اجيب فلتر تكييف للميجان بقى بالمره ........دخل على نفس الراجل..
عمرو/عندك فلتر تكييف ميجان 2 يا عم الحج ؟؟؟؟؟
الراجل /ااااه يا باشا عندي هنجاري متصنع في المغرب ومتقفل في الصين وتجميع هندي بس هو في الاصل فرنساوي اوريجنااااااال.......
عمرو/ ماشي يا عم الحج بكااام ؟
الراجل / بي 125 وعشان خاطرك خده بي 110 انت زبوون وصاحب محل.... عمرو / وبتلقائيه شديده مااشي يا عم الحج .......80 كويس ؟؟؟؟؟؟
الراجل / ماشي يا باشا عشان خاطرك انت بسسسسسسسسسسسسس.........
انا عمال اقول اييه الراجل ده !!!!!!! ماهو ياالراجل ده عبييييط يا الراجل ده نصاااب ........يا اما عمرو ده مش محظوووظ ده حاجه اقوى من كده ربنا يجعل كلامنا خفيف عليييك يا عمووووور

المهم كفايه رغي بقى انا قلت بس اقولكم على اللي حصل وبجد انا كنت سعيييييييييد جداً باني اكون معاكم انهارده وربنا يجمعنا دايما على الخير ان شاء الله ونكون طول الوقت في عون بعض .

سلام عليكم.